‘Maata Ainei Taau Apinga i te Atua Ra’?
‘Maata Ainei Taau Apinga i te Atua Ra’?
“Ko te tu ïa o te tangata i akaputuputu i te apinga nona uaorai, kare i maata tona apinga i te Atua ra.”—LUKA 12:21.
1, 2. (a) Eaa ra te mea ta te au tangata e inangaro ana i te akaatinga maata? (e) Eaa te akaaoanga e te kino ta te au Kerititiano ka aro atu?
KARE e ko te tamariki ua te reka ra i te rave i te kimikimi anga i te apinganui; e tupu putuputu katoa ana te reira i roto i te oraanga tikai i te au tuatau e manganui e i te au enua katoa. Ei akaraanga, te rapurapu anga ki te ngai o te koro i te 19 anere mataiti i Autireria, Aperika Tonga, Kanata e Marike kua apainaia mai te au tangata mei te ngai mamao tei inangaro i te akaruke i to ratou enua e te aronga akaperepere kia kimi i te apinganui, i tetai au taime i te au enua tuke rai e te kino. Ae, e manganui te au tangata te inangaro ra i te tuku i to ratou oraanga ki roto i te kino e te rave anga i te au akaatinga maata kia rauka mai te au apinganui ta to ratou au ngakau e anoano ra.
2 Noatu e e maata te au tangata i teia tuatau kare e o ana ki roto i te kimi anga tikai i te apinganui, te angaanga pakari ra ratou kia rauka te au mea no te oraanga. E akaaoanga, e e maroanga, e te akateiaa anga i te rave anga i te reira i roto i teia akatereanga o te au mea nei. E ngoie ua i te manako apiapi anga i te kai, te kakau, e te ngai noo anga i kopae takiriia ai me kore i akangaropoinaia ai te au mea puapinga maata rava atu. (Roma 14:17) Kua oronga a Iesu i tetai akatutuanga, me kore i te parapore, te akataka tikai maira i teia tu paruparu o te tangata. Kua kiteaia te reira i roto ia Luka 12:16-21.
3. E akakite poto ua mai i ta Iesu akatutuanga tei tataia i roto ia Luka 12:16-21.
3 Kua orongaia mai ta Iesu akatutuanga i taua atianga rai e tuatua ra aia i te anoano kia matakite i te morimori apinga, ta tatou i akara matatio ana i roto i etai tumu i roto i te atikara i mua akenei. I muri ake i te akamatakite anga no runga i te morimori apinga, kua tuatua a Iesu no runga i tetai tangata apinganui kare i mareka ua i te au are kai tei ki i te au mea meitaki tei rauka takere iaia, inara kua inangaro aia i te vavai i te reira e te akatu akaou i tetai au are mamaata kia akaputuputu Luka 12:21) Eaa te apiianga ta tatou ka kite mai i roto i teia parapore? Akapeea tatou i te taangaanga anga i te apiianga i roto i to tatou uaorai oraanga?
mai i te au apinga meitaki rava. Iaia e manako ra e kua papa ua aia i te akangaroi e te rekareka marie anga i tetai oraanga meitaki, kua akakite maira te Atua kiaia e te ope nei tona oraanga e ko te au apinga meitaki ta te tangata i akaputu ana ka peke atu ia i tetai tangata ke. No reira kua kapiti mai a Iesu i te tuatua taopenga anga e: “Ko te tu ïa o te tangata i akaputuputu i te apinga nona uaorai, kare i maata tona apinga i te Atua ra.” (E Tangata ma Tetai Manamanata
4. E tu tangata aa ta tatou ka karanga no runga i te tangata tei akatutuia mai i roto i ta Iesu parapore?
4 E akatutuanga matauia te akatutuanga ta Iesu i oronga mai. Kua kite ua tatou e kua akakite mai a Iesu i te tua na te tuatua anga e: “E kainga ua maata to tetai tangata apinga nui.” Kare a Iesu i karanga ana e kua rauka mai i te tangata ra tana au apinganui na roto i tetai au ravenga pikikaa me kore kare i tau ana ki te ture. Tera te tu, kare aia e akatutuia maira ei tangata kino. Ko te tika, i ta Iesu i tuatua mai, e mea puapinga i te manako e kua angaanga pakari ana te tangata tei akatutuia mai i roto i te parapore. Penei kua maramaia e e tangata aia tei parani e tei akaputu no te tuatau ki mua, penei ake ma te akamanako anga i te turanga o tona pamiri. No reira, mei tetai akara anga a teianei ao, penei te akatutuia maira aia ei tangata angaanga pakari tei akono pakari tikai i tana au apainga.
5. Eaa te manamanata ta te tangata i aro atu i roto i ta Iesu parapore?
5 Noatu rai e eaa te tu, kua kapiki a Iesu i te tangata i roto i te parapore e tangata apinganui, te aiteanga ko tetai tangata kua rauka takere mai iaia te maata anga o te au apinganui. Inara, mei ta Iesu e akamarama maira, e manamanata to te tangata apinganui. E maata atu ta tona enua i akatupu mai kare aia i tapapa atu ana, e e maata atu i tana i anoano me kore i te akono atu. Eaa ra tana ka rave?
6. Eaa ra te au ikianga ta te au tavini o te Atua e manganui e aro atura i teia tuatau?
6 E manganui te au tavini o Iehova i teia tuatau te aro atu nei i te au turanga mei to te tangata apinganui rai. Te tauta ra te au Kerititiano mou i te tu tika, te kite, e ei aronga angaanga pakari. (Kolosa 3:22, 23) Me te angaanga ra ratou me kore na ratou uaorai ta ratou pitiniti, kua puapinga meitakiia ratou, e te meitaki anga katoa i ta ratou e rave ra. Me orongaia mai tetai au angaanga puapinga maata me kore kia rave i tetai au pitiniti ou, ka rave ratou i tetai ikianga. Ka ariki ainei me kore ka akamaata atu ainei ratou? Pera katoa, e meitaki te au mapu Kite e manganui i te apii. Tei tupu mai, penei ka orongaia mai kia ratou te re me kore te au pepa apii no te akamaata atu i te apii i ko i te au akaaerenga no te apii teitei. Ka aru ua ainei ratou e ka ariki i tei orongaia mai?
7. Akapeea te tangata i roto i ta Iesu parapore i te akatikatika anga i tona manamanata?
7 I te oki akaou mai anga ki ta Iesu akatutuanga, eaa ta te tangata apinganui i rave i te ua maata mai anga tona enua ra, e kare e ngai ke atu i te akaputu i tana mou? Kua iki aia i te vavai i te au are kai i akatu ei aia e te akatu atu i te au are mamaata ei akaputu i te au kai ravarai tei maata atu e te au apinga. I te akaraanga kua oronga mai taua parani ra i tetai manako tinamou e te marekaanga kiaia i manako ei aia kiaia uaorai e: “Ka karanga atu ei ki toku vaerua, E taku vaerua e, e apinga maata toou, kua uipa ïa ki te vairanga no te au mataiti e manganui; e akaangaroi marie, e kaikai, e inu, e kia rekareka marie.”—Luka 12:19.
Eaa ra i “Neneva” Ai?
8. Eaa te turanga puapinga maata ta te tangata i roto i ta Iesu parapore i akangaropoina?
8 Inara, mei ta Iesu e oronga maira, kua oronga mai te parani a te tangata apinganui ra i tetai manako pikikaa no te tinamou. Penei e mea tau i te akaraanga, inara okotai tumu puapinga maata tei ngaropoina—to te Atua anoano. Te manako ua ra te tangata iaia uaorai, e akapeea aia i te akaangaroi marie e te kaikai anga, te inu, e te rekareka marie. Kua manako aia e no te rauka anga mai te au “apinga maata,” ka rauka katoa iaia “te au mataiti e manganui.” Inara kare aia i manuia ana, kare te reira au mea i tupu ana. Mei ta Iesu i tuatua ana i mua atu ana, e “e maata ua oki to te tangata nei apinga, kare oki tei taua apinga nona ra tona ora.” (Luka 12:15) I taua po rai, pouroa te au apinga ta te tangata i angaanga ana kua ope viviki ia, no te mea kua tuatua te Atua kiaia e: “E tera ra neneva e! ei teianei rai po e tiki naia mai ei toou vaerua: noai iora tenana au apinga taau i akaputu na?”—Luka 12:20.
9. Eaa ra te tangata i roto i te parapore i kapikiia ai e e neneva?
9 Kua tae mai tatou ki te tumu puapinga maata o ta Iesu akatutuanga. Kua kapiki te Atua i te tangata ra e e neneva. Te akamarama maira te Exegetical Dictionary of the New Testament i taua au tu o te tuatua Ereni i taangaangaia e te “akataka ua maira no te marama kore anga.” Te akakite maira te reira e i roto i teia parapore, te akatutuia maira te Atua i te taangaanga anga i te tuatua i te akaari mai “i te puapinga kore o te au parani no te tuatau ki mua a te aronga apinganui.” Te taiku ra te tuatua, kare ki tetai tangata tei ngere te kite, inara ki “tetai tangata tei patoi i te akaari i te irinaki anga ki runga i te Atua.” Ta Iesu akataka anga no te tangata apinganui ra te akakite maira e eaa tana i tuatua i muri mai ki te au Kerititiano i roto i te putuputuanga Laodikea i te anere mataiti mua, i Asia Minora e: “Te karanga na koe, E apinga maata taku, e kua akamaata au i taku taonga, e kare ua e mea toe iaku, e kare koe i kite e, e mate maata toou, e mei te mea e aroaia ra, e te puapinga kore, e te matapo, e te putaua.”—Apokalupo 3:17.
10. Eaa ra te tu anga no te au “apinga maata” kare e akapapu maira e ka rauka “te au mataiti e manganui”?
10 E meitaki kia akamanako tatou i te apiianga. Aiteite ainei tatou ki te tangata i roto i te parapore—i te angaanga pakari anga tikai kia papu e kua rauka mai ia tatou te au “apinga maata” inara kare i rave ana i te mea te anoanoia ra kia rauka te manakonako anga no “te au mataiti e manganui”? (Ioane 3:16; 17:3) Te karanga ra te Pipiria e: “Kare e puapinga to te apinga i te rā e riri ei ra: kareka te tuatua-tika ra, e akaora ïa no te mate maira,” e “ko tei irinaki ki tana apinga, ka inga ïa.” (Maseli 11:4, 28) No reira, kua kapiti mai a Iesu i teia akoanga openga ki te parapore e: “Ko te tu ïa o te tangata i akaputuputu i te apinga nona uaorai, kare i maata tona apinga i te Atua ra.”—Luka 12:21.
11. Eaa ra i puapinga kore ei i te tuku i to tetai manakonakoanga e te tinamou ki runga i te au apinga materia?
11 I te karanga anga a Iesu e “ko te tu ïa,” te tou maira aia e ko tei tupu ki te tangata apinganui ra i roto i te akatutuanga ka tupu katoa ki te aronga tei tuku i to ratou oraanga —to ratou manakonakoanga e to ratou tinamou—ki runga anake ua i te au apinga materia. Ko te apa ra kare oki e ko te maata tikai te ‘akaputuputu i te apinga nana uaorai’ inara no te kore anga e “maata tona apinga i te Atua ra.” Kua akakite mai te pipi ko Iakobo i tetai akamatakiteanga aiteite i te tataanga aia e: “E teianei, ko kotou ko tei karanga e, E aere tatou akonei e apopo ki roto i te oire ra ko mea, ka oko ei e kia okotai ake mataiti i te oko anga, e kia rauka mai te apinga: Kotou oki ko tei kore i kite i te ka tupu apopo.” Eaa ta ratou ka rave? “E na ko Iakobo 4:13-15) Noatu e e tangata apinganui tetai tangata ra me kore e maata tana apinga, pouroa te reira ka riro mai ei mea puapinga koreia inara kia maata atu ra tana apinga i te Atua ra ka puapingaia aia. Eaa i reira, te aiteanga e kia maata te apinga i te Atua ra?
ra kotou e tikaʼi, Kia tika i te Atu ra, e kia roa to tatou aʼo, e rave ïa tatou i teia, e i tera.” (Kia Maata te Apinga i te Atua
12. Te rave anga i teaa e akariro ra ia tatou kia maata te apinga i te Atua ra?
12 I roto i ta Iesu tuatua, te maata i te apinga i te Atua ra kua akatukeia mai ki te akaputuputu anga i te apinga naau uaorai, me kore i te akapuapinga anga i tetai uaorai i te pae materia. No reira, te tuatua ra a Iesu e to tatou manako maata i roto i te oraanga ra kare i runga i te akaputuputu anga i te au apinganui i te pae kopapa me kore i te rekareka marie anga i te apinga i rauka ia tatou. Kareka ra, e taangaanga tatou i ta tatou au apinga na roto i tetai tu ei akameitaki anga, me kore ei akaketaketa anga i to tatou pirianga kia Iehova. Na te rave anga te reira i maata ai ta tatou apinga i te Atua ra. No teaa ra? No te mea te akatuera maira te reira i te ngutupa ki te au akameitakianga e manganui mei ko mai iaia. Te akakite maira te Pipiria kia tatou e: “Na Iehova te meitaki i apingaʼi te apinga, kare oki e kapiti katoaia mai te kino i te reira.”—Maseli 10:22.
13. Akapeea ta Iehova akameitakianga “i apingaʼi”?
13 I te oronga anga a Iehova i te au akameitakianga ki tona iti tangata, e oronga ua ana aia i te mea meitaki tikai kia ratou. (Iakobo 1:17) Ei akaraanga, te oronga anga a Iehova i tetai ngai ki te ngati Iseraela, e “enua e taʼe a vai ua te u e te meli.” Noatu rai e kua akataka katoaia mai te enua o Aiphiti na roto i taua tu ra, e tuke tikai te enua ta Iehova i oronga atu ki te ngati Iseraela i roto i tetai tumu puapinga maata okotai. E “enua i akonoia mai e to Atua ra e Iehova,” ta Mose i akakite ki te ngati Iseraela. Tera te tu, ka puapingaia ratou no te mea na Iehova e akono ia ratou. Me ka vai akarongo mou ua te ngati Iseraela kia Iehova, ka akameitaki maataia ratou e ia e ka rekareka ratou i tetai tu oraanga tei kitea meitakiia te turanga tei teitei rava atu i to te au pa enua katoa i te pae maira. Ae, e akameitakianga ia na Iehova e “i apingaʼi te apinga”!—Numero 16:13; Deuteronomi 4:5-8; 11:8-15.
14. Eaa ta te aronga apinganui tei maata te apinga i te Atua e rekareka ra?
14 Te tuatua “i maata tona apinga i te Atua ra” kua uri katoaia e e “maata te apinga i mua i te aroaro o te Atua” (Today’s English Version) me kore e “maata te apinga i roto i te nga mata o te Atua.” (The New Testament in Modern English, na J. B. Phillips) Te aronga apinganui i te pae kopapa te manako ua ra e akapeea ra ratou i te akaraia mai anga e tetai ke. Te akaari putuputu maira teia i to ratou tu i roto i te oraanga. Te inangaro ra ratou i te akamareka i te tangata i ta te Pipiria e kapiki ra “e te akatietie o te ora anga nei.” (1 Ioane 2:16) Ei tukeanga, te aronga tei maata te apinga i te Atua te rekareka ra i to te Atua mareka anga, me kore akameitakianga, e te maata ra te takinga meitaki e te rauka anga tetai pirianga pumaana uaorai kiaia. Te o anga ki roto i taua tu akaperepereanga, papu e te oronga maira teia kia ratou tetai manako mataora e te tinamou, e maata atu i ta tetai au apinganui i te pae kopapa e oronga maira. (Isaia 40:11) Te vai nei i reira te uianga e, Eaa ta tatou ka rave e maata ai te apinga i roto i te nga mata o te Atua?
Maata te Apinga i Roto i te Nga Mata o te Atua
15. Eaa ta tatou ka rave kia rauka te maata i te apinga i te Atua ra?
15 I roto i ta Iesu akatutuanga, kua parani e kua angaanga pakari te tangata ei akapuapinga ua Mataio 28:19) I te taangaanga anga i to tatou taime, te maroiroi, e te au tareni, kare i te akamaata atu ia tatou uaorai, inara i te tutu aere anga i te Patireia e te akariro anga i te tangata ei pipi, te akaaiteia ra ki tetai iniveti anga. Ko te aronga tei rave ana i te reira kua kokoti maata i te au tupu anga meitaki i te pae vaerua, mei tei akaariia mai e te au tupuanga e aru mai nei.—Maseli 19:17.
iaia uaorai, e kua kapikiia aia e e neneva. No reira, kia maata te apinga i te Atua ra, e tauta tatou i te angaanga pakari e kia o meitaki atu tikai tatou ki roto i te au angaanga puapinga tikai e te tau i roto i te nga mata o te Atua. I roto i teia au mea, koia oki ko ta Iesu akauenga e: “E teianei, ka aere kotou, e akariro i to te pa enua katoa ei pipi.” (16, 17. Eaa te au tupuanga taau ka rauka i te akakite mai e te akaari maira i te tu o te oraanga te akariro ra i tetai kia maata te apinga i roto i te nga mata o te Atua?
16 E akamanako ana i te turanga o tetai tangata Kerititiano i tetai enua i Asia. E angaanga meitaki tana ei tangata kite karape i te angaanga komupiuta. Inara, kua akapou tikaiia tona taime ki tana au angaanga e te akariro anga iaia kia manako ngere i te pae vaerua. I te openga ra, kare aia i tauta kia tere aia ki mua i roto i tana angaanga, kua akamutu mai aia e kua akamata i te maani aiti kirimi ei pitiniti e te oko anga i te reira ki runga i te mataara kia maata mai tona taime no te akono anga i tona au anoano i te pae vaerua e te au apainga. E tatiaeae ana tona au oa angaanga o mua ana iaia, inara eaa tei tupu mai? “Tika rai, e meitaki atu au i te pae moni i toku angaanga anga ki te au komupiuta,” i nana ei. “Mataora tikai au no te mea kare oku taitaia e te manamanata mei tei tupu ana kiaku i taku angaanga mua. E te mea puapinga maata rava, e pirianga vaitata toku kia Iehova.” Na teia taui anga i tauturu ei i teia Kerititiano kia tomo atu ki roto i te angaanga orometua tamou, e te tavini nei aia i ko i te opati manga o te Au Kite o Iehova i tona enua. E “apinga” maata tikai ta Iehova akameitakianga.
17 Ko tetai akaraanga koia oki ko tetai vaine tei utuutuia i roto i tetai pamiri e akaperepere maataia ana te apii. Kua aere atu aia ki te au apii teitei i Meiko, i Tuiterani, e i Varani e te manakonako atura i tetai angaanga papu meitaki. “Kua puapingaia au; kua akangateitei e kua orongaia mai te au atianga takake kiaku,” i nana ei, “inara i roto i toku ngakau, te vai ra te tu manako ngere ua e te tu akamareka anga kore tikai.” I reira kua apii aia no runga ia Iehova. Kua karanga aia e: “I toku tere anga ki mua i te pae vaerua, toku inangaro ra kia akamareka ia Iehova e kia tutaki marie atu i tana i oronga mai ana naku e kua tauturu iaku kia kite meitaki i te mataara—i te tavini tamou anga iaia.” Kua akaruke aia i tana angaanga e kare i roa ana kua papetitoia. E 20 mataiti i topa, kua tavini mataora aia i roto i te angaanga orometua tamou. “E manako ana etai pae e kua kaimoumou au i toku au kite tareni,” i akakite ei aia, “inara kua kite mai ratou e te mataora nei au, e e reka ana ratou i te au kaveinga taku e akono ra i roto i toku oraanga. I te au ra ravarai e pure ana au kia Iehova kia tauturu mai iaku kia akaaka ua au e kia rauka mai tona mareka anga.”
18. Mei ia Paulo rai, akapeea e maata ai ta tatou apinga i te Atua ra?
18 E angaanga meitaki ta Saula, tei riro mai ko te apotetoro ko Paulo i mua iaia. Inara, kua tata aia i muri mai e: “E mea puapinga kore te au mea ravarai nei iaku i te meitaki maata ra i to kite i taku Atu ra ia Iesu Mesia.” (Philipi 3:7, 8) Kia Paulo, te au apinga maata tei rauka mai iaia na roto ia Karaiti e meitaki atu i tetai apinga ta teianei ao ka oronga mai. Pera katoa, na te akaruke anga i tetai anoano noinoi e te aruaru anga i tetai oraanga akamori anga i te Atua, ka rekareka katoa tatou i tetai oraanga e maata te apinga i roto i te nga mata o te Atua. Te akapapu maira te Tuatua a te Atua kia tatou e: “Te tutaki o te taakaaka e te mataku ia Iehova, ko te apinga nui ïa, ko te ngateitei ïa, ko te ora ïa.”—Maseli 22:4.
Ka Rauka Ainei ia Koe te Akataka?
• Eaa te manamanata o te tangata i roto i ta Iesu akatutuanga?
• Eaa ra te tangata i roto i te parapore i kapikiia ai e e neneva?
• Eaa te aiteanga e kia maata te apinga i te Atua ra?
• Akapeea ra tatou e maata ai te apinga i te Atua?
[Au Uianga Apii]
[Tutu i te kapi 26]
Eaa ra te tangata apinganui i kapikiia ai e e neneva?
[Tutu i te kapi 27]
Akapeea te au atianga tere ki mua e riro mai ei ei timataanga tikai?
[Tutu i te kapi 28, 29]
“Na Iehova te meitaki i apingaʼi te apinga”