Au Ariki Kare e Mou te Vai ki Roto

I TE au tuatau Pipiria, te au ariki e au vaarua vai i raro i te enua tei maania e te tangata tei taangaanga maataia no te vairanga vai. I tetai au tuatau, i te Enua Taputouia, ko te reira ua te ravenga no te akonoanga i te akaputu anga vai puapinga maata.

I te rekotianga i tetai akakiteanga a te Atua, kua taiku te peroveta a Ieremia i te au ariki na roto i te tu akatutuanga, te na ko anga: “No te mea, ka rua akenei ara i raveia e toku iti-tangata nei; kua akaruke akenei ratou iaku, te tumu o te vai ora; e kua pao i te au āriki vai no ratou uaorai, e au āriki ngaangaa ïa, kare e mou te vai ki roto.”​—Ieremia 2:13.

I te akarukeanga i to ratou Atua, ko Iehova​—“te tumu o te vai ora”​—kua anga to Iseraela ki te au pirianga vaeau ma te au pa enua peikani kare e tau kia irinakiia e ki te akamorianga o te au atua pikikaa mana kore. Ko taua au ngai tei manakoia ei akapuanga kua riro ia, kia tau ki ta Ieremia akaaiteanga, kare ua atu mari ra e au ariki tae ua ma te kore tetai ua atu paruru me kare te mana akaoraanga.​—Deuteronomi 28:20.

E apiianga tetai no tatou i teia tuatau i roto i teia akaraanga tuatua enua? Mei tei tupu i te tuatau o Ieremia, te rave tamou ra te Atua mutu kore, a Iehova, e ko te Tumu anake o te au vai ora. (Salamo 36:9; Apokalupo 4:11) Mei ko ua mai iaia, na roto i tana Tamaiti, ia Iesu Karaiti, e rauka ai te au tangata te ora mutu kore. (Ioane 4:14; 17:3) Inara, mei te au tangata i te tuatau o Ieremia, te urupu maata o te au tangata i teia tuatau te iki ra i te patoi e pera katoa te akaparuparu i te tuatua a te Atua tei akakiteia mai i roto i te Pipiria. Kareka ra, kua tuku ratou i to ratou irinaki ki runga i te au pauanga poritiki tei akaraanga tau, te au tuatua rikiriki mako kore kare e puapinga ra, e te au manako puapinga kore tei akangateitei kore i te Atua e te au apiianga. (1 Korinetia 3:18-20; Kolosa 2:8) Te kite atea ia ra te ikianga. Ka tuku ainei koe i toou irinakianga kiea? Ka riro ainei ki roto i “te tumu o te vai ora,” ia Iehova, me ka riro ainei ki roto i te “au āriki ngaangaa ïa, kare e mou te vai ki roto”?

[Tutu i te kapi 32]

Potera karakaraea o tetai metua vaine atua tei kiteaia i roto i tetai vaarua mate i Iseraela

[Akameitakianga]

Photograph taken by courtesy of the British Museum