Au Angaanga te Akamaata ra i te Au Tu Akono Meitaki

I te openga o te 2001, kua akarongo atu te aronga tei tiunu ki te Ratio Mozambique i te akakiteanga i te pae enua i teia tuatua akakite:

“Kua atoro te peretiteni o te Republic i te au are manga o te Au Kite o Iehova i Maputo. Kua akamaroiroi aia i teia putuputuanga akonoanga kia akaketaketa i ta ratou au angaanga no te akamaataanga i te au turanga akono tau meitaki i roto i te au pamiri e te apiianga i te aronga mamaata na roto i ta ratou au porokaramu apii tatau e te tata. Vaitata i te 10,000 tangata tei puapingaia mei teia au porokaramu. I na te Peretiteni ko Chissano ei, kia akapaapaaia te au porokaramu mei teia rai, e tauturu anga puapinga oki ratou ki te ngai tangata i te akatikatikaanga i te au manamanata i te pae apii te aro atu nei teia enua.”

Te na ko ra te akakiteanga ma te taiku anga i te tuatua rekotiia a te peretiteni: “E akamaroiroianga kia matou i te kite atu i te tu inangaro o te tangata e manganui i te apii kia tatau e te tata. Te akaari maira kia matou e ka tauturu ua te au tangata noa ua ia matou kia akamaata i te numero o te aronga apii kia tatau e te tata. No reira, te inangaro nei au i te akamaroiroi i te Au Kite o Iehova kia akaketaketa i ta ratou au porokaramu apii tatau e te tata, noatu e eaa te reo. Ko tei puapinga tikai koia oki te vaira te apii anga tatau e te tata e ka rauka i te tangata i te tuatua ngoie ua e a te tuatau ki mua ka piri maata atu ki roto i te kite apiianga.”

Te akono ra te Au Kite o Iehova i Mozambique i te au pupu apii tatau e te tata i roto i te 850 ngai i te ao katoa e raukai i te tangata i te tatau i te Tuatua a te Atua no ratou uaorai. I te pae mai, te rave ra ratou i etai 50,000 apii Pipiria oronga ua i te kainga i te epetoma taki tai. Pouroa teia e tuanga ia o te porokaramu apiipii Pipiria i te ao katoa te itae atura i etai 235 enua. (Mataio 24:14) Ka puapinga katoa koe mei teia porokaramu. E aravei ua ine i te Au Kite o Iehova i toou ngai.