Te Umuumu ra Ainei Koe i Tetai Ao Kare e Mataku?

“Te noo nei tatou i roto i tetai ‘tu kino akamaataia no te matakiteanga e te . . . puapinga kore,’ akamataia e tetai tumatetenga . . . akataka kino tikaiia te ka tupu i tetai ua atu taime e i roto i tetai ua atu tu ma te kore e matakite anga.’”

TE AKAARA ra teia au tuatua, tei taikuia i te mataiti i topa akenei i roto i te makatini Newsweek, i te au manako ngakau o te tangata e manganui te noo ra i roto i te ao kino tikai i teia tuatau nei. Kua akataka mai a Iesu Karaiti e ka pakari mai taua au manako ngakau ra i te tuatau te vaitata maira ki mua. Kua totou aia i tetai tuatau e ka mate te pa enua o te ao nei i te tumatetenga e kare e kite i te mataara kia aere ki vao e ka taravai te ngakau o te au tangata i te mataku, e te manako ua anga i taua au mea ra i te ao nei i te vaitata anga mai. Kare ra, tatou, e tau kia manako matakutaku me kore e puapinga kore, no te mea kua karanga katoa oki a Iesu : “E kua tupu anake teianei au mea, e nānā to kotou mata ki runga, e akateitei to kotou mimiti; te vaitata maira oki to kotou ora.”​—Luka 21:25-28.

Akatakaanga i te au turanga no te oraanga o tona iti tangata i runga nei i te enua i muri ake i taua akaoraanga, kua akakite te Atua ko Iehova: “E noo oki toku ra iti tangata ki roto i te are au nuingangare, e te nooanga mataku kore e te ngai kanga koreia mai.” (Isaia 32:18) Na roto i tana peroveta ko Mika, kua karanga a Iehova : “E noo ra ratou ravarai ki raro ake i tana uaorai vine, e ki raro ake i tana uaorai suke, e kare tetai e akamataku mai.”​—Mika 4:4.

Mei teaa tikai te reira i te tuke ki te oraanga i teia tuatau nei! Kare tetai tumatetenga kitea koreia e tamataku i te au tangata ravarai. Kare oki te tu kino no te matakiteanga e te puapinga kore, ka vai ua te tu ope kore no te ponuiaau e te mataora.