Te Kimi Anga kia Maata Atu
Te Kimi Anga kia Maata Atu
“Me kare oki e akamerengoia to tatou au anoano, kare e rava ua te au apinga.”—E ripoti na te Worldwatch Institute.
“EAA ta tatou ka inangaro? Te au apinga ravarai. Aea tatou e inangaro ei i te reira? I teianei.” E mea matauia teia tuatua i rotopu i etai aronga apiipii kaoreti i te tuatau o te 1960. I teia tuatau, penei kare teia au tuatua tikai e rongoia ana, inara kua vai rai te tumu anga manako. E tikai, te kimi anga kia maata atu kua riro mai i te akara anga ra ei akairo no to tatou tuatau.
No te manganui, te rauka anga te apinganui e te au apinga ra kua riro mai ko te mea mua ia. Kua tuatua te Peretiteni o mua ana no Marike ko Jimmy Carter e: “Kare e rauka akaou ana te tu tangata i te akatakaia no ta tetai e rave ra mari ra i tei rauka ra i tetai ra.” E au mea meitaki puapinga maata roa atu ainei tetai i te au apinga ra? Me koia ia, eaa oki te reira, e eaa ra te au akameitaki anga ta te reira ka oronga mai?