Te Maara ra Ainei ia Koe?

Kua ariki ana ainei koe i te tatauanga i te au itiu i ou akenei o Te Punanga Tiaki? Ka akara ana me ka rauka ia koe i te pau i te au uianga te ka aru mai?

• Eaa te Complutensian Polyglot, e eaa te reira i puapinga maata ai?

E Pipiria tei neneiia, i roto i te reo ke ke tei akanooia i roto i te au koromu aiteite, i te pae mai i te tataanga meitaki tei vai ana i roto i te reo Epera, Ereni, e te Ratino, kapiti mai etai au tuanga i roto i te reo Arama. E takainga maata tikai ki mua teia tataanga Pipiria i te maani anga i tetai tataanga tamaia o te au reo mua.​—4/15, kapi 28-31.

• Akapeea te au tangata i te akarekareka anga i te Atua?

Ei peretana ora tikai, kua rauka ia Iehova te manako, te au angaanga, e te au manako ngakau. E “Atua mataora” aia e te mareka ra i te akatupu anga i tana akakoro anga. (1 Timoteo 1:11, NW; Salamo 104:31) Te maata atu i to tatou kite no runga i te au manako ngakau o te Atua, te maata atu ia ta tatou i kite e eaa te ka rauka ia tatou i te rave i te akarekareka anga i te ngakau o te Atua.​—5/15, kapi 4-7.

• Eaa ra a Davida i akatika ai i tana vaine ko Mikala kia rave mai i tetai tiki?

I te moetapapa anga te Ariki ko Saula i te ta ia Davida, na Mikala i tauturu iaia kia ora mai, i te tuku anga ki roto i te roi i tetai tiki penei ake mei te tu o tetai tangata ra. Penei kua rave mai aia i tetai tiki no te mea kare tona ngakau i tae katoa ki te Atua. Penei kare a Davida i kite ana i te reira me kare kua akatika ua i te reira no te mea e tamaine aia na te Ariki ko Saula. (1 Paraleipomeno 16:25, 26)​—6/1, kapi 29.

• Eaa te tumu anga tuatua mou ta te au ture a te Atua no runga i te toto e akakite maira?

Ta te Atua i akakite mai i muri ake i te Vaipuke, na roto i te Ture a Mose, e na roto i te ture tei kitea i roto ia Angaanga 15:28, 29, kua tou mai aia i te atinga te kapiti atura ki to Iesu toto akataeia mai. Na roto anake ra i te toto e rauka ai ia tatou te akakore anga i te ara e te rauka anga te au ma te Atua ra. (Kolosa 1:20)​—6/15, kapi 14-19.

• Eia o te au temeio a Iesu tei taikuia mai i roto i te Pipiria?

Te taiku maira te au papaanga Evangeria e 35 temeio a Iesu. Inara te numero tikai o ta Iesu au temeio, kapiti anga mai i tetai kare i ripotiia mai ana, kare i akakitenaia mai. (Mataio 14:14)​—7/15, kapi 5.