Paruru Anga Mei te Akavareanga
Paruru Anga Mei te Akavareanga
“E matakite ko te apai ke aeaia kotou e te . . . akavareanga puapinga kore.”—KOLOSA 2:8, NW.
1-3. (a) Eaa te au akaraanga e akaari maira e kua eva ua te akavareanga ki roto i te au tuanga katoatoa o te oraanga i te au ra? (e) Eaa tatou ka kore ei e poitirere i te akavareanga i roto i te ao nei?
“EIA o kotou tei kore rava i pikikaaia ana e tetai client?” Tetai au mataiti i topa akenei, kua rave tetai poropeta o te ture i tetai kimikimianga na te ui anga i taua uianga ra. Te pauanga? Kua akamarama aia e: “Mei roto atu i te au tauatinianga o te au roia, e tai ua rai kare takiri e client i pikikaa ana kiaia.” Te tumu? “Koi akamata ua akera te roia i te angaanga ma tetai kamupani maata e kare i tuatua ake ki tetai client.” Te akatutu maira teia tupuanga nei i tetai tika taitaia tikai e—ko te akavareanga e te pikikaa e mea noa ua ia i roto i teia ao.
2 Te kiteia nei te akavareanga na roto i te au tu e manganui e vaitata rai e kua eva ua ki roto i te au tuanga katoatoa o te oraanga i teia tuatau. Te ki ua nei te au akakiteanga ripoti i te au akaraanga—te au tangata poritiki i te pikikaa anga no runga i te au mea ta ratou e rave ra, te aronga angaanga akaoniti e te au roia i te tuatua akarava atu anga i te paravete a te kamupani, te aronga akakitekite i te arataki ke anga i te aronga oko, te aronga tapepe pikikaa i te pikipikikaa anga i te au kamupani initiurani, kia taiku ua atu i etai. E oti akera tera oki te tu akavareanga akonoanga. Te orometua i te arataki ke i te tangata tini na te apii anga i te au apiianga tika kore, mei te vaerua mate kore, te ai era, e te Toru Tai.—2 Timoteo 4:3, 4.
3 Ka tau ainei tatou kia poitirere i teia au akavareanga pouroa? Kare rava. No runga i “te au ra openga,” kua akamatakite te Pipiria e: “Ka aere ua atu te au tangata kino e te pikikaa ra mei te kino ki te kino rava, te arataki ke anga e kia arataki keia.” (2 Timoteo 3:1, 13, NW) Ei au Kerititiano, ka anoanoia tatou kia matakite i te au manako arataki ke ua te ka riro i te akaariu ke ia tatou mei te tuatua mou. E rua ia nga uianga tei tu natura ua mai: Eaa ra te akavareanga i tupu maata roa ai i teia tuatau nei, e ka akapeea tatou i te paruru anga atu mei te akavareia anga?
Eaa ra i Maata Roa ai te Akavareanga i Teia Tuatau?
4. Akapeea te Pipiria i te akamarama mai anga e eaa te akavareanga i totoa maata roa ai i te ao nei?
4 Te akamarama taka ua maira te Pipiria i te tumu i totoa maata roa ai te akavareanga i roto i teianei ao. Kua tata te apotetoro ko Ioane e “te vai ua nei rai to te ao ravarai i raro ake i taua vaerua kino ra.” (1 Ioane 5:19) Ko taua “vaerua kino ra” koia oki ko Satani te Tiaporo. No runga iaia, kua tuatua a Iesu e: “Kare aia i mou i te tuatua-mou, no te mea kare e tuatua-mou o roto iaia. Kia tuatua aia i te pikikaa ra, kua tuatua aia i tei tau iaia uaorai: e pikikaa aia, e e metua oki no te pikikaa.” Kare i reira, i te mea umere, e te akaata ra teia ao i te tu vaerua, te au tu puapinga, e te au tu akavare pikikaa o to te reira tutara?—Ioane 8:44; 14:30; Ephesia 2:1-3.
5. Akapeea a Satani i te akapakari anga atu i tana au tautaanga akavare i teia tuatau openga nei, e koai ma tana e akakoro tikai ra?
5 I teia tuatau openga nei, kua akapakari atu a Satani i tana au tautaanga. Kua uriia mai aia ki raro nei i te enua. Kua kite aia e e poto ua tona taime, e e “riri maata” oki tona. I te akakoro anga e kia maata ua atu rai te tangata ka rauka i te takore, te “arataki ke ra [aia] i te katoa anga o te au tangata i te enua nei.” (Apokalupo 12:9, 12, NW) Kare tei akavare koia oki ko Satani e no tetai atianga ua. Mari ra, kare rava aia e tuku tuku ana i tana au tautaanga kia arataki ke i te tangata nei. * Te taangaanga ra aia i te au tu ravenga akavare anake i roto i tana au taonga tamaki—kapiti atu i te tu tiriki e te tu avarevare—i te akapoiri anga i te manako o te aronga akarongo kore e te tapu ke atu ia ratou mei te Atua. (2 Korinetia 4:4) Ko teia pu o te akavareanga te akakoro pakari ra tikai kia akapou i te aronga e akamori ra i te Atua “ma te vaerua e te tuatua-mou.” (Ioane 4:24; 1 Petero 5:8) Auraka rava e akangaropoina, e kua tuatua tikai, a Satani e: ‘Ka rauka ua iaku i te akaariu ke i tetai ua atu tangata mei te Atua.’ (Iobu 1:9-12) Ka akara tatou i reira i tetai o ta Satani “au peu akavare” e ka akapeea te paruru anga atu mei te reira.—Ephesia 6:11, Jewish New Testament.
Paruru Anga mei te Akavareanga a te Aronga Apoteiti
6, 7. (a) Eaa ta te aronga apoteiti i tuatua? (e) Akapeea te au Tuatua Tapu i te akaari taka meitaki mai anga e eaa ta te aronga apoteiti e inangaro ra?
6 Kua roa to Satani taangaanga anga i te aronga apoteiti i roto i tana au tautaanga kia akavare i te au tavini o te Atua. (Mataio 13:36-39) Penei te karanga ra te aronga apoteiti e te akamori ra ia Iehova e te irinaki ra i te Pipiria, kareka ra te patoi ra ratou i te tuanga akara mataia o tana akaaerenga. Ko tetai papaki kua oki akaou ki te au apiianga akangateitei kore i te Atua a “Babulonia Maata,” te patireia o te akonoanga pikikaa i te ao. (Apokalupo 17:5; 2 Petero 2:19-22) Raro ake i te akauruanga tu-Atua, kua taangaanga te aronga tata o te Pipiria i te au tuatua pakari i te akaari anga i te au akakeuanga e te au ravenga a te aronga apoteiti.
7 Eaa tikai ra ta te aronga apoteiti e inangaro maira? Kare te maataanga e mareka ana kia akaruke i te irinakianga ta ratou i manako ana e e tika. I te putuputu anga o te taime, te inangaro ra ratou i te apai i etai ke kia aru ia ratou. I te aere atu e kimi i ta ratou uaorai au pipi, e manganui te aronga apoteiti e kimi ra “kia aruia ratou e te pipi [koia oki, te au pipi a Karaiti].” (Angaanga 20:29, 30) No runga i te au puapii tika kore, kua taiku te apotetoro ko Paulo i teia akamatakiteanga rapurapu: “E matakite ko te apai ke aeaia kotou e tetai tangata ei ereereanga nana i roto i te tuatua pakari e te akavareanga puapinga kore tei tau i te porokiroki a te tangata nei, tei tau i te au mea mua o te ao nei e kare ra i tau i ta te Karaiti.” (Kolosa 2:8, NW) Kare ainei tera e akataka maira i ta te aronga apoteiti e manganui e tauta ra i te rave? Mei te tangata keia tangata i te apai ngaro ua anga i tetai tei kore i kite mei tona ngutuare tangata mai, te morimori ra te aronga apoteiti i te au mema ngakau irinaki ua o te putuputuanga, i te kimi kia apai ke atu ia ratou mei te anana.
8. Eaa te au ravenga a te aronga apoteiti e taangaanga nei kia rauka i te akatupu i to ratou akakoroanga?
8 Eaa te au ravenga ta te aronga apoteiti e taangaanga ra kia rauka i te akatupu i to ratou akakoroanga? E putuputu ua ana ratou i te maani tuatua taviriviri, Mataio 5:11, Today’s English Version) Te akakite ra taua aronga patoi akakoro kino ra i te mea tika kore ma te akakoro kia akavare i etai ke. Kua akamatakite mai te apotetoro ko Petero no runga i te aronga apoteiti te ka taangaanga i te “tuatua pikikaa,” te ka akaeva i te “au apiianga akavare,” e te ‘ruri ke i te au Tuatua Tapu’ i te akatupu i ta ratou uaorai i akakoro. (2 Petero 2:3, 13, NW; 3:16) Te mea taitaia ra, te manuia ra te aronga apoteiti i te “akatatipoki i te akarongo o tetai papaki.”—2 Timoteo 2:18.
te tuatua kare i te katoaanga o te tika, e te au tu tuatua tika kore takiri. Kua kite a Iesu e ka akaenemiia tana au pipi e te aronga e kimi ra kia “akakite i te au tu pikipikikaa anake” ia ratou. (9, 10. (a) Akapeea tatou i te paruru anga mei te akavare angaia e te aronga apoteiti? (e) Eaa tatou i kore ei e manamanata me te anoanoia ra kia akatikatikaia to tatou marama no runga i to te Atua akakoroanga?
9 Akapeea tatou i te paruru anga mei te akavare angaia e te aronga apoteiti? Na te akarongo anga i te ako mei roto mai i ta te Atua Tuatua, ko tei karanga e: “Ka akara meitaki io na kotou i te aronga i akataka ke, e te akatupu i te mea e turori ei ra, e te tau kore i te tuatua i apiiia kotou na; ka ariu ke atu kotou ia ratou.” (Roma 16:17) Ka ‘ariu ke atu tatou ia ratou’ na te patoi atu anga i ta ratou au taumaroanga—noatu me na te tuatua vaa anga mai, na roto i te tataanga mai, me kore ra na runga i te Internet. Eaa tatou ka apai ei i taua turanga ra? Te mea mua, no te mea te akakite maira ta te Atua Tuatua e e rave tatou, e kia irinaki tikai tatou e te manako ngakau ua maira tikai a Iehova ia tatou.—Isaia 48:17, 18.
10 Te rua, te inangaro ra tikai tatou i te akaaerenga tei apii mai ia tatou i te au tuatua mou akaperepereia e akatakake tika ua maira ia tatou mei ia Babulonia Maata. I taua taime rai, te ariki ra tatou e kare to tatou kite no to te Atua akakoroanga i te tu apa kore; kua na roto mai na to tatou tu marama i te au akatikatikaanga i te au mataiti i aereia mai ana. Te mareka ua ra te au Kerititiano tiratiratu i te tapapa atu ia Iehova no taua au tu akatanotanoanga ra. (Maseli 4:18) I taua taime rai ra, kare tatou e akaruke i te akaaerenga ta te Atua e mareka ra i te taangaanga, no te mea te kite taka tikai ra tatou i te akairo o tana akameitakianga ki rungao i te reira.—Angaanga 6:7; 1 Korinethia 3:6.
Paruru Anga mei te Akavareanga Uaorai
11. Eaa ra te au tangata apa ua nei i tu ei i te tu apikepike o te akavare ia ratou uaorai?
11 Te vai nei tetai tu apikepike o te tangata apa nei ta Satani e taangaanga viviki ua ra koia oki ko te—akavareanga uaorai. “E pikikaa maata to te ngakau i te au mea katoa nei, e kua kino takiri,” i karanga ai a Ieremia 17:9. E kua tata a Iakobo e: “Kia akatatipakeia tetai, e kia riro ua atu i te kino, kua pikikaaia te reira tangata i tona uaorai anoano tika kore.” (Iakobo 1:14) Me te tatipakeia ra to tatou ngakau, penei, te ka tupu, ka takirikiri tatipake ua mai te reira i te ara ki mua ia tatou, kia akara anga e e meitaki ua te reira e te kino kore. Ko taua tu manako ra e akavare tikai, no te mea ko te oronga anga ia koe uaorai ki te ara i te openga ka arataki atu ia ki te pou.—Roma 8:6.
12. Na roto i teea au mataara penei e akamareiia ai tatou e te akavareanga uaorai?
12 Ko te akavareanga uaorai ka rauka ngoie ua i te marei ia tatou. Penei ka kimi te ngakau avarevare i tetai ravenga kia akaiti mai i tetai tu tarevake kino me kore i te maani i te au kotoeanga no tetai ara kino tikai. (1 Samuela 15:13-15, 20, 21) Penei ka kimi katoa to tatou ngakau taitaia i tetai au mataara ei kotoe anga atu i te tu tau kore. No tetai akatauanga, e akara, i te tamataoraanga. Tetai au tamataoraanga e tau tikai e te mataora. Inara, ko te manganui o ta teia ao e oronga maira—i roto i te au porokaramu teata e te tivi e i runga i te Internet—e viivii tikai e te tau kore. E mama ua i te akakeu ia tatou uaorai kia irinaki e ka tano ua kia akara tatou i te tamataoraanga auau ma te kore e kino. Te taumaro katoa ra tetai papaki e, “Kare ua rai te reira e tamanamanata mai ana i toku akava ngakau, eaa atura i reira te pekapeka?” Inara ko taua au tangata ra te ‘akavare ua ra ia ratou uaorai.’—Iakobo 1:22.
13, 14. (a) Eaa te au akaraanga Tuatua Tapu e akaari maira e ko to tatou akava ngakau kare e rauka ua rai ei arataki tau? (e) Akapeea tatou i te paruru anga atu mei te akavareanga uaorai?
13 Akapeea e rauka ai ia tatou te paruru anga mei te akavareanga uaorai? Te mea mua, ka anoanoia Angaanga 9:1, 2) Penei kare tona akava ngakau i tamanata ana iaia i taua taime ra. Te taka ua ra, ra oki e, kua tarurikeia te reira. “Kua pera kite kore ua au no te akarongo kore,” i tuatua ai a Paulo. (1 Timoteo 1:13) No reira no te mea ua ra e kare tetai tamataoraanga e tamanamanata mai ana i to tatou akava ngakau kare ia i te akapapuanga e te tika ra to tatou akakoroanga. Na te akava ngakau ngaueue kore anake rai tei tereni meitakiia e ta te Atua Tuatua te ka riro ei aratakianga tau.
tatou kia akamaara e ko te akava ngakau tangata kare e rauka ua rai kia irinakiia. E akamanako i te tuatua o te apotetoro ko Paulo. I mua ake ka riro mai ei ei Kerititiano, kua takinokino aia i te au pipi a Karaiti. (14 E rauka ai ia tatou te kopae i te akavareanga uaorai, te vai nei tetai au tamanakoanga tauturu maata tikai te ka anoanoia tatou kia tamou marie. Makitoro marie ia koe uaorai ma te pure. (Salamo 26:2; 2 Korinetia 13:5) Penei ka riro te makitoro marie tika anga ia koe uaorai i te akatuera i to nga mata kia kite e ka anoanoia te au tauianga i roto i toou aerenga manako me kore te au mataara. Akarongo ki etai ke atu. (Iakobo 1:19) I te mea e ka rauka ua i te akakeu i te makitoro marie anga ia koe uaorai, e mea pakari i reira te akarongo ki te au tuatua tauturu a te au oa Kerititiano. Me kite koe ia koe uaorai e tuku ra i te au ikianga me kore te angaanga ra na te au mataara tau kore i roto i te mata karape, tau tikai o te au oa akarongo, penei e ui koe kia koe uaorai e, ‘Ka tano ainei e kare toku akava ngakau i tereni meitakiia ana me kore te akavare mai nei toku ngakau iaku?’ Kia utuutu putuputuia ki te Pipiria e te au puka tei akatumuia ki runga i te Pipiria. (Salamo 1:2) Na te rave e tauturu ia koe kia tamou marie i toou au manako, au tu, e te au manako ngakau kia rotai ki te au kaveinga tu-atua.
Paruru Anga mei ta Satani Au Pikikaa
15, 16. (a) I roto i tana au tautaanga kia akavare ia tatou, eaa te au pikikaa ta Satani e taangaanga ra? (e) Akapeea tatou me kopae i te akavare angaia e taua au pikikaa ra?
15 Te taangaanga ra a Satani i te au tu pikikaa anake i roto i tana au tautaanga kia akavare ia tatou. Te tauta ra aia kia irinaki tatou e ka apai mai te au apinga o te kopapa i te mataora e te merengoanga, e oti akera ko tetai tua ua rai te tupu tika ana. (Koheleta 5:10-12) Te inangaro ra aia ia tatou kia irinaki e ka vai ua atu rai teia ao kino e mutukore ua atu, noatu e te taka ua ra te akapapuanga e te noo nei tatou i roto i “te au ra openga.” (2 Timoteo 3:1-5) Te akamaroiroi ra a Satani i te manako e kare e kino te aruaru i tetai tu oraanga akonoanga tau kore, noatu e te putuputu ua ra te aronga e umuumu ra i te au mea e navenave ei ra i te kokoti te au openga kavangu. (Galatia 6:7) Akapeea e rauka ai ia tatou i te kopae i te akavare angaia e taua au tu pikikaa ra?
16 Puapingaia mei te au akaraanga Pipiria. Tei roto i te Pipiria te au akaraanga akamatakite o te au tangata tei akavareia e ta Satani au pikikaa. E anoano tikai to ratou i te au apinga o te kopapa, kare i akara mou ki te au tuatau e noo ra ratou i roto, me kore kua oronga ua ia ratou uaorai ki te tu akonoanga tau kore—tei riro pouroa ei au openga kino. (Mataio 19:16-22; 24:36-42; Luka 16:14; 1 Korinetia 10:8-11) Apii mei te au akaraanga o teia tuatau. Te mea taitaia ra, i tetai au taime te ngaro ra i tetai au Kerititiano to ratou tu rapurapu e kua irinaki e te riro ra te tavini anga i te Atua ei akangere ia ratou ki tetai apinga meitaki tikai. Penei ka akaruke ratou i te tuatua mou i te aruaru atu i tei karangaia e e tu oraanga navenave. Tera ra oki, ko taua tu aronga ra tei runga i “te ngai pateka,” no te mea kare e roaia atu ka rokoia mai ratou e te openga kino o to ratou tu akono kore i te Atua. (Salamo 73:18, 19) Kia pakari tatou i te apii kia kite mei te au tarevake o etai ke atu.—Maseli 22:3.
17. Eaa ra a Satani i akatupu ua ai i te pikikaa e kare a Iehova e inangaro mai ana ia tatou e kare katoa e manako ana e e puapinga to tatou?
17 Te vai nei tetai pikikaa ke atu tei rauka ia Satani i te taangaanga meitaki tikai—te pikikaa e kare a Iehova e inangaro mai na ia tatou e kare katoa e manako mai na e e puapinga to tatou. E tauatini ua atu te au mataiti i to Satani kite anga i te au tangata apa nei. Kua kite meitaki tikai aia e ka rauka ua i te tu akamaroiroi kore i te akaparuparu ia tatou. (Maseli 24:10) No reira, te utuutu ua nei aia i te pikikaa e kare o tatou puapinga i roto i to te Atua mata. Me ‘uriia ake tatou ki raro’ e kua irinaki tikai e kare a Iehova e manako mai na ia tatou, penei ka timataia tatou kia tuku ua atu i te au. (2 Korinetia 4:9) Ko te reira tikai ta tei Akavare maata e inangaro ra! Akapeea, i reira, e rauka ai ia tatou i te paruru anga atu mei te akavare angaia e te pikikaa a Satani?
18. Akapeea te Pipiria i te akapapu anga mai kia tatou i to Iehova aroa?
Salamo 56:8) Te kite ra aia i toou “ngakau paruparu” e tei vaitata uao ia koe i taua au taime ra. (Salamo 34:18) Kua ope iaia i te kite i te au mea anake no runga ia koe, kapiti mai i te numero o “te rauru oki o to kotou na upoko.” (Mataio 10:29-31) Tei maata rava atu, te “oronga anga mai [te Atua] i tana Tamaiti anau tai” no kotou. (Ioane 3:16; Galatia 2:20) I tetai au taime, penei ka ngata ia koe i te irinaki e te tau ra taua au irava ra kia koe uaorai. No reira, kia irinaki tatou, i ta Iehova tuatua. Te inangaro maira aia ia tatou kia irinaki e te aroa maira aia ia tatou kare anake ra ei pupu ua mari katoa ra ei au tangata tataki tai.
18 E akamanako ngakau e eaa ta te Pipiria e tuatua ra no runga i to te Atua aroa no tatou. Te taangaanga ra ta te Atua Tuatua i tetai au tuatua akatutu maru i te akapapu kia tatou e te kite maira a Iehova ia tatou e te aroa maira ia tatou ei au tangata tataki tai. Te tuku ra oki aia i toou roi mata ki roto i tana “āriki,” te aiteanga koia oki te kite maira aia e te maara maira i toou roimata i maringi i roto i taau tautaanga pakari kia vai tiratiratu ua. (19, 20. (a) Eaa i puapinga ai kia kite e kia patoi atu i te pikikaa a Satani e kare a Iehova e aroa maira ia koe? (e) I akapeea tetai akaaere tutaka i te tauturu anga i te aronga tei taitaia te ngakau?
19 Kia kite e kia patoi atu i te pikikaa. Me kite koe e te pikikaa maira tetai tangata, ka rauka ia koe i te paruru ia koe uaorai mei te akavare angaia. Mei koia, katoa rai, te kite anga e te inangaro ra a Satani ia koe kia irinaki i te pikikaa e kare a Iehova e aroa maira ia koe ka riro te reira uaorai ei tauturu pakari tikai. I te pau anga atu ki tetai atikara Punanga Tiaki tei akamatakite mai no runga i ta Satani au peu, kua tuatua tetai Keritiitano e: “Kare roa au i kite ana e te tauta nei a Satani i te taangaanga i toku manako ngakau ei akaapikepike iaku. Na te kite anga i teia i oronga mai i te maroiroi kiaku kia autu atu i teia au manako ngakau nei.”
20 E akamanako ana i tei tupu ki tetai akaaere tutaka i tetai tuanga enua i Marike Apatonga. I te rave anga i te au atoroanga a te tiaki i te au oa akarongo tei taitaia te ngakau, e ui putuputu ana aia kia ratou e, ‘Te irinaki ra ainei koe i te Toru Tai?’ Te maataanga o te taime ka pau mai te tangata paruparu e, ‘Kare,’ ma te kite e ko tetai teia o ta Satani au pikikaa. Ka ui atu i reira te tangata pakari tutaka e, ‘Te irinaki ra ainei koe i te ai era?’ Ka aere akaou mai te pauanga e, ‘Kare!’ I reira te akakite ra te tangata pakari tutaka e te vai ra tetai pikikaa ke atu a Satani kare e kite matauia ana mei te reira te tu. Kua taki atu aia i to ratou manako ki te kapi 249, parakarapa 21, o te puka Akavaitata Atu kia Iehova, * tei akaari pu ua mai i te pikikaa e kare a Iehova e aroa maira ia tatou ei au tangata tataki tai. E au tupuanga tau tikai ta te akaaere tutaka i ripoti mai mei te tauturu anga atu i te aronga paruparu kia kite e kia patoi atu i teia pikikaa a Satani.
E Paruru ia Koe Uaorai mei te Akavareanga
21, 22. Eaa tatou i kore ei i roto i te poiri no runga i ta Satani au peu akavare, e eaa to tatou akakoroanga papu tikai?
21 I teia tuanga openga nei o te au ra openga, te tapapaia atu nei e ka tiritiri ua mai rai a Satani i te au putunga pikikaa e te au akavareanga. Kia akameitakiia ra, e kare a Iehova i akaruke ua ia tatou ki roto i te poiri no runga i ta Satani au peu akavare. Te akaari pu ua maira te Pipiria e te au puka a “te tavini akono meitaki e te pakari” tei akatumuia ki runga i te Pipiria i te au ravenga kino viivii a te Tiaporo. (Matthew 24:45) Na te akamatakite angaia na mua ake, e akateateamamao ia tatou.—2 Korinetia 2:11.
22 Ko tatou, i reira, kia paruru uaia atu rai mei te au taumaroanga a te aronga apoteiti. Kia akakoro papu tikai tatou i te kopae atu i te puereere o te akavareanga uaorai. E kia kite tatou e kia patoi atu i ta Satani au pikikaa katoatoa. Na te akapera, e rauka ai ia tatou i te paruru i to tatou pirianga ki “te Atua tuatua-mou,” ko tei rikarika i te akavareanga.—Salamo 31:5; Maseli 3:32.
[Au Tataanga Rikiriki i Raro]
^ para. 5 No runga i te tu o te verepa tei taikuia “te arataki ke ra” i roto ia Apokalupo 12:9, (NW) te karanga ra tetai angaanga i tataia e te “tou ra ki tetai raveanga tamou ua atu rai tei riro ei tu matauia.”
^ para. 20 Neneiia e te Au Kite o Iehova.
Maara Ainei ia Koe?
• Eaa ra i maata roa ai te akavareanga i roto i te ao i teia tuatau?
• Akapeea tatou i te paruru anga mei te akavare angaia e te aronga apoteiti?
• Akapeea tatou i te paruru anga atu mei tetai ua atu tu paruparu o te akavareanga uaorai?
• Akapeea e rauka ai ia tatou i te kopae i te akavare angaia e te au pikikaa a Satani?
[Au Uianga Apii]
[Tutu i te kapi 17]
Auraka e akavare ia koe uaorai no runga i te tamataoraanga
[Au Tutu i te kapi 18]
I te paruru anga mei te akavareanga uaorai, e makitoro marie ia koe uaorai ma te pure, e akarongo ki etai ke, e kia utuutu putuputuia ki ta te Atua Tuatua