Au Pamiri Akaketaketaia e te Kite no te Atua
“No Ko ia Iehova ra te Tauturu Iaku”
Au Pamiri Akaketaketaia e te Kite no te Atua
TE “PATU o Berlin.” Ko te reira ta tetai tokorua akaipoipo i Atenetina i kapiki i tetai patu tikai ta raua i akatu ei i te apa anga i to raua are i rotopu! E au manamanata to raua kare i rauka ana i te akatikatikaia; kare roa raua e mareka ana i tetai e tetai.
Ma te tangi, kare te turanga o taua nga tokorua ra i te mea takake roa. Maata te au pamiri te rokoia ra e te pekapeka, te tu tiratiratu kore, e te tu kino tikai. E mea mii tikai teia, mei te mea e e akaaereanga oki te pamiri tei akanooia e te Atua uaorai. (Genese 1:27, 28; 2:23, 24) Teia apinga aroa a te Atua ko tetai akanooanga meitaki tikai no te akaarianga i te inangaro maata. (Ruta 1:9) Na te akatupuanga i ta ratou au apainga orongaia e te Atua, ka rauka te au mema pamiri i te akangateitei ia Iehova e ka riro mai ei akameitakianga ki tetai e tetai. *
I te mea kua akanoo te Atua i te akanoonooanga o te pamiri, ka inangaro tatou kia tuku i tona manako i te akakeu i to tatou maramaanga e akapeea tikai te au pamiri i te angaanga anga. Te oronga maira tana Tuatua i te ako tau tei maaniia i te tauturu i te au pamiri i te autu, me tupu mai tikai te au akaaoanga. E ki te tuanga a te au tane akaipoipo, te karanga ra te Pipiria e: “E aroa katoa te au tane i ta ratou uaorai au vaine e tikaʼi, mei to ratou uaorai kopapa.” Me akatupu ana te tane akaipoipo i teia umuumuanga, e mea rekarekaia ki tana vaine ‘kia akangateitei i tana tane.’—Ephesia 5:25-29, 33.
No runga i te pirianga i rotopu i te nga metua e ta raua tamariki, kua tata te apotetoro ko Paulo e: “Ko kotou oki te aronga metua, auraka e akariri atu i ta kotou au tamariki ra: e apii ra ia ratou kia pakari ma te ako a te Atu ra.” (Ephesia 6:4) Teia, i reira, ka akatupu i tetai tu pumaana i te pamiri, e ka ngoie ua i reira no te tamariki i te akarongo ki to ratou au metua.—Ephesia 6:1.
Te au manako i te akamataanga te akatutu maira i te ako tau a te Pipiria no runga i te oraanga pamiri. Na te akono anga i te au kaveinga a te Atua, e manganui te rekareka ra i te tu mataora i roto i te ngutuare. E tuku, ei akaraanga, te tokorua i Atenetina tei taikuia i te akamataanga. I muri ake ia raua i te apiianga ki te Au Kite o Iehova e toru marama, kua akamata raua roa ai i te akono i to te reira ako pakari no runga i te akaipoipo. Kua angaanga pakari raua kia meitaki mai te komunikeitianga, kia akaari i te tu tangi ki te au inangaro a tetai e tetai, e kia akakore i te ara. (Maseli 15:22; 1 Petero 3:7; 4:8) Kua kite mai raua i te akatere i to raua riri e kia taanga ki te Atua no te tauturu me i te akaraanga kare e meitaki roa ana te au mea i te akatere meitakiia. (Kolosa 3:19) Kare i roa ana, kua aere mai te “Patu o Berlin” ki raro!
Ka Rauka i te Atua i te Akaketaketa i te Pamiri
Ka rauka te kite e te akonoanga o ta te Atua au turanga i te akaketaketa i tetai pamiri i te autu i te au taomianga. E mea puapinga tikai teia, no te mea kua totouia e ka kite mai te akanoonooanga pamiri i tetai tamakianga kino pakari i to tatou tuatau. Kua totou a Paulo i te pueu anga i teianei o te tu akono tau e te taiate tangata. Kua karanga oki aia e ka akatutuia “taua tuatau openga ra” e te tiratiratu kore, te “aroa kore,” e te akarongo kore ki te metua, i roto katoa i te aronga “tutu akono i te Atua.”—2 Timoteo 3:1-5.
Ka tauturu te tautaanga i te akamareka i te Atua i te tamaki atu i te au tupu anga kino tikai ki runga i te pamiri. Kua kite mai te au pamiri e manganui Salamo 127:1) Te puapinga maata rava atu i te akamaroiroianga i te mataora i roto i te ngutuare te aere maira mei te tukuanga na mua i te Atua i roto i te oraanga pamiri.—Ephesia 3:14, 15.
e te umuumuia ra tetai ravenga pae vaerua i te tauturu ia ratou i te akono i te au akaaoanga e manganui ta ratou e aro atura. Me te inangaro ra te au mema pamiri i te tamou marie i tetai pirianga meitaki ki te Atua, tei runga ravao ka inangaroia ratou i te taangaanga i te au kaveinga Pipiria e i te kite mai e “kia kore a Iehova e patu i te are ra, e angaanga puapinga kore ta te aronga i patu ra.” (I Vaii kua kite mai tetai tangata ko Dennis tona ingoa i te tika tikai o te reira. Noatu e kua karangaia aia e e Kerititiano, kua riro te tuatua viivii e te au ta anga ei tu ia no te oraanga nona. I muri ake i te tavini anga i roto i te vaeau, kua riri roa atu mai aia e te makitakita. “E o ua ana au i roto i te ta,” i maara ai aia. “Kare roa au i manako atu ana eaa te ka tupu kiaku, e kare oki au e mataku ana i te mate. Te aere ua ra te tuatua viivii e te ta. Taku vaine, koia tetai o te Au Kite o Iehova, kua akamaroiroi mai iaku kia apii i te Pipiria.”
Kua patoi atu a Dennis i te au tautaanga a tana vaine. Inara, kua taparuparu tona tu Kerititiano i tona tu mareka kore. I te openga ra kua aere atu a Dennis ki tetai uipaanga Kerititiano ma tana vaine e te tamariki. I muri akera, kua akamataia tetai apii Pipiria kia Dennis, e kua akono aia kia tere meitaki ki mua. Kua akamutu mai aia i tetai peu no te kai avaava e 28 mataiti te roa e kua akamutu i te piri atu anga ki te au taeake tei piri atu ki roto i taua au apinga katoatoa ra tana e tauta ra i te akakore. Ma te akameitakianga kia Iehova, kua tuatua mai a Dennis e: “Kua meitaki mai roa atu toku oraanga pamiri. Kua aere atu matou ei pamiri ki te au uipaanga e i roto i te angaanga orometua. Kare taku nga tamariki e rua i mataku akaou ana iaku, no te mea kua kite mai au i te akatere i toku riri e kua akamutu mai i te taangaanga i te tuatua viivii. Kua rauka ia matou i te pukapuka e i te rekareka i te au uriurianga Pipiria. Naringa kare te tuatua mou Pipiria, kare au i konei i teia ra; e viviki ua ana au i te riririri.”
Ka rauka i te au pamiri i te mataora me angaanga pakari ratou i te rave i to Iehova anoano. Kua akaari mai te tupuanga e noatu me e tai ua rai mema o te pamiri te akono ra i te au kaveinga Pipiria, e meitaki ake te au mea e me kare takiri tetai e rave ra. Te akaketaketa anga i tetai ngutuare tangata Kerititiano e angaanga pakari ia, te umuumuia ra te kite karape e te taime. Inara tei te au mema o taua tu pamiri ra i te akapapuanga e ka akakorona a Iehova i ta ratou tautaanga no te akaketaketa anga ma te manuia. Ka rauka ia ratou i te tuatua katoa i te au tuatua a te tata taramo: “No ko ia Iehova ra te tauturu iaku.”—Salamo 121:2.
[Tataanga Rikiriki i Raro]
^ para. 4 Akara i te 2005 Calendar of Jehovah’s Witnesses, Me/Tiunu.
[Tataanga i te kapi 9]
Ki te Atua “oki te ingoa i tapaia i te kopu-tangata ravarai, to runga i te rangi, e to te ao katoa nei.”—EPHESIA 3:15
[Pia i te kapi 8]
TE AKAPEREPERE MAATA RA A IEHOVA I TE AKANOONOOANGA NO TE PAMIRI
“Kua akameitaki atura te Atua ia raua, e kua tuatua maira te Atua kia raua, Kia anau korua, e kia maata roa, e e akaki i te enua nei.”—Genese 1:28.
“E ao to te aronga katoa i mataku ia Iehova . . . Ka riro taau vaine i toou ra pae are, mei te vine uua ra.”—Salamo 128:1, 3.