Tetai Patianga . . .

Te Akatere Nei Rai Ainei te Atua?

TE AU tumatetenga natura, te au maki mate, te pikikaa i roto i te au ngai angaanga teitei, te au ta anga tamatakuanga, au tamaki, te rave kino. Kare roa e ra e pati ana ma te kore e nuti no runga i teia au tutu apinga e aere maira kia tatou. Me kua tupu ana teia au apinga kia koe tikai me kare, kare e aka angaanga i te ui e te aere nei teia ao kiea e me ka meitaki rai te au apinga.

I te uriuri i taua au manamanata ra, te oronga nei te Au Kite o Iehova tere atu i te 200 enua takapini i te ao nei, i tetai tuatua tau tikai ki te katoatoa tei tapaia “Te Akatere Nei Rai Ainei te Atua?” Ka akamanako te reira eaa ta te Atua e tuatua ra e e taputou ra i roto i tana Tuatua apa kore, te Pipiria, no runga i teia au uianga puapinga maata tikai:

Te manako maira ainei te Atua i te au mea o te enua nei?

Eaa ra tona manako no runga i te tangata nei?

Te manako maira ainei aia i toou oraanga?

I te maataanga i te au ngai, ka orongaia te ako i te Tapati, Aperira 30, 2006, i te Are Uipaanga Patireia o te Au Kite o Iehova. Ka rekareka te Au Kite i toou ngai i te oronga kia koe i te ora e te atereti.

Te pati pumaanaia atu nei koe kia aere mai ki teia ako tumuia ki runga i te Pipiria kare e tutaki te ka oronga mai i tetai pauanga merengo ua ki te uianga: Te Akatere Nei Rai Ainei te Atua?