Te Koreromotu Puapinga Roa Atu te Vai Ra

I TE ruau anga o tona oraanga, kua tata te apotetoro pakari ko Ioane e: “Kia kite au e, te aere ra taku au tamariki na te tuatua-mou, kare oku e rekareka anga maata atu.”​—3 Ioane 4.

Te taiku ra te apotetoro tiratiratu ki tana tamariki i te tu pae vaerua. Inara, e manganui te au metua tei tuatua i ta te apotetoro au tuatua ra. Kua angaanga pakari ratou i te utuutu anga i ta ratou tamariki “i te ako anga e te akatikatikaanga manako [o] Iehova,” e te mataora ra ratou i teianei i te kiteanga i ta ratou tamariki kua mamaata i te “aaere anga i roto i te tuatua mou.” (Ephesia 6:4) Ko te tika, ko te apiianga i te tamariki a tetai i te mataara ki te ora mutukore koia oki ko te oronga anga kia ratou i te koreromotu puapinga roa atu te vai ra. No te mea ko te akamorianga tu-Atua, tei kapiti mai te akonoanga i te oraanga mei ta Iehova e inangaro ra i te au Kerititiano kia akono, “e meitaki tei akakiteia mai to te reira i teianei ao, e te ao a muri atu.”​—1 Timoteo 4:8.

Ko Iehova, te Metua apakore, e akangateitei maata ana aia i te au metua tu akono Atua tei tauta pakari i te apii i ta ratou tamariki i te pae vaerua. Me ariki te tamariki, ka kite mai ratou i te rekareka maata i te aruaru anga i te akamori mou kapiti ma to ratou nga metua. Me pakari mai taua au tamariki ra, kua akono ratou i te au maaraaraanga meitaki tikai o taua au tupu anga. I etai kua mataora i te akamaara anga i te taime mua i piri atu ei ratou i roto i te Apii Orometua Teokaratiki. * Me kore penei kua manako ratou i te taime mua i rauka ai ia ratou i te tatau i tetai irava Pipiria i roto i te angaanga orometua mei tera are ki tera are i te pae mai i tetai o to ratou nga metua. Akapeea ratou i te akangaropoina anga i te akarongo anga i to ratou nga metua i te tatau anga mei te My Book of Bible Stories me kore mei te Listening to the Great Teacher? * Kua maara ia Gabriel i tetai apinga tana i inangaro maata mai: “E a ua rai oku mataiti, kua imene toku metua vaine kiaku i te au ra tataki tai iaia e tunu kai ra. Te maara nei rai iaku ma te manako oonu i tetai imene Patireia. I muri akera, kua tauturu te reira iaku i te kite i te puapinga o ta Iehova angaanga.” Penei te maaraara katoa ra koe i te imene manea ta Gabriel e taiku ra. Ko te numero 157 ia i roto i te puka imene Sing Praises to Jehovah, e tei tapaia “Worship Jehovah During Youth.”

Na ko maira te imene i te akamataanga: “Out of the mouth of babes God once brought praise;/They, to hail Jesus, their voices did raise.” E tikai, te vai ra te tamariki tei ia ratou te ngateitei i te kapiti atu anga kia Iesu, e penei kua akarekareka  ratou iaia ma to ratou tu akaoraora, e te tiratiratu. Kua taangaanga katoa a Iesu i te tu ngoie ua i te apii i te tamariki ou ei akaraanga ki tana au pipi kia aru. (Mataio 18:3, 4) No reira e ngai tau to te tamariki i roto i te akamori anga ia Iehova. Ko te tika, te tuatua ra te au tuatua a te imene: “Yes, even babes can their God magnify.”

Na roto i ta ratou ravenga akono meitaki​—i te kainga, i te apii, e i roto i te au ngai ke aere​—e manganui te tamariki tei oronga i te ngateitei ki te Atua e ki to ratou ngutuare tangata. Mei teaa tikai te akameitakianga no ratou e kua rauka ia ratou te “Christian parents who love what is true.” (Deuteronomi 6:7) Kua rave te au metua tu-Atua i te akono i ta te Atua e tuatua maira, e e Metua aroa aia, te apii ra i tana au mea ora i te aaere i te mataara i tau ei ratou i te takai. E mei teaa te akameitaki anga ka rauka mai ia ratou! Ia ratou, katoa, e apii ra te aronga mapu i roto i to ratou ngutuare tangata, mei te rekareka tikai kia ratou e e tamariki ta ratou tei “obey them and bring them delight”! (Isaia 48:17, 18) Ko Angélica, te tavini ra i teia taime nei i roto i te opati manga o te Au Kite o Iehova i Meiko, kua tuatua na ko maira: “Kua tauta ua ana toku nga metua i te akono i te au kaveinga Pipiria. Kua akariro te reira i toku tamariki anga ei mea reka anga. Kua mataora oki au.”

Kua akatika taua au Kerititiano e e mea puapinga tikai kia akono meitaki i taau tuanga pae vaerua. Penei e mapu koe te utuutuia ra i roto i tetai ngutuare tangata ma te au tu puapinga Kerititiano mou. Me koia ia, te raurau katoa ra taua imene ia koe: “O Christian youths, strive to keep your way clean.” Ka tae te tuatau e ka akono koe i taau uaorai au ikianga, no reira i teianei “learn while you’re young on Jehovah to lean./But to be popular never do toil.”

Me tarevake koe i te tuku anga i te tu rongonui te apinga mua i roto i toou oraanga, e mea puapinga kore te au terenianga pouroa taau i rauka mai, e penei ka takino koe i toou manakonakoanga no te tuatau ki mua. Ka arataki te inangaro kia rongonui i te tuku anga i toou paruru ki raro. Kua taopenga tetai papaki i te taokotaianga ma te aronga, i te akaraanga kare e rave kino ana, e te manea katoa, kare ra e inangaro i roto i te au turanga Kerititiano. Kua akatutuia te reira e Tara, te tangata maata tei akatutuia i roto i te vitio Young People Ask​—How Can I Make Real Friends? Mei ia Tara rai, ka kite mai tetai ua atu Kerititiano mapu te ka kapiti atu ma te aronga tei kare e ariki ana i te akamori mou e kare e roa atu ana mei ta te imene e tuatua ra “bad companions good habits will spoil.” Ka pou te au mataiti i te tauta anga i te akatupu i te au angaanga meitaki, inara ka viviki te reira i te akakinoia.

E tika, kare te mataara o te mataku i te Atua i te mea ngoie ua. Kareka ra, ma te imene i te tuatua uatu anga, “if you remember your God in your youth,/And serve Jehovah in spirit and  truth,” ka patu koe i tetai tango ketaketa no te autu anga tika tikai. E “as you grow older more joy you will know.” Ka akamata koe i te ariki maata atu e i raro ake i to Iehova akonoanga aroa, kare e rauka i tetai apinga i te tapu ia koe i te raveanga i tei tika i tona nga mata. Ko te reira te mataara kia riro mai ei tangata pakari, tei tau ki te Atua. Kapiti atu ki te reira, na te akono meitaki pakari anga i te tuatau o tetai utuutuanga Kerititiano te oronga ra kia koe i te tuatau kia “make God’s own heart with gladness to glow.” Mei teaa tikai te ngateitei maata te ka rauka ia e tetai tangata?​—Maseli 27:11.

No reira, te au mapu, kia akamaara mei teaa rai te puapinga i te terenianga mei Iehova mai e toou nga metua Kerititiano. Penei ka akakeu to ratou inangaro maata ia koe i te rave i tei meitaki ra ki mua i to Iehova aroaro. Mei ia Iesu Karaiti rai e te mapu tiratiratu ko Timoteo, ka akamareka koe i toou Metua i te rangi ra e toou nga metua i te enua nei. E me ka riro ake koe uaorai ei metua, penei ka akatika koe kia Angélica, tei taikuia i mua atu ana, e kua karanga e: “E ua ake ka anau tamariki ake au, ka tauta pakari tikai au i te tuku i te inangaro no Iehova i roto i to ratou ngakau mei te tamariki anga, kia akariro i te reira ko tona aratakianga marama.” E tikai, te mataara tuatua tau te arataki ra ki te ora mutu kore ei koreromotu puapinga roa atu te vai ra!

[Au Tataanga Rikiriki i Raro]