Te Maara ra Ainei ia Koe?

Kua ariki ainei koe i te tatauanga i te au itiu i topa ake nei o Te Punanga Tiaki? Ka akara ana me ka rauka ia koe i te pau i te au uianga te ka aru mai:

• Eaa ta tetai Kerititiano ka rave i te aro atu anga i te tu roiroi i te pae manako e te pae vaerua?

Ka inangaroia tatou kia akataka tikai i te tumu o to tatou tu paruparu. Penei ka puapingaia kia akarakara marie anga i to tatou au tu e te au apinga, i te akaatea anga i te au akateiaaanga. Ka rauka ia tatou kia akanoo i te au akakoroanga tika tikai kia tau ki to tatou uaorai au turanga. Te akono anga i to tatou oraanga i te pae vaerua e puapinga ia e ka tau kia kapitiia mai te pure putuputu e te akamanako oonu anga.​—8/15, kapi 23-6.

• Eaa ra te Au Kite o Iehova e apai ei i te numero 144,000 e e tika tikai?

I muri ake i te akakite angaia ki te apotetoro ko Ioane no runga i te 144,000, kua kite atu aia “e aronga maata rava, kare takiri e pou kia tatau.” (Apokalupo 7:4, 9) Naringa te numero 144,000 e mea akatutu uaia, ka ngere te puapinga o te tuke. Kua tuatua a Iesu no runga i te aronga te ka tutara ma ia e ko te “anana iti.” (Luka 12:32)​—9/1, kapi 30.

• Eaa ra i rauka ai i tetai ngati Iseraela i te oko atu i tetai manu mate kare i akataeia te toto ki tetai tangata tuitarere?

Ko tetai tangata tuitarere me kare te tangata ke ra kare i riro mai ana ei poroteraita ra kare oki i raro ake i te Ture. No reira kua akatikaia tetai ngati Iseraela kia oronga me kare kia oko i taua au manu ra kiaia. (Deuteronomi 14:21) Inara ko tetai poroteraita ra kua tatuaia e te Ture e kare aia e kai ana i te kiko manu kare i akataeia te toto o taua manu ra. (Levitiku 17:10)​—9/15, kapi 26.

• Eaa te au biomimetic, e no teaa ra i riro ei ei manakoanga ki te au Kerititiano?

Ko te ngai no te taineti te tauta ra i te aru anga i te kopi i te au akapapaanga tei kiteaia i roto i te au mea natura. Ei akaraanga, na te nga taeake Wright i maani i tetai pairere i muri ake i te apii anga no runga i te au manu mamaata e rere ra. I reira ka akakeu taua au biomimetic i tetai Kerititiano kia akakaka i Tei Anga mai.​—10/1, kapi 9.

• Koai tei taikuia mai ia 2 Korinetia 12:2-4 tei apai naia ki runga i parataito?

Kua aru mai taua irava ra i muri tika ake i te au irava ta Paulo i paruru ei i tona taoonga apotetoro. Mei te mea e kare te Pipiria e tuatua ra i tetai tangata ke atu ko tei kite ana i taua tu ra e mei te mea ra e ko Paulo oki tei akakite mai i te reira kia tatou, penei ake kua rauka ia Paulo teia orama.​—10/15, kapi 8.

• Eaa etai au tu o Iesu tei akariro iaia kia tau i te tavini ei Arataki ikiia e te Atua?

Kua akono marie tikai a Iesu i te tu tiratiratu apa kore, i te tu tuatua tika e tona tu tau. Kua akatapu takiriia aia ki te Atua. E manako oonu tikai to Iesu no te tangata e kua inangaro tikai i te angaanga. ​—11/1, kapi 6-7.

• Teiea te au temoni i te tuatau o te Mareniamu?

Ka rauka ia tatou i te taopenga tau e i te tuatau o te Tutaraanga Mareniamu o Karaiti, ka titiriia ratou ki roto i te vaarua takere kore e Satani katoa. (Apokalupo 20:1-3) Kua totou mai a Genese 3:15 i te akaparuparu anga i te mimiti o te ovi, te kapiti maira tona titiri anga ia i roto i te vaarua takere kore i te tuatau o te Mareniamu. Tei piri mai ki roto i tana uanga ko te au angera kino, me kore te au temoni. Te tika e kua akaari ratou i te mataku no te vaarua takere kore te akakite maira e kua kite ratou i teia tapupu anga te aere maira. (Luka 8:31)​—11/15, kapi 30-1.

• Eaa ra tetai tangata ka matakite ei i te inu anga i te au kava, noatu e te matakite ra aia kia kore e inu e tae ua atu ki te kona anga i te kava?

E meangiti ua te akairo ta etai pae tangata ka akaari mai i te kona anga i te kava noatu e kua inu maata i te kava. Inara, penei ma te marie ka akatupu tetai i te irinaki anga ki runga i te kava e te riro anga mai “ei inu maata i te wina.” (Tito 2:3) Kua matakite mai a Iesu no runga i te ‘opue aea te ngakau i te maata o te kai e te kona.’ (Luka 21:34, 35) Kare e umuumuia te inu anga kia taeria ki te tu kona anga i mua ake ka akariro ei te reira kia varea moe e kia kope tetai tangata​—i te pae kopapa pera katoa i te pae vaerua.​—12/1, kapi 19-21.