Te Maara ra Ainei ia Koe?

Kua ariki ainei koe i te tatauanga i te au itiu i ou ake nei o Te Punanga Tiaki? Ka akara ana me ka rauka ia koe i te pau i te au uianga te ka aru mai:

• Eaa te tu tangi aroa, e eaa ra te au Kerititiano ka tatanu ei i te reira?

Te kite i te tuku anga i tetai uaorai ki roto i te ngai o tetai ke ra, mei te manako ngakau no te mamaeanga o tetai ke ra ki roto i to tatou ngakau. Kua akoia te au Kerititiano kia akaari i te ‘ngakau tai, te aroa taeake e te maru.’ (1 Petero 3:8) Kua akanoo a Iehova i tetai akatauanga meitaki no tatou kia aru i te akaarianga i te tu tangi aroa. (Salamo 103:14; Zekaria 2:8) Ka rauka ia tatou i te akakokoi i to tatou kite i teia tu nei na te akarongoanga, te akaraanga, e te tamanakoanga.​—4/15, kapi 24-6.

• E raukai te mataora tika tikai, eaa ra ka tau ei e na mua ake te akaoraanga i te pae vaerua i te rapakau anga openga ra ki te tu akangoru anga i te pae kopapa ra?

E manganui te au tangata oraora i te pae kopapa kare e mataora ana, kua oripu oki i te au manamanata. Ei tuke anga, e manganui te au Kerititiano i teia tuatau ma te au tu akangoru anga i te pae kopapa te mataora tika ra i te tavinianga ia Iehova. Ko te aronga te puapingaia ra i te akaoraanga i te pae vaerua kua o atu i te kite anga i te takore angaia te au tu akangoru anga i te pae kopapa i roto i te ao ou.​—5/1, kapi 6-7.

• Eaa ra a Ebera 12:16 i tuku aiteite ei ia Esau ki tetai tangata akaturi ra?

Kua akaari mai te au papaanga Pipiria e kua akaari a Esau i tetai manako i te akaraanga ki runga i te au tutaki anga viviki e te ariki kore anga i te au mea tapu ra. Me ka akatika tetai tangata i teia tuatau i taua tu manako ra kia akatupuia, ka taki atu te reira ki te ara kino tikai, mei te akaturi ra.​—5/1, kapi 10-11.

• Koai a Tertullian, e eaa tei kitea no runga iaia ra?

E tangata tata aia e e tangata apii tei ora ana i te rua e te toru anere mataiti T.N. Kua kiteaia aia no te tataanga i te au angaanga tata anga e manganui i te paruru anga i te akonoanga Kerititiano. Koi oronga ei i tana paruru anga, kua akamata mai aia i te au manako e te au apii anga te akaruke maira i te tumu anga no te apii anga kino, mei te Toru Tai ra.​—5/15, kapi 29-31.

• Eaa ra e kare e ko te au genetic tei apa tikai ra no te au maki, te tu, e te matenga o te au tangata ra?

Kua manako te au taineti e te akatupu ra tetai apinga genetic i te au maki tukeke o te au tangata, e te irinaki ra etai e na te tu oki e akakoro ra i to tatou au gene. Inara, kua oronga mai te Pipiria i te akamarama anga ki te akamata anga o te au tangata, kapitianga mai e akapeea te ara e te tu apa i tupu ei ki te au tangata. Penei e tuanga ta te au gene i te akatupu anga i te au tu, to tatou tu apa e to tatou reva e au akamana anga maata katoa ia.​—6/1, kapi 9-11.

• Akapeea tetai potonga raupo tei kiteaia i Oxyrhynchus, Aiphiti, i te akamarama mai anga no runga i te taangaanga anga i te ingoa o te Atua?

Teia potonga tuatua no Iobu 42:11, 12 mei roto mai i te Septuagint Ereni te vaira te Tetakaramatona (te nga reta Epera e a no te ingoa o te Atua). E akakite katoa anga teia e ko to te Atua ingoa Epera ra tei roto i te Septuagint, tei taiku putuputuia e te aronga tata o te au Tuatua Tapu Ereni Kerititiano ra.​—6/1, kapi 30.

• Kua akaaiteia te au tupu anga kino e te mate kino ta tangata ra o te Patireia Roma ki teea au tamataora anga tarekareka o teia tuatau nei?

Ko tetai akaariari anga i ou akenei i te Colosseum i Roma, Itaria, te akakite maira i te au mea i teia tuatau na te kapitianga i te au tutu vitio no te ta anga puakatoro, te moto anga, te taemoemo motoka e te patikara matini, e te au ta anga matakitaki i tetai atu au ngai tarekareka anga i teia tuatau. Kua tamou ngakau te au Kerititiano mua e kare a Iehova e inangaro i te kino me kare i te aronga kino, e kare katoa rai te au Kerititiano i teia tuatau. (Salamo 11:5)​—6/15, kapi 29.

• Ia tatou e tauta ra kia riro ei puapii meitaki, eaa ta tatou ka apiiia mei to Ezera ra akatauanga?

Te akataka maira Ezera 7:10 e a apinga ta Ezera i rave, e au apinga te ka rauka ia tatou i te tauta i te aru. Te karanga ra te reira: “Kua [1] akonokono ua ana oki a Ezera i tona ngakau [2] e kimi, e [3] e rave, i te ture a Iehova, [4] e apii oki ia Iseraela i te au akonoanga e te au tuatua-tau.”​—7/1, kapi 20.

• I roto i teea au turanga e rua no te angaanga te tau ra i tetai vaine Kerititiano kia tapoki i tona upoko?

Ko tetai turanga te ka tu mai tei roto i te akanoonoo anga pamiri. Tona tapokianga i tona upoko te akaari maira e te kite ra e na tana tane e akono ana i te arataki anga i roto i te pure anga e te apii anga i te Pipiria. Ko tetai ra tei roto i te au angaanga putuputuanga, te ngai e akaari ra aia i te kite anga e kua akataoongaia te au tane papetitoia ra kia apii e kia akaaere. (1 Korinetia 11:3-10)​—7/15, kapi 26-7.

• Eaa ra te au Kerititiano i kite ei e e piri anga maata roa atu to te yoga ki te akamatutu ua e te kino tikai?

Te akakoro anga o te yoga ei apii anga koia oki kia taki atu i tetai tangata kia kapitiia ma tetai vaerua ririnui roa atu i te tangata ra. Ei tuke anga ki te arataki a te Atua, e piri anga to te yoga i te akamutu viviki anga i te manako. (Roma 12:1, 2) Ka rauka i te yoga i te akatuera i tetai ki te au kino o te angaanga purepure e te occult. (Deuteronomi 18:10, 11)​—8/1, kapi 20-2.