Arataki Anga Pakari no te Au Tokorua Akaipoipo
Arataki Anga Pakari no te Au Tokorua Akaipoipo
“E te au vaine noo tane ra, e kauraro kotou ki ta kotou uaorai au tane, mei ta kotou e kauraro i te Atu ra. E te au tane ra, e aroa atu kotou i ta kotou au vaine.”—EPHESIA 5:22, 25.
1. Eaa te manako tau no te akaipoipo?
TE KARANGA ra a Iesu e e tapiri anga kapiti anga te akaipoipo na te Atua no tetai tane e te vaine kia riro mai ei “kopapa okotai.” (Mataio 19:5, 6) E rua nga tangata te kapitiia maira ma te au tu tuke tuke i te apii anga i te akatupu anga i te au inangaro aiteite e te angaanga kapiti anga ki te au akakoroanga aiteite. E akanoonooanga roa te tuatau no te akaipoipo, kare i te akanoonoo anga tuatau poto ua te ka ngoie ua i te kopaeia. I roto i te au enua e manganui, kare e ngata ana kia rauka mai te kopae anga, inara i roto i nga mata o tetai Kerititiano, e mea tapu te pirianga akaipoipo. Ka ope ua te reira no tetai tumu anga pakari tikai.—Mataio 19:9.
2. (a) Eaa te tauturu te vai ra ki te au tokorua akaipoipo? (e) No teaa ra i puapinga ai kia titau i te akariro i tetai akaipoipo kia puapingaia?
2 Te karanga ra tetai vaine ako no te akaipoipo e: “Ko tetai akaipoipo meitaki ra e ravenga ia no te taui putuputu anga i te akaata anga te reira i te au maro anga ou, te akono ra i te au manamanata te tupu maira, e te taangaanga ra i te au apinga te vai ra i roto i tetai tuatau o te oraanga taki tai.” No te au tokorua Kerititiano ra, te kapiti maira taua au apinga ra i te akoanga pakari mei roto mai i te Pipiria, te turu anga no ko Genese 2:18, 21-24; 1 Korinetia 10:31; Ephesia 3:15; 1 Tesalonia 5:17.
mai i te au taeake Kerititiano, e tetai pirianga vaitata na roto i te pure kia Iehova. Te tamou marie ra tetai akaipoipo puapinga, e tere atu i te au mataiti, te apai maira te reira i te tu mataora e te pumaana ki te tane e te vaine. Tei puapinga roa atu, te apai maira te reira i te ngateitei ki te Atua ko Iehova, Tei Akamata mai i te akaipoipo.—E Aru ia Iesu e Tana Putuputuanga
3. (a) E akataka poto ua mai i ta Paulo akoanga ki te au tokorua akaipoipo. (e) Eaa te akaraanga memeitaki ta Iesu i akanoo mai?
3 E rua tauatini mataiti i topa akenei, kua oake te apotetoro ko Paulo i te akoanga pakari ki te au tokorua Kerititiano i te tata anga aia e: “Mei te ekalesia e kauraro i te Mesia nei, koia katoa oki te au vaine ki ta ratou uaorai au tane i te au mea katoa nei. E te au tane ra, e aroa atu kotou i ta kotou au vaine, mei te Mesia katoa i aroa i te ekalesia, e kua oronga iaia uaorai ei oko.” (Ephesia 5:24, 25) Mei teaa atura te au akaaiteanga memeitaki te akakiteia maira i konei! Te au vaine Kerititiano tei kauraro akaaka ki ta ratou au tane te aru ra i te putuputuanga i te kite anga e e te akonoanga i te kaveinga no te taoonga upoko. Te au tane irinaki tei aroa atu i ta ratou au vaine, me tei roto i te au tuatau marekaia me kore taitaia ra, te akaari ra e te aru vaitata ra ratou i te akaraanga o Karaiti i te aroa anga i te putuputuanga e te akono anga i te reira.
4. Akapeea te au tane i te aru anga i to Iesu akaraanga?
4 Ko te au tane Kerititiano te upoko o to ratou ngutuare tangata, inara e upoko katoa rai to ratou, ko Iesu. (1 Korinetia 11:3) No reira, mei ia Iesu rai e akono ra i tana putuputuanga, kia akono aroa rai te au tane i to ratou ngutuare tangata i roto i te mataara pae vaerua e i te pae kopapa, noatu me ka raveia te tuku anga atinga uaorai. Ka tuku ratou i te anoano o to ratou ngutuare tangata i mua i to ratou uaorai au anoano e te au inangaro anga. Kua karanga a Iesu: “E te au mea katoa ta kotou i anoano ia etai ke ra, na reira katoa kotou ia ratou.” (Mataio 7:12) Te tau ra taua kaveinga ma te mana takake i roto i te akaipoipo. Kua akaari mai a Paulo i teia i te karanga anga aia e: “E aroa katoa te au tane i ta ratou uaorai au vaine e tikaʼi, mei to ratou uaorai kopapa. . . . Kare ua e tangata e makitakita i tona uaorai kopapa e teia noaʼi oki; kareka e angai e te akaperepere marie.” (Ephesia 5:28, 29) Kia angai tetai tangata e kia akaperepere i tana vaine ma taua maroiroi rai i te angai anga aia e te akaperepere anga iaia uaorai.
5. Akapeea te au vaine i te aru anga i te putuputuanga Kerititiano?
5 Te akara ra te au vaine akono i te Atua i te putuputuanga Kerititiano ei akaraanga. Ia Iesu i te enua nei, kua akaruke tana au pipi ma te rekareka i ta ratou au aruaru anga o mua ana e kua aru atu iaia. I muri ake i tona matenga, kua kauraro ua atu ratou kiaia, e tere atu vaitata rai e 2,000 mataiti, kua kauraro atu rai te putuputuanga Kerititiano mou kia Iesu e kua aru i tona taoonga arataki anga i roto i te au mea katoa. Kare katoa te au vaine Kerititiano e aviri i ta ratou au tane me kore i te kimi i te akameangiti mai i te akanoonooanga Tuatua Tapu no te taoonga upoko i roto i te akaipoipo. Kareka ra, ka turu ratou e ka kauraro ki ta ratou au tane, te tauturu ia ratou, e te akamaroiroi anga atu i
reira ia ratou. Me rave te tane e te vaine i taua mataara aroa, ka puapingaia to raua akaipoipo e ka kite raua i te rekareka i roto i te pirianga.E Noo ia Ratou Ra
6. Eaa te akoanga ta Petero i oake ki te au tane, e eaa ra i puapinga ai te reira?
6 E ako katoa ta te apotetoro ko Petero no te au tokorua akaipoipo, e e ririnui tikai tana au tuatua ki te au tane. Kua karanga aia: “Koia katoa oki kotou, e te au tane, e noo ia ratou ra [ki ta kotou au vaine] ma te kite, i te akangateitei anga i te vaine, i te āriki paruparu ra, e ei atu katoa oki i te aroa ua ra i te ora; kia kore ta kotou pure e topa.” (1 Petero 3:7) Kua akatakaia mai te pakari anga tikai o ta Petero akoanga i roto i te au tuatua openga o taua irava. Me ngere i tetai tane i te akangateitei i tana vaine, ka akatukeia tona pirianga ma Iehova. Ka tapupuia tana au pure.
7. Akapeea te tane i te akangateitei anga i tana vaine?
7 Akapeea, i reira, te akangateitei anga te au tane i ta ratou au vaine? Kia akangateitei i ta tetai vaine te aiteanga kia akono aroa iaia, ma te ngateitei e te tapunui. Ko taua tu akono aroa anga i tetai vaine i te akara anga e mea tuke rai ki te manganui. Kua tata tetai tangata apiipii Ereni e: “I raro ake i te ture Roma kare o tetai vaine tika anga. I roto i te ture kua aite tona au tika anga ki to te tamariki. . . . Te kauraro tikai ra aia ki tana tane, e tei raro katoa i te akatere anga a tana tane.” Mei teaa ra te tuke ki te au apiianga Kerititiano! Te akangateitei ra te tane Kerititiano i tana vaine. Tana au ravenga kiaia ra te akatereia ra e te au kaveinga Kerititiano, kare na te manako uaorai. Tei runga ravao, te manako ra aia iaia “ma te kite,” i te akamanako anga e e ariki paruparu aia.
“Āriki Paruparu” i Roto i Teea Tu?
8, 9. I roto i teea au tu i aiteite ei te au vaine ki te au tane?
8 Te karanga anga i te vaine ra e e “āriki paruparu,” kare a Petero e karanga ra e e paruparu ake te au vaine i te au tane i te pae kite me kore i te pae vaerua. E tika, e au akameitaki anga ta te au tane Kerititiano e manganui i roto i te putuputuanga kare i tapapaia ana e ka rave te au vaine, e i roto i te ngutuare te kauraro ra te au vaine ki ta ratou au tane. (1 Korinetia 14:35; 1 Timoteo 2:12) Inara, ko taua akarongo rai, te tamou marie, e te au turanga akono tau teitei ra te umuumuia ra e te katoatoa, te au tane e te au vaine. E mei ta Petero e karanga ra, ko te tane e te vaine ra “ei atu katoa . . . i te aroa ua ra i te ora.” No runga i te akaoraanga, aiteite to raua turanga i mua i te aroaro o te Atua ko Iehova. (Galatia 3:28) Te tata ra a Petero ki te au Kerititiano akatainuia o te anere mataiti mua. No reira, te akamaara maira tana au tuatua i te au tane Kerititiano e ei ‘aronga tuanga ma te Mesia,’ ko ratou e ta ratou au vaine aiteite te manakonakoanga i te rangi. (Roma 8:17) A tetai ra, ka tavini raua roa ai ei kau taunga e te ui ariki i roto i to te Atua Patireia i te rangi ra!—Apokalupo 5:10.
9 Kare katoa te au vaine Kerititiano akatainuia i meangiti mai i ta ratou au tane Kerititiano akatainuia. E i roto i te kaveinga, te tika ra te reira ki te aronga ma tetai manakonako anga i te enua nei. Te orei ra te au tane e te au vaine o te “aronga maata rava” i to ratou kakau e te akateatea ra i te reira i roto i te toto o te Punua Mamoe. Te piri ra te au tane e te au vaine “i te po e te ao” i te ao katoa i te akapaapaa maata anga ia Iehova. (Apokalupo 7:9, 10, 14, 15) Te akara ra te au tane e te au vaine katoa ki te tuatau ki mua kia rauka “te rangatira meitaki o te tamariki a te Atua,” e e rekareka ai ratou i roto “i te ora mutu kore.” (Roma 8:21; 1 Timoteo 6:19) Me e aronga akatainuia me kore ko tetai o te mamoe ke atu, te tavini kapiti pouroa ra te au Kerititiano ia Iehova ei “okotai oki anana” i raro ake i te “okotai oki tiaki.” (Ioane 10:16) Mei teaa atura te tumu ririnui no tetai tane e te vaine Kerititiano i te akaari i te ngateitei tau ki tetai e tetai!
10. I roto i teea tu ei “āriki paruparu” te au vaine ra?
10 I roto i teea tu, i reira, ei “āriki paruparu” te au vaine ra? Penei te taiku ra a Petero ki te tika anga, i roto i te avereti, e e meangiti ake te au vaine e e iti ake te maroiroi i te pae kopapa i to te au tane. Kapiti atu, i roto i to tatou turanga apa nei, te tuatau umere no te anau anga i te tamariki te akatupu maira i te kino i te pae kopapa. Te au vaine kua tae te mataiti no te anau tamariki penei ka tupu putuputu mai te au mamae i te pae kopapa. Te anoano tikai ra ratou i te akono anga takake e te manakoanga me kite i taua au mamae me kore te akakoromaki anga i te au mamae akaroiroi no te to anga e te anau anga. Ko tetai tane tei oronga i te ngateitei ki tana vaine, te kite ra i te turu anga tana e anoano ra, ka oronga maata atu i te puapinga no te akaipoipoanga.
I Roto i Tetai Ngutuare Akatakakeia e te Akonoanga
11. I roto i teea tu ka puapingaia ai tetai akaipoipo noatu me e au akonoanga tuke ta te tane e te vaine?
11 Inara, akapeea ra me e au manako tuke no te akonoanga to te nga tokorua akaipoipo, no te mea kua ariki tetai ia raua i te tuatua mou Kerititiano i tetai tuatau i muri ake i to raua akaipoipoanga e ko tetai ra kare? Ka puapingaia ainei taua akaipoipoanga? Te karanga ra te au tupuanga o te manganui e ae. Ko tetai tane e te vaine ma te au manako tuke o te akonoanga ka puapinga ua rai te akaipoipo na roto i 1 Korinetia 7:12-14.
te tu e ka vai tamou marie te reira e te oronga maira i te mataora ki te nga tangata ra. Pera katoa, te vai ua nei rai te akaipoipo i roto i to Iehova nga mata; e “kopapa okotai” rai raua. No reira, kua akoia mai te au tokorua Kerititiano kia noo ki to ratou tokorua akarongo kore me te tau ra taua tokorua ra. Me e tamariki tetai, ka puapingaia ratou mei te tu tiratiratu o to ratou metua Kerititiano.—12, 13. Aru mai i ta Petero akoanga, akapeea te au vaine Kerititiano i te tauturu anga i te au tane akarongo kore ra?
12 Kua oronga mai a Petero i te au tuatua takinga meitaki no te akoanga ki te au vaine Kerititiano te noo ra i roto i te au ngutuare akatakakeia e te akonoanga. Ka tau katoa tana au tuatua ei kaveinga na te au tane Kerititiano i roto i taua turanga rai. Kua tata a Petero: “Ko kotou oki, e te vaine tini e, e kauraro marie i ta kotou au tane ra; kare tetai pae e akarongo i te tuatua ra, kia rauka mai ratou i te akono meitaki o ta ratou au vaine, auraka atu rai te tuatua; I te akara anga mai ratou i to kotou aerenga viivii kore i kapiti katoaia i te mataku.”—1 Petero 3:1, 2.
13 Me ka rauka i tetai vaine i te akataka tau tikai i tona akarongo ki tana tane, e mea meitakiia. Inara, akapeea ra me kare aia e inangaro i te akarongo mai? Nana rai te reira iki anga. Noatu rai, kare i te mea puapinga kore, i te mea e te oronga katoa maira te tu o te Kerititiano ra i tetai akakiteanga ririnui. E manganui te au tane kare i inangaro ana i mua ana me kore tei patoi katoa ana i te akarongo o ta ratou au vaine kua riro mai ei “aronga i akonoia no te ora mutu kore” i muri ake i te kite anga i te au tu memeitaki a ta ratou au vaine. (Angaanga 13:48) Noatu e kare tetai tane e ariki mai i te tuatua mou Kerititiano, penei te mareka ua ra rai aia i te tu o tana vaine, ma te au tupu anga meitaki no te akaipoipo. Kua akakite mai tetai tane ko tetai Au Kite o Iehova tana vaine e kare e rauka iaia i te akono atu i to ratou au turanga teitei. Noatu rai, kua tapa aia iaia uaorai e e “tane mataora na tetai vaine manea” e kua akapaapaa ngakau tae i tana vaine e tona au taeake Kite i roto i tetai reta ki tetai nutipepa.
14. Akapeea te au tane i te tauturu anga i te au vaine akarongo kore?
14 Te au tane Kerititiano tei akono i te au kaveinga o te au tuatua a Petero kua autu katoa ia ratou ta ratou au vaine na roto i to ratou tu. Kua kitea mai e te au vaine akarongo kore ra i te rave anga ta ratou au tane i te tu o te apainga, te akamutu anga i te kaimoumou moni ki runga i te avaava, te inuanga, e te pereanga e kare e tuatua akaou ana i te tuatua viivii. Ko tetai papaki o taua au tokorua ra kua aravei atu i tetai au mema o te putuputuanga Kerititiano. Kua umere ratou i te taeakeanga Kerititiano aroa, e ta ratou e kite ra i rotopu i te au taeake te akavaitata atura ia ratou kia Iehova.—Ioane 13:34, 35.
“Te Tangata Ngaro Ra”
15, 16. Eaa te tu akara anga ka rauka i tetai vaine Kerititiano i te autu atu i tetai tane akarongo kore ra?
15 Eaa te tu akara anga te ka autu i tetai tane? E tikai, e tu akara anga te reira te tatanu natura uaia ra e te au vaine Kerititiano. Kua karanga a Petero e: “Eiaa ko te manea ki vao ua ra, i te rauru iri ra, e te tatua anga i te auro ra, e te kakau anga i te kakau ra; Ko te tangata ngaro ra ko te ngakau te akamanea, i te manea piro kore ra, ko te ngakau maru e te muteki ua, ko te mea apinga maata ïa ki mua i te aroaro o te Atua. I akapera oki te au vaine tapu i irinaki i te Atua i te akamanea ia ratou uaorai i taito ra, ma te kauraro marie i ta ratou uaorai au tane: Mei ia Sara i akarongo ia Aberahama, i te tuatua anga atu kiaia, E atu: ei tamaine oki kotou nana, kia akono meitaki kotou, e kare i poiterere ua i te mataku.”—1 Petero 3:3-6.
16 Te ako ra a Petero i tetai vaine Kerititiano e auraka e irinaki ki runga i te au akara anga o vao ua. Kareka ra, kia tuku i tana tane kia kite mai i te tupu anga a te au apiianga Pipiria i roto i tona tu tangata i roto roa. E tuku iaia kia kite i te tu tangata ou te taangaangaia ra. Penei te akamanako ra aia i te tuke o te reira ki te tu tangata taito tei rave ana tana vaine. (Ephesia 4:22-24) Papu e ka kite aia iaia ei akaangaroi anga e te manea ma te “ngakau maru e te muteki ua.” Kare anake e mea mareka anga taua ngakau ra ki tetai tane mari ra e “mea apinga maata ïa ki mua i te aroaro o te Atua.”—Kolosa 3:12.
17. Akapeea a Sara i riro mai ei e akaraanga memeitaki no te au vaine Kerititiano?
17 Kua taikuia mai a Sara ei akaraanga, e kua riro mai aia ei akaraanga no te au vaine Genese 18:12) Inara, kare te reira i akaiti mai ana iaia. Te taka meitaki ra e e vaine maroiroi aia i te pae vaerua ma tona uaorai akarongo ngaueue kore kia Iehova. E tikai, e tuanga aia no “taua urupu maata i kite nei” te akakeu ra tona akaraanga no te akarongo ia tatou kia “oro tamou marie ei i teianei oroanga i tukuia mai ki mua ia tatou nei.” (Ebera 11:11; 12:1) Kare te reira ei akameangiti anga i tetai vaine Kerititiano kia aite mei ia Sara rai.
Kerititiano me e au tane akarongo ta ratou me kare ra. Kare ekoko anga e kua akara a Sara ia Aberahama ei upoko nona. I roto katoa i tona ngakau, kua kapiki aia iaia ko tona “atu.” (18. Eaa te au kaveinga te ka tau kia taangaangaia i roto i tetai ngutuare akatakakeia?
18 I roto i tetai ngutuare akatakakeia e te akonoanga, ko te tane rai te upoko. Me e tangata akarongo aia, ka akamanako atu aia i te irinaki anga a tana vaine koi kore ei e akaoko i tona uaorai akarongo. Me ko te vaine te tangata akarongo ra, kare katoa aia e akaoko i tona akarongo. (Angaanga 5:29) Noatu rai, kare aia e patoi atu i te taoonga upoko o tana tane. Ka akangateitei aia i tona turanga e ka vai i raro ake “i te ture i tana tane.”—Roma 7:2.
Te Arataki Anga Pakari a te Pipiria
19. Eaa ra etai au taomi anga te akakino ra i te au tatua akaipoipo, inara akapeea e rauka ai i te patoi atu i taua au taomi anga?
19 I teia tuatau, e manganui te au apinga te akakino ra i te tatua akaipoipo. Kua poka i etai au tane i te rave i ta ratou au apainga. Kua patoi etai au vaine i te ariki i te taoonga upoko o ta ratou au tane. I roto i etai au akaipoipo, te akakinoia ra tetai tokorua e tetai mai. No te au Kerititiano ra, te timata ra te au taitaia i te pae moni, te tu ara o te tangata, e te tu o teianei ao ma to te reira tu akono tau kore e te tu akakino anga no te au puapinga i te au tu tiratiratu. Noatu rai, te au tane e te au vaine Kerititiano tei aru i te au kaveinga Pipiria, noatu e eaa to ratou turanga, kua rauka ia ratou ta Iehova akameitakianga. Noatu e okotai ua tokorua te taangaanga ra i te au kaveinga Pipiria i roto i te akaipoipo, e meitaki atu te turanga me kare raua roa ai e rave ana i te au kaveinga Pipiria. Tei runga ravao, te turu ra e te aroa maira a Iehova i tona au tavini tei vai tiratiratu ki ta ratou au tia akaipoipo noatu te au turanga ngata. Kare e ngaropoina iaia to ratou tu tiratiratu.—Salamo 18:25; Ebera 6:10; 1 Petero 3:12.
20. Eaa ta Petero akoanga no te au Kerititiano katoatoa?
20 I muri ake i te ako anga i te au tane e te au vaine akaipoipo, kua taopenga te apotetoro ko Petero ma te au tuatua maana no te akamaroiroi anga. Kua karanga aia e: “E teianei, ei ngakau tai to kotou ravarai, i te aroa katoa anga, ei aroa taeake ra, ei ngakau maru, ei ngakau taunga. Auraka e tutaki atu te kino i te kino, e te akakino i te akakino: ei mea ke ra, ei akameitaki ta kotou; kua kitea oki e, ko te mea ïa i karangaiaʼi kotou, kia rauka ia kotou te meitaki.” (1 Petero 3:8, 9) E akoanga pakari tikai ia no te katoatoa, no te au tokorua akaipoipo tikai!
Maara Ainei ia Koe?
• Akapeea te au tane Kerititiano i te aru anga ia Iesu?
• Akapeea te au vaine Kerititiano i te aru anga i te putuputuanga?
• I roto i teea mataara ka akangateitei ei te au tane i ta ratou au vaine?
• Eaa ua atu te mataara meitaki no tetai vaine Kerititiano e tangata akarongo kore tana tane ra?
[Au Uianga Apii]
[Tutu i te kapi 16]
Te aroa ra e te akono ra te tane Kerititiano i tana vaine
Te akangateitei ra tetai vaine Kerititiano i tana tane
[Tutu i te kapi 17]
Kare mei te ture Roma rai, te umuumu ra te au apiianga Kerititiano i tetai tane kia akangateitei i tana vaine
[Tutu i te kapi 18]
Te akara ra te au tane e te au vaine o te “aronga maata rava” ki mua ki te ora mutu kore i roto i te Parataito
[Tutu i te kapi 20]
Kua akara a Sara ia Aberahama ei atu nona