Tetai Tupuanga kia Akamaaraia

EAA teia tupuanga? Ko te matenga te reira o tetai tangata tei mate vaitata rai e 2,000 mataiti i topa akenei. “Ko au i oronga i toku ora, ka rave akaou atu ei,” i karanga ai aia. “Kare e riro e na tetai ke e rave; naku uaorai e oronga ua atu.” (Ioane 10:17, 18) Ko Iesu Karaiti taua tangata ra.

Kua ikuiku a Iesu i tana au pipi kia akono i te Akamaaraanga o tona mate akaatinga. Kua kapiki katoaia te atianga e ko te “kai i te oroa aiai a te Atu ra,” me kore “te kaikai a te Atu.” (1 Korinetia 11:20, NW) Te Akamaaraanga ta Iesu i akanoo kia akamaaraia tona matenga ka akonoia e te Au Kite o Iehova e to ratou au taeake a te Paraparau, Mati 24, 2005, i muri ake i te opunga ra.

Ka akamarama mai tetai ako akatumuia ki runga i te Pipiria i te aiteanga o te varaoa opue kore e te uaina muramura tei taangaangaia no te atianga. (Mataio 26:26-28) Ka pau katoa mai te ako i te au uianga mei teia rai: Eaa te putuputu i te taime ka tau te au Kerititiano i te akamaara i teia tupuanga? Koai tikai te ka tau meitaki i te kai i te au oroa no te varaoa e te uaina? Koai te ka puapingaia mei to Iesu matenga? Ka tauturu teia akonoanga i te katoatoa kia marama i te akakoroanga o to Iesu oraanga e te matenga.

Te ariki pumaanaia atu nei koe ki te Akamaaraanga o to Iesu matenga. E ui atu ine ki te Au Kite o Iehova i toou ngai ra no te ngai e te ora tikai ka akaputuputu atu ei.