“Eaa Taau Ravenga?”

TEIA uianga mei tetai tangata pakari i tetai ngai kaikaianga kua tapoitirere ia Muriel, e mama e toru tamariki. Kua pou te taime ia Muriel i te rapu anga i tana tamariki no te au atoroanga ki te taote, e te oro tureiti ra aia. Kare o ratou taime i te oki atu ki te kainga kia kaikai i mua ake ka aere atu ei ki ta ratou uipaanga Kerititiano. No reira kua apai atu aia i te tamariki ki tetai ngai kaikaianga i te pae ua mai e rauka ai ia ratou i te kai i tetai apinga.

Ia ratou e akaoti ra i ta ratou kai, kua atoro mai tetai tangata ia Muriel e kua karanga mai: “Te akarakara ua ra au ia kotou i to kotou tomo mai anga ki roto i konei. E kua kite mai i te aka tuke i rotopu i taau tamariki e tera o te aronga taku e aravei ua ana. Naringa koe e kite ana i te tu e akono ana te tamariki i te au kaingakai e te au nooanga. Aere to ratou vaevae ki runga i te kaingakai. Oparaparaia atu te au nooanga. Inara taau tamariki e muteki tikai e te mako meitaki. Eaa taau ravenga?”

Kua pau atu a Muriel: “E apii putuputu ana maua ko taku tane i te Pipiria ma ta maua tamariki, e e tauta ana matou i te akono i roto i to matou oraanga i ta matou i kite mai. E Au Kite matou no Iehova.” I te reira, kua pau mai teia tangata e: “E ngati Iuda au, e ko tetai tei ora mai i te Orokoti. I maara ana iaku i te kite anga i te Au Kite o Iehova i te takinokinoia anga i Tiamani. I taua taime rai kua akaraanga tuke rai ratou. Kua umere tikai au i te tu o taau tamariki. Ka aere au ka akara oonu atu i ta kotou akonoanga.”

E puka arataki meitaki tikai te Pipiria i te utuutu anga i te tamariki. Te inangaro maata tikai nei te Au Kite o Iehova i te tauturu i etai ke kia puapingaia mei te arataki anga tei kiteaia i roto i te au Tuatua Tapu. Tei ia koe ta matou patianga pumaana i te ariki i te patianga tei aru mai.