Te Maara ra Ainei ia Koe?

Kua ariki ainei koe i te tatauanga i te au itiu i ou ake nei o Te Punanga Tiaki? Ka akara ana me ka rauka ia koe i te pau i te au uianga te ka aru mai:

• Eaa te akaari maira e e au taeake e e au tuaine to Iesu?

Te akakite maira te Pipiria i te reira i roto ia Mataio 13:55, 56 e ia Mareko 6:3. Te tuatua Ereni (adelphos) tei kiteaia i roto i reira te taangaangaia ra kia iki “i etai tu no te pirianga ki tetai au tangata me kare e pirianga tikai [e] te aite anga e taeake tikai me kare e apa ua.” (The Catholic Biblical Quarterly, Tianuare 1992)​—12/15, kapi 3.

• Eaa te tu tuke tikai o te tamaki tei kiteaia, e no teaa ra i putuputu ei te au tumu anga ra?

I te au mataiti i mua ua akenei ko te au tamaki te tamanamanata ra i te au tangata ravarai ko te maata anga e au tamaki na te tangata​—e au tamaki anga i rotopu i te pupu patoi o te au tangata i taua enua rai. Na te makitakita eteniki e te kopu tangata, te au tukeanga o te akonoanga, te tau kore, e te oripu ua o te poritiki pouroa e au tumuanga maata. Ko tetai tumu anga koia oki te noinoi no te mana e te moni.​—1/1, au kapi 3-4.

• Akapeea tatou i kite ei e kare a Iesu i akakoro ana i te au Kerititiano kia tuatua taokioki ua i te au tuatua no te pure akaraanga?

Na Iesu i akanoo i teia akaraanga no te pure i roto i tana Tuatua i te Maunga. I etai 18 marama i muri mai, kua ripiti aia i te tumu manako maata o tana ikuikuanga o mua ana no runga i te pure. (Mataio 6:9-13; Luka 11:1-4) Tei kitea meitakiia koia oki te tika e kare aia i ripiti i te reira ma taua tuatua rai, i te akaari mai anga e kare aia e oronga ra i tetai pure ei peu kia tuatua taokioki ua.​—2/1, kapi 8.

• I muri ake i te Vaipuke, noea mai te ngai i kiteaia mai e te kukupa ra te rau orive ta te reira i apai mai ki te araka?

Kare tatou i kite i te vaitoanga miti e te vaitoanga reva o te vaipuke. Inara kua kiteaia mai kua kao akaou mai te au tumu orive i muri ake i te tipuia anga ki raro. No reira kua ora mai etai mei te vaipuke e kua kao akaou mai te au rau i muri mai.​—2/15, kapi 31.

• I te tuatau tamaki anga tangata i Naiteria, ma te arai anga i Biafra, akapeea i rauka mai ei i te Au Kite o Iehova i roto i taua ngai ra te kai i te pae vaerua?

Kua tonokia atu tetai tavini kavamani ki te opati i Europa e tetai atu kua tonokia ki te ngai to anga pairere i Biafran. E nga Kite raua roa ai. Kua ariki raua i teia angaanga tumatetenga i te apai mai anga i te kai pae vaerua ki Biafra nei, i reira i akameitakiia ai te au taeake e manganui e ope ua atu ei te tamaki i te 1970.​—3/1 kapi 27.

• Eaa tei akatupuia ma te Au o Westphalia, e akapeea i piri atu ei te akonoanga ra?

Kua akatakake te Tauianga i te Patireia Tapu o Roma ki roto i te au akarongo e toru​—te Katorika, te Lutheran, e te Calvinist. Te Unioni Porotetani e te League Katorika kua akanooia i te akamataanga o te 17 anere mataiti mua. I reira kua tupu mai tetai tamakianga akonoanga i Bohemia e kua tupu maata atu ia ki roto i tetai putotoanga no te mana kia akaaere i te pa enua. Te au arataki Katorika e te Porotetani kua inangaro kia akaaere no te turanga poritiki teitei e te raukaanga i te apinganui. I te openga ra, kua raveia te au tuatua no te au i te tuanga ngai i Tiamani o Westphalia. Vaitata rai e rima mataiti i muri ake, kua tainaia te Koreromotu o Westphalia i te 1648, i te akamutu anga te Toru Ngauru Mataiti o te Tamakianga e te akairo anga te anau anga o Europa o teia tuatau ei enua maata no te au tuanga enua ngateitei.​—3/15, au kapi 20-3.

• Eaa te aite anga o te akairo, me kare te ingoa, o “te puaka taae”​—te numero 666?

Te taikuia ra teia akairo ia Apokalupo 13:16-18. Te taikuia ra te puaka ei tutaraanga na te tangata, e to te puaka apai anga ra i “tei te tangata te ariteanga o teianei numero” te akakite maira e te akaata ra te au kavamani i te tu apa ua o te tangata. Kapitiia atu te 6 ki te 60 e kapitiia atu ki te 600 te akaari maira te reira e e mea kino tikai te reira i roto i nga mata o te Atua. Ko te aronga tei apai i teia akairo te oronga ra i te akamori anga ngateitei ki te Au-Enua poritiki, me kare te akara ra ratou ki te reira no te akaoraanga.​—4/1, au kapi 4-7.