“Kare i Maata Taku i Kite no Runga i te Atua”

“NO TE mataiti i topa akenei, e atoro mai ana te Au Kite o Iehova iaku i te akakite mai i te au nuti umere no runga i te Patireia o te Atua. E Katorika au no te varu mataiti, inara kare i maata taku i kite no runga i te Atua. I teia mataiti okotai ua nei, e maata tikai taku i kite,” i tata mai ei tetai tangata te noo ra i Kerala, i Initia. “Kua mataora tikai au i te kite e te neneiia ra Te Punanga Tiaki i te au reo e 139 [i teianei e 146],” tana i tuatua mai. “E mea umere tikai te reira e te akamata ra te au tangata o te au reo katoatoa i te kite i te tuatua no runga i te Atua.”

Noatu rai e te tuatua ra te aronga kimi kite e manganui e kare e rauka i te kite no runga i te Atua, kua akataka marama ua mai te apotetoro ko Paulo e ka rauka teia. I te tuatuaanga ki tetai pupu tangata Atene, ko tetai papaki te akamori ra i tetai atarau tei akatapuia ki tetai “ATUA KITEA KORE,” te karanga ra a Paulo e: “Ko ta kotou oki e akamori ua nei ma te kite kore iaia, koia taku e akakite atu kia kotou nei. Ko te Atua i anga i teianei ao, e te apinga tini ravarai i roto . . . tei oronga mai i te ora, e te aʼo, e te au mea katoa, ki te au mea ravarai; E nana i anga i te tangata i te pa enua katoa nei i te toto okotai ra, ei noo i te pa enua katoatoa nei.”​—Angaanga 17:23-26.

Kua raurau atura a Paulo ki te aronga te akarongo maira kiaia kia kimi i te kite i Tei Anga ra, e “kare ra aia i atea ke atu ia tatou katoa nei.” (Angaanga 17:27) Ka mataora te Au Kite o Iehova i te tauturu ia koe kia kite i te Atua mou e tona au tu inangaroia.