“Kua Kite Ainei Koe i te Ingoa o te Atua?”

KUA riro taua uianga ra ei akakeu i te inangaro o tetai vaine i te tuanga tonga opunga o Asia Rotopu. Tei runga taua uianga ra i te tapoki o te Awake!, te tokorua o ta tatou makatini, i te itiu o Tianuare 22, 2004. Kua tata mai taua vaine ra ki te aronga nenei e: “Kua reka tikai au i ta kotou tianara mei te akamataanga mai, e kua tauturu te reira iaku kia akamou ki runga i te au tu puapinga memeitaki. Te papu meitaki aere ua maira toku au manakonakoanga no te oraanga. Te akakite aere nei au ki te au tangata ravarai no runga i to tatou Atua e te tu au ta teia kite e apai maira.”

E tika rava e, i te au ngai e manganui “e tae ua atu ki te openga o te enua nei,” te matau maira te tangata ki te ingoa o te Atua ko Iehova. (Angaanga 1:8) Ei akaraanga, ko teia ingoa Yehowa i roto i te reo Turkmen, ka kitea uaia i roto i te urianga a te Turkmen no te au Tuatua Tapu. Te tatau ra te Salamo 8:1 e: “E Yehowa to matou Atu, e mea ngateitei roa toou ingoa i te pa enua ravarai!”

Kia akamaata atu i te kite no runga i te Atua ko Iehova, kua pati mai taua vaine ra i tetai kopi o te poroutia e 32 kapi ko The Divine Name That Will Endure Forever. Ka rauka katoa ia koe i te pati i teia poroutia mei tetai o te Au Kite o Iehova.