E Iki i te Ora Mutu Kore

KARE i rauka ana i te manganui taua au ikianga tuketuke ra i mua ana. Ei akaraanga, te kakau ka aao tatou, te kai ka kai tatou, e te ngai ka angaanga tatou e ka noo e putuputu te taime e mea ka tau kia ikiia. I te au tuanga e manganui o teianei ao, ko te iki anga i to tetai tokorua e mea matau katoa ia. Inara, te oronga maira te Pipiria i tetai ikianga meitaki atu i tetai au ikianga​—ko tetai te ka rauka i te tangata katoatoa.

Te karanga ra te Pipiria: “Mei te tuatua-tika e arataki i te tangata ki te ora: koia katoa te aruaru ki te kino ra, te rapurapu ra ïa ki te mate.” (Maseli 11:19) E kua akakite a Iesu Karaiti: “Teia oki te ora mutu kore, kia kite ratou ia koe i te Atua mou ra, e ia Iesu i te Mesia, i taau i tono maira.”​—Ioane 17:3.

Ae, kua oronga mai Tei Anga ia tatou te tuatau kia iki i tetai aerenga te ka arataki atu ki te ora mutu kore! Eaa ta tatou ka rave e rauka ei te ora mutu kore?

Kia tau ki te Pipiria, “tei te arataa tuatua-tika ra te ora.” (Maseli 12:28) Ka rauka e ko tatou tetai i roto i te aronga tuatua tika tei runga i te ara ki te ora mutu kore. Akapeea ra? Na te akapapuanga e te tau ra to tatou oraanga ki to te Atua anoano e tana au akauenga. (Mataio 7:13, 14) Ka tau tatou kia akono i te ikianga tau e rauka ei ta te Atua apinga aroa o te ora mutu kore.​—Roma 6:23.