E Aru i te Puapii Maata
E Aru i te Puapii Maata
“E teianei, ka aere kotou, e akariro i to te pa enua katoa ei pipi . . . , Ma te apii atu ia ratou, kia akono i te au mea katoa taku i akaue atu kia kotou.”—MATAIO 28:19, 20.
1, 2. (a) Akapeea ra tatou katoatoa, i tetai turanga, ei au puapii? (e) No runga i te apiianga, eaa te apainga takake tei rauka i te au Kerititiano mou ra?
E PUAPII ainei koe? I roto i tetai tu, e puapii katoa tatou. I te au taime ravarai e orongai koe i te au arataki anga ki tetai tei tutaka aere kua ngaro ra, te akaarianga i tetai oa angaanga e akapeea i te rave i tetai angaanga takake ra, me kare te akamarama atu ki tetai tamaiti akapeea te tapeka i tona nga tamaka, te apii atura koe. Te tauturuanga ia etai ke i taua tu ra ka apai mai i te tuanga akamerengo anga, kare ainei?
2 Me no runga i te apiianga, e apainga takake ta te au Kerititiano mou. Kua akaueia tatou kia “akariro i to te pa enua katoa ei pipi . . . , Ma te apii atu ia ratou.” (Mataio 28:19, 20) I roto katoa i te putuputuanga, tei ia tatou te atianga kia apii. Te au tangata tau tei akataoongaia ra kia tavini “ei tiaki, e ei orometua,” ma te manako anga kia akamatutu atu i te putuputuanga. (Ephesia 4:11-13) I roto i ta ratou au angaanga Kerititiano i te au ra takitai, ka tau te au vaine pakari kia “apii atura i te tuatua memeitaki” ki te au vaine ou ra. (Tito 2:3-5) Pouroa tatou te raurauia ra kia akamaroiroi atu i te au taeake irinaki ra, e ka rauka ia tatou i te akono i taua akamaroiroi anga na te taangaangaanga i te Pipiria kia akamatutu atu ia etai ke ra. (1 Tesalonia 5:11) Mei teaa ra te akangateitei anga kia riro ei puapii no te Tuatua a te Atua e kia akakite i te au puapinga pae vaerua te ka oronga mai i te au puapinga mutu kore ra!
3. Akapeea e raukai ia tatou i te akameitaki mai i to tatou turanga ei au puapii?
3 Inara, akapeea e raukai ia tatou i te akameitaki mai i to tatou turanga ei au puapii? Te mea maata, na te aruanga i te Puapii Maata, ko Iesu. ‘Inara akapeea e raukai ia tatou kia aru ia Iesu?’ penei ka akamanako tetai papaki. ‘E apa kore ua aia.’ E tika, kare e rauka kia riro tatou ei au puapii apa kore ua. Tera ra, noatu to tatou au tu kite kore, ka rauka ia tatou kia rave i tei meitaki ia tatou kia aru i te tu ta Iesu i apii. E uriuri tatou e akapeea e raukai ia tatou kia akono e a o tana au ravenga—te tu mama ua, te au uianga memeitaki, te manakoanga tau, e te au parapore tau.
Akono kia Mama Ua te Reira
4, 5. (a) Eaa ra te tu mama ua i riro ei ei taviri puapinga no te tuatua mou Pipiria? (e) Kia apii ma te tu mama ua, eaa ra i puapinga maatai kia matakite i ta tatou au tuatua?
4 Kare te au tuatua mou o te Tuatua a te Atua e ngata roa kia kiteia. I roto i te pure, kua tuatua a Iesu: “E akameitaki au ia koe, e taku Metua, . . . i te mea ko koe i uuna ke atu i teianei au mea i te aronga pakari e te kite, e kua akakite mai ki te tamariki nei.” (Mataio 11:25) Kua akariro a Iehova i tana au akakoroanga kia akakiteia ki te aronga ma te au ngakau tae e te akaaka. (1 Korinetia 1:26-28) No reira, ko te tu mama ua te taviri no te tuatua mou Pipiria.
5 Me akono koe i tetai apii Pipiria i te ngutuare me kare ka oki akaou ki etai aronga inangaro, akapeea e raukai ia koe kia apii ma te tu mama ua? I na, eaa ta tatou i kite mei te Puapii Maata ra? Kia itae i te aronga i akarongo maira iaia, e manganui ia ratou kua ‘apii koreia e te kite kore,’ kua tuatua atura Iesu i te reo mama ua te ka marama ratou. (Angaanga 4:13) Kia apii ma te tu mama ua, i reira, te umuumu anga mua koia oki kia matakite i ta tatou tuatua. Kare e tau ia tatou kia tuatua i te au tuatua teitei te tangi anga me kare te au takiota tuatua kia akariro i te tuatua mou o te Tuatua a te Atua kia maata atu te irinakiia e etai ke ra. Ko taua “tuatua akamanea e te pakari” ka riro ei mea reka kore, ki te aronga te kotingaia ra te kite apiianga me kare te karape. (1 Korinetia 2:1, 2) Kua akakite mai ta Iesu akaraanga e ko te au tuatua mama ua tei iki matakiteia ka oronga atu i te tuatua mou ma te mana maata ra.
6. Akapeea e raukai ia tatou kia kore e opara maata roa i te akakiteanga ki runga i tei apiiia ra i te Pipiria?
6 Kia apii ma te tu mama ua, ka tika katoa tatou kia matakite auraka e opara maata roa i te akakiteanga ki runga i tei apiiia ra i te Pipiria. Kua akamanako a Iesu i te au kotinga no tana au pipi. (Ioane 16:12) Ka tika katoa tatou kia akamanako atu i tei apiiia ra. Ei akatauanga, i te akonoanga i te apiianga i te puka Te Kite te ka Arataki ki te Ora Mutu Kore, kare tatou e umuumuia kia akataka i te au tumu ravarai. * Kare katoa e anoanoia kia aere viviki na roto i te akakitekite anga, mei te mea rai ko te otianga tetai tuanga te mea puapinga maata. Kareka ra, e mea pakari kia tuku na te au umuumuanga no tei apiiia ra e te au kite oki e akanoo i te aerenga o te apii. Ta tatou akakoroanga kia tauturu i tei apiiia ra kia riro ei pipi na Karaiti e ei aronga akamori ia Iehova. Ka tau tatou kia akono i te taime te anoanoia ra kia tauturu atu i tei inangaro ra kia apiiia kia mou meitaki i tana e apii ra. Na reira, penei ka akatuki atu te tuatua mou i tona ngakau e ka akakeu iaia kia rave i te angaanga.—Roma 12:2.
7. Eaa te au manakoanga ka tauturu ia tatou kia apii ma te tu mama ua me te ako atura i te putuputuanga?
7 Me oronga tatou i te au akoanga i roto i te putuputuanga, koia tikai me e aronga ou etai i roto i te aronga akarongorongo, akapeea e raukai ia tatou te tuatua akoanga i te “tuatua kitea uaia ra”? (1 Korinetia 14:9) E akamanako ana i nga tumu e toru ei tauturu. Te mea mua, e akataka i etai ua tuatua kare ra i matauia taau ka tuatua. Kua oronga mai to tatou kite i te Tuatua a te Atua i te au tuatua ke ke ra. Me taiku tatou i te au tuatua mei “te tavini akono meitaki e te pakari,” te “mamoe ke atu,” e “Babulonia Maata,” penei ka tau tatou kia akataka ia ratou ma te au takiota tuatua mama ua te akataka meitaki ra i te aiteanga. Te rua, e kopae i te au tuatua maata roa. Te maata i te au tuatua, ma te maata roa oki te tuatua anga, penei ka akakore i te inangaro o te aronga e akarongo maira. Te akataka anga meitaki te rauka maira mei te akaateaanga i te au tuatua e te au takiota tuatua kare ra i umuumuia. Te toru, auraka e tauta kia maata roa te ngai e apii ei. Penei ka oronga mai ta tatou kimikimi anga i te au tumu inangaroia e manganui. Inara e meitaki atu kia akapapa i te apii anga ki roto i etai au tumu maata tokoiti ua, te taangaangaanga anake i te au tumu te ka turu i taua au tumu manako ra e te ka rauka kia akataka meitakiia i te taime tei akapapaia maira.
Taangaanga Meitaki i te Au Uianga
8, 9. Akapeea e raukai ia tatou kia iki i tetai uianga tei akatanoia ki te inangaro o tetai tangata ngutuare? E oronga mai i te au akatauanga.
8 E akamanako ana e pu karape a Iesu no te taangaanga anga i te au uianga kia akariro i tana au pipi kia akakite mai e eaa to roto i to ratou manako e kia akakeu e kia tereni i to ratou manakoanga. Ma tana au uianga, kua itae maru atu a Iesu e kua akatuki atu i to ratou ngakau. (Mataio 16:13, 15; Ioane 11:26) Akapeea e raukai ia tatou, mei ia Iesu ra, i te taangaanga meitaki i te au uianga ra?
9 I te tutuanga mei tera are ki tera are, ka rauka ia tatou te ui atu i te au uianga ei akakeu i te inangaro, te teateamamaoanga i te aerenga no tatou kia tuatua i te Patireia o te Atua. Akapeea e raukai ia tatou te iki i tetai uianga tei akatauiia ra ki te au inangaro o te tangata o te ngutuare ra? E akarakara. Me te aere atura ki tetai ngutuare, e akara i te au ngai takapini. E apinga kangakanga ainei etai i roto i te aua, te akakite maira e e au tamariki etai i taua kainga ra? Me koia ia, penei ka ui tatou, ‘I akamanako Salamo 37:10, 11) E au roka ainei etai i te ngutupa i mua ra, me kare e aramu paruru ainei tetai i reira? Ka rauka ia tatou te ui atu: ‘I toou manako e ka tae mai ainei te tuatau e kiteai te meitaki e te au tangata mei ia taua rai i roto i to tatou ngutuare e i runga i te arataa?’ (Mika 4:3, 4) E ara ainei tetai no te pereoo oparaia? Penei ka ui atu tatou: ‘Ka tae mai ainei te tuatau e rekareka ei te aronga ravarai e ora nei i te oraanga meitaki?’ (Isaia 33:24) E manganui te au manako taiku ka kitea i roto i te puka Reasoning From the Scriptures. *
ana ainei koe e eaa te tu o te ao nei me tupu ake taau tamariki?’ (10. Akapeea tatou me taangaanga i te au uianga kia “rauka maira” te au manako e te manako ngakau o tei apiiia ra i te Pipiria, inara eaa ta tatou kia akamanako?
10 Akapeea e raukai ia tatou te taangaanga meitaki i te au uianga i te akonoanga i te au apii anga Pipiria? Kare mei ia Iesu rai, kare e rauka ia tatou i te akara i te au ngakau. Inara, ka rauka i te au uianga tau e te kite i te tauturu ia tatou kia “rauka maira” te au manako e te manako ngakau o te aronga apiiia ra. (Maseli 20:5) Ei akatauanga, tamanako ana e te apii ra tatou i te pene “Eaa te Oraanga Tau i te Atua i Apai Mai ei i te Mataora,” i roto i te puka Te Kite. Te uriuri ra te reira i to te Atua manako no te tiratiratu kore, te akaturi, e etai atu tumu. Penei ka pau tika mai tei apiiia ra i te au uianga, inara te akatika ra ainei aia i tana e apii ra? Penei ka ui tatou: ‘Te tau ra ainei to Iehova manako i taua au tumu tuatua ra kia koe?’ ‘Akapeea e raukai ia koe te akono i teia au kaveinga Pipiria i toou oraanga?’ Inara, kia akamanako, i te umuumu anga kia akangateitei atu, kia tau ki te tu tapu o tei apii ra. Kare tatou e inangaro kia ui atu i te au uianga te ka taakama me kare ka taakaaka i tei apii ra i te Pipiria.—Maseli 12:18.
11. Na roto i teea au tu e raukai i te vaa tuatua ki te ngai tangata ra kia taangaanga i te au uianga meitaki?
11 Ka rauka katoa i te vaa tuatua i te ngai tangata kia taangaanga meitaki i te au uianga. Te au uianga kare ra e pauia—te au uianga kare ra tatou e manako atu i te aronga akarongo kia pau mai—ka tauturu i te aronga e akarongo maira kia akamanako e kia akataka. Kua taangaanga a Iesu i taua au uianga ra i etai atianga. (Mataio 11:7-9) I te pae mai, i muri ake i te au tuatua akamataanga, penei ka ui te vaa tuatua ra i etai au uianga kia akataka i te au tumu maata te ka uriuriia. Ka rauka iaia kia tuatua: “I roto i ta tatou uriurianga i teia ra, ka akamanako tatou i te au pauanga ki te au uianga e aru mai nei . . . ” Ei reira, i te openga, ka rauka iaia kia taiku i taua au uianga ra ei tamanako akaou i te au tumu maata.
12. E oronga mai i tetai akatauanga kia akaari e akapeea e raukai i te tangata pakari Kerititiano ra kia taangaanga i te au uianga ei tauturu i te taeake akarongo ra kia rauka te akapumaana mei te Tuatua a te Atua ra.
12 I roto i ta ratou angaanga tiakianga, ka rauka i te aronga pakari Kerititiano kia ui i te au uianga ei tauturu “i te ngakau taitaia” kia rauka te akapumaana mei te Tuatua a Iehova. (1 Tesalonia 5:14) Ei akatauanga, kia tauturu i tetai tei akataitaiaia ra, penei ka akamanako tika atu te tangata pakari ra ia Salamo 34:18. Te tuatua ra: “Te vaitata nei a Iehova i te aronga ngakau paruparu ra; e te akaora nei aia i te aronga ngakau taitaia.” Kia papu ei e te kite ra tei akamaroiroi koreia e akapeea teia e tau ei kiaia tikai, ka ui atu te tangata pakari e: ‘Te vaitata nei a Iehova kiaai? Te manako “ngakau paruparu ra” ainei koe e te “ngakau taitaia” i etai taime? Me e, mei ta te Pipiria i tuatua, te vaitata ra a Iehova ki taua aronga ra, kare ainei te aiteanga e te vaitata ra aia kia koe?’ Ko taua akapapu anga maru ra ka rauka kia akaora i te tu o tei paruparu ra te ngakau.—Isaia 57:15.
Manakoanga Tau
13, 14. (a) Penei akapeea tatou i te manako anga ma tetai tei tuatua ra e kare aia e irinaki ana i tetai Atua kare aia i kite ana? (e) Eaa tatou i korei e tau kia manako atu e ka irinaki te au tangata ravarai?
13 I roto i ta tatou angaanga orometua, te Angaanga 19:8; 28:23, 24) Te aiteanga ainei e ka tika tatou kia apii i te akono te manakoanga ngata kia akairinaki ia etai atura i te tuatua mou o te Tuatua a te Atua ra? Kare rava ia. Kare te manakoanga tau e umuumuia kia ngata. Ko te au taumaroanga tau tei orongaia na roto i te tu mama ua e putuputu te meitaki maata atu. E akamanako ana i tetai akatauanga.
anoano ra tatou kia itae i te au ngakau ma te manakoanga tau, e te akakeu ra kia irinaki. (14 Akapeea ta tatou akono anga me tuatua mai tetai e kare aia e irinaki ana i tetai Atua kare aia e akara atu? Ka rauka ia tatou kia akamarama atu i te ture natura no te tumu e te akatupu. Me akara tatou i tetai tumu, ka ariki tatou e te vaira te akatupu. Penei ka tuatua tatou: ‘Me tei tetai ngai mamao koe e ka kite atu i tetai are meitaki i patuia tei akakiia ra i te kai (te tumu), ka ariki viviki ua koe e na tetai (i akatupu) i patu i taua are ra e kua akaki i te au kaparata. Pera katoa oki, me kite tatou i te akapapaanga i roto i te au mea angaia ra e te kai maata i roto i to te enua “kaparata” (te tumu), kare ainei i te mea tau kia ariki e na Tetai (i akatupu) ra?’ Te tuku meitaki maira ta te Pipiria taumaroanga mama ua: “E akatu oki to te au are ravarai nei; ko tei akatu ra i te au mea katoa, ko te Atua ïa.” (Ebera 3:4) Inara, noatu rai mei teea te tau ta tatou manakoanga, kare te au tangata ravarai e irinaki. Te akamaara maira te Pipiria kia tatou e ko “te aronga i akonoia” te ka riro mai ei akarongo anake.—Angaanga 13:48; 2 Tesalonia 3:2.
15. Eaa te aerenga manako ka rauka ia tatou i te taangaanga kia akateitei i to Iehova au tu e te au aerenga, e eaa nga akatauanga e rua te akakite maira e akapeea e raukai ia tatou kia taangaanga i taua manako anga ra?
15 I roto i ta tatou apiianga, noatu me tei roto i te angaanga orometua tutu aere me kare tei roto i te putuputuanga, ka rauka ia tatou i te taangaanga i te manakoanga tau kia akamaata i to Iehova ra au tu e tana au ravenga. Tei meitaki tikai koia oki ko te aerenga manako ‘ka tangaʼi oki’ o te akamaramaanga ta Iesu i taangaanga putuputu ra. (Luka 11:13; 12:24) Akatumuia ki runga i te tuke anga, ko teia tu manakoanga ka akatupu i te akakeuanga oonu. Kia akakite i te tau kore o te apiianga ai era, penei ka tuatua tatou: ‘Kare e metua aroa ka akautunga i tana tamaiti na te mouanga i te rima o tana tamaiti ki roto i te ai. Mei teaa ra te maata atu te viivii oki te manako anga no te ai era ra ki to tatou Metua aroa i te rangi ra!’ (Ieremia 7:31) Kia apii e te manako maira a Iehova i tona au tavini tataki tai, ka rauka ia tatou kia tuatua: ‘Me te kite ra a Iehova i te au etu taki tai e au pirioni ua atu ma to ratou ingoa, mei teaa ra te maata atu te tika kia manako mai aia i te au tangata tei inangaro ra iaia e tei okoia ra ma te toto okomaata o tana Tamaiti!’ (Isaia 40:26; Angaanga 20:28) Ka rauka i taua manakoanga ririnui ra kia tauturu ia tatou kia itae i te au ngakau o etai ke ra.
Au Parapore Tau
16. Eaa ra i puapinga ei te au parapore i roto i te apiianga?
16 Te au parapore meitaki ra e akareka anga ia te ka akariro kia ariki maataia mai ta tatou au apiianga e etai ke atu. Eaa ra te au parapore i puapingaia i roto i te apiianga? Kua akakite mai tetai tangata apii e: “Ko te kite kia manako kare e parapore ko tetai ia o te au mea ngata roa kare e rauka i te tangata.” Te tuku maira te au parapore i te au tutu tau ki roto i to tatou manako, i te tauturu maata anga ia tatou kia marama i te au manako ou. Kua meitaki roa a Iesu i tana taangaangaanga i te au parapore. (Mareko 4:33, 34) E akamanako tatou e akapeea tatou i te taangaanga anga i teia ravenga apiianga.
17. Eaa nga tumu e a te akariro ra i te parapore kia meitaki?
17 Eaa te akariro ra i te parapore kia meitaki? Te mea mua, ka tau kia tano ki te aronga te akarongo maira ia tatou, i te taangaanga anga i te au turanga ka kite vave atu te aronga e akarongo maira ia tatou. Te maara ra ia tatou e kua akapapa mai a Iesu i tana au parapore e manganui mei te oraanga i te au ra ravarai o te aronga te akarongo maira iaia. Te rua, ka tau te parapore kia aiteite meitaki atu ki te tumu te akakiteia maira. Me kare e tau ana te akaaiteite anga, penei ka akaanga ke te parapore ra i te aronga e akarongo maira ia tatou. Te toru, kare e tau te parapore kia pokiaia ma te au tumu umuumu koreia ra. Kia maara e kua oronga maira Iesu i te au tumu anoanoia mari ra kua akakore i te au mea kare i anoanoia. Te a, me taangaanga tatou i te parapore, ka tau tatou kia akapapu e te taka meitaki ra te akonoanga. Me kare ra, penei kare tetai papaki e kite i te tumu.
18. Akapeea e raukai ia tatou kia apai mai i etai au parapore tau ra?
18 Akapeea e raukai ia tatou kia manako i te Angaanga 3:19, i reira te tuatua ra e ka “taparaia,” me kare ka takoreia atu e Iehova, ta tatou au ara. Ko te reira uaorai tetai tuatua akatutu anga taka meitaki, inara eaa te akatauanga tika ka rauka ia tatou kia taangaanga i te parapore i taua tumu ra—ko tetai apinga tapara? tetai sponge? Penei ka tuatua tatou: ‘Me akakore mai a Iehova i ta tatou au ara, kua orei atu aia ia ratou mei te mea rai e te taangaangaanga ra i tetai sponge (me kare tetai apinga tapara).’ Kare e ngata kia kite i te tumu o taua parapore mama ua ra.
parapore tau? Kare tatou e anoanoia kia manako i te au tua roa, e te maata. E meitaki te au parapore poto ua. E tauta mama ua kia tamanako i etai au akatauanga no te tumu te uriuriia ra. Ei akatauanga, tamanako ana e te uriuri ra tatou i te tumu no to te Atua ra akakoreanga i te ara, e te inangaro ra tatou kia akatutu i te tumu te akakiteia maira ia19, 20. (a) Teiea te ngai e kiteai e tatou te au parapore meitaki? (e) Eaa etai au akatauanga no te au parapore tei neneiia ra i roto i ta tatou au puka? (Akara katoa i te pia.)
19 Teiea te ngai e kiteai e koe te au parapore tau, kapiti mai te au akatauanga oraanga tika tikai? E kimi ia ratou i roto i toou uaorai oraanga me kare i roto i te au turanga tuketuke e te au tupuanga o te au taeake akarongo ra. Ka rauka kia ikiia mai te au parapore mei etai atu au tumu e manganui, kapiti katoa te au mea ora e te au mea ora kore, te au apinga o te ngutuare, me kare tetai tupuanga ou tei matau meitakiia i roto i toou ngai tangata. Ko tetai taviri i te kimianga i te au parapore meitaki ko te matakite anga, “te tutaka ua anga atu” i te au turanga i te au ra ravarai takapini ia tatou. (Angaanga 17:22, 23) Tetai angaanga kimikimi anga no runga i te tuatuaanga i te ngai tangata te akataka maira: “Ko te vaa tuatua tei akara ra i te oraanga tangata e tana au angaanga tuketuke, te tuatua ra ki te au tu tangata ravarai, te akara tika atura i te au mea e te ui ra i te au uianga tae roa kia kite meitaki aia ia ratou, ka akaputu i te au mea e maata no te rave parapore te ka tauturu atu iaia me te umuumuia ra.”
20 Te vaira tetai atu tataanga no te au parapore meitaki—Te Punanga Tiaki, te Awake!, e etai atu au puka tei neneiia e te Au Kite o Iehova. Ka rauka ia koe kia maata te kite na te akaraanga e i akapeea ta teia au puka i te taangaanga anga i te au parapore. * Ei akatauanga e akamanako, i te parapore tei taikuia ra i te parakarapu 11 o te pene 17 o te puka Te Kite ra. Te akaaiteite ra i te tuke tuke o te au tu tangata i roto i te putuputuanga ki te au motoka tuke tuke te aere ra i te pae mai ia koe i runga i te mataara. Na teaa i akariro i te reira kia meitaki? E akara e te akatumuia ra ki runga i te au turanga i te au ra ravarai, te aiteite vaitata atura ki te tumu te akonoia ra, e te taka meitaki ra tei tau kia taangaangaia. Penei ka taangaanga tatou i te au parapore neneiia ra i ta tatou au apiianga, penei te akatano atura ia ratou kia tau ki tei anoanoia no tei apiiia ra i te Pipiria me kare te akatanotanoanga ia ratou no te taiku anga i roto i te tuatua anga.
21. Eaa te au tutaki te aere maira no te riroanga ei puapii meitaki no te Tuatua a te Atua?
21 E maata te au tutaki no te riroanga ei puapii meitaki. Me apii tatou, te tua ra tatou ki etai atu; te oronga ra tatou i tetai tuanga o tatou uaorai kia tauturu atu ia ratou. Taua orongaanga ra ka apai mai i te mataora anga, no te mea te tuatua ra te Pipiria: “E mea meitaki i te oronga atu i te rave mai.” (Angaanga 20:35) No te au puapii o te Tuatua a te Atua, taua mataora ra ko te rekareka i te kiteanga e te oronga ra tatou i tetai apinga puapinga tikai e te mutu kore—te tuatua mou no runga ia Iehova. Ka rauka katoa ia tatou te merengo anga te aere maira mei te kiteanga e te aru ra tatou i te Puapii Maata, ko Iesu Karaiti.
[Au Tataanga Rikiriki i Raro]
^ para. 6 Neneiia e te Au Kite o Iehova.
^ para. 9 E akara i te tuanga “Introductions for Use in the Field Ministry,” i te kapi 9-15.—Neneiia e te Au Kite o Iehova.
^ para. 20 Kia kimi i te au akatauanga, e akara i te Watch Tower Publications Index 1986-2000, i raro ake i te “Illustrations.”—Neneiia i roto i etai au reo e te Au Kite o Iehova.
Maara Ainei ia Koe?
• Akapeea e raukai ia tatou te apii ma te tu mama ua i te akonoanga i tetai apii Pipiria i te ngutuare? te orongaanga i te akoanga i te putuputuanga?
• Akapeea e raukai ia tatou kia taangaanga meitaki i te au uianga me te tutu aere ra mei tera are ki tera are?
• Akapeea e raukai ia tatou kia taangaanga i te manakoanga tau kia akateitei i to Iehova au tu e tona au aerenga?
• Teiea te ngai e kiteai e tatou te au parapore tau?
[Au Uianga Apii]
[Pia/Tutu i te kapi 23]
Te Maara ra Ainei ia Koe i Teia Au Parapore?
Te aru mai nei etai au parapore meitaki tokoiti ua. Eaa ka korei e akara i te au tataanga e ka akamanako e akapeea te parapore i te tauturu anga kia akataka meitaki i te tumu i uriuriia ra?
• Mei te tangata karape i te takauriuri ra me kare nga tokorua tupaorooro, ko te aronga te kimi ra kia patu i te akaipoipo anga meitaki ka irinaki maata ki runga i te tokorua meitaki.—Te Punanga Tiaki, Me 15, 2001, kapi 16.
• Mei tetai tutu manea, tei peniia i te taangaanga anga e anere ua atu au parai anga, ka tupu katoa tetai ingoa meitaki ma te au angaanga meangiti e manganui i tetai tuatau roa.—Te Punanga Tiaki, Tiunu 1, 1999, kapi 32.
• Apiianga kia akakite i te aroa te aite ra ki te apiianga i tetai reo ou.—Te Punanga Tiaki, Peperuare 15, 1999, kapi 18, 22-3.
• Te tomoanga ki roto i te akaipoipo anga ma te kore i kite meitaki e akapeea me akono i te au apainga te o maira ki roto te aite ra ki te pou anga ki raro i te kauvai ma te kore e apii i te kau.—Te Punanga Tiaki, Peperuare 15, 1999, kapi 4.
• Ta te purepure e rave ra no te au temoni ko ta te maunu e rave ra na te aronga opu manu. Te akaanga maira i tana ka opu.—Te Kite te ka Arataki ki te Ora Mutu Kore, kapi 111.
• I akapeea to Iesu aere maianga kia akaora i te au anaunga a Adamu ra ka rauka kia akaaiteia atu ki tetai tangata apinganui tei tutaki ra i te kaiou a tetai kamupani (tei akatupuia maira e tetai manitia tiratiratu kore) e kua akatuera akaou i te vakatori, na reira kua akapuapinga i te aronga angaanga e manganui.—Te Punanga Tiaki, Peperuare 15, 1991, kapi 13.
• No te tumu tau ka akatika te metua kia raveia te vāianga mamae i tana tamaiti akaperepere. Pera katoa e au tumu tau ta te Atua no te akatika kia mamae poto ua te tangata.—Ka Rauka ia Koe te Ora Mutukore i Paradaiso i te Enua Nei, kapi 100.
[Au Tutu i te kapi 20]
E au puapii te au Kerititiano mou no te Tuatua a te Atua
[Tutu i te kapi 21]
Ka rauka i te aronga pakari kia taangaanga i te au uianga ei tauturu i te au taeake akarongo kia rauka te akapumaana mei te Tuatua a te Atua