Tetai Tereanga Roa tei Akameitakiia

KUA tae mai tetai ripoti mei te Temokaratiki Repapuriki o Kongoko no tetai nga tuaine tikai e rua tei manako mai i te akono i tetai tereanga roa na roto i te ngai e tamaki ra kia tae atu ki te Uruoaanga Tapere “E Akakaka i te Atua” i Lisala. I te pae mai i te ikuikuanga pae vaerua e te taokotaianga Kerititiano ta raua ka rekareka mai i ko i te uruoaanga, kua akara katoa atu raua ki te aravei anga i te au komono mei te opati manga o te Au Kite o Iehova i Kinshasa. No te tamaki a te au iti tangata o te enua, kua roa te au mataiti kare raua i kite ana i tetai tangata mei te manga mai, e kua inangaro raua i te akono i teia atianga kia rave i te reira.

Te aere atu anga na runga i tetai poti, me kore tetai vaka,kua aere atu teia nga tuaine mei to raua enua anau ko Basankusu ki Lisala, e terepu mei tetai 300 kiro mita na roto i te vao rakau e na roto i nga kauvai e rua. Kua pou ia raua e toru epetoma i te aere anga i teia terepu. I te mea e tei roto raua roa ai i te angaanga orometua tamou, i te tavini anga e 3 e e 19 mataiti tataki tai, kua taangaanga meitaki raua i to raua terepu kia akatotoa atu i te tuatua meitaki o te Patireia. Kua akapou raua e 110 ora i te tutu anga ki te aronga ta raua i aravei atu na runga i te ara, i te akaruke anga e 200 aenga pepa e e 30 makatini.

I te aereanga na roto i te kauvai, kua teretere atura raua pati i te au hippo e te au araketa tei matauia i taua ngai ra. Kare i rauka ana ia raua i te teretere na roto i te kauvai i te po​—kare e teretereanga i muri ake i te po! Kua pati katoa raua na roto i te au ngai tapu anga e manganui a te vaeau.

Noatu e e terepu roa teia e te roiroi tikai, kua mataora nga tuaine no te tautaanga. Kua ki raua roa ai i te akameitakianga e te rekareka i te tae atu anga no te uruoaanga i Lisala. Kua ki to raua ngakau i te maoraora no te tuatua mou, e kua akamaroiroiia raua i te taokotai anga atu ki te 7,000 taeake e te au tuaine tei tae katoa atu ki reira. I muri ake i te uruoaanga, kua aro atura raua i taua au akaaoanga rai i to raua oki atu anga ki te kainga, e te kite anga i to raua pamiri te meitaki ua ra e te tau katoa.