To te Atua Ingoa i Roto i te Akatangianga Imene Rutia

I TE mataiti 1877, kua nenei tetai tangata Rutia atu imene kite matauia ko Modest Mussorgsky, i tetai akatangianga imene tei akatumuia ki runga i tetai tua tei tupu i roto i te au enua Pipiria. “Kua tata au i tetai akatutuanga Pipiria ko Jesus Navinus [Joshua],” i tata ei aia ki tona oa, “kia tau katoatoa ki ta te Pipiria e kia aru katoa i te mataara o te au matianga autu a Navinus na roto ia Kanaana.” I roto i tetai atu tataanga, te o maira “Te Akapouanga o Senakeriba,” kua taangaanga katoa a Mussorgsky i te au tumu manako e te au tangata o roto i te Pipiria.

Tei puapinga roa atu, i roto ia“Jesus Navinus,” pera katoa tana tataanga o te mataiti 1874 i “Te Akapouanga o Senakeriba,” kua taiku a Mussorgsky i te Atua na te taangaanga anga i te tuatua Rutia no te ingoa tu-Atua, tei komonoia i roto i te Tuatua Tapu Epera e te au reta akateiaa e a ko te​—יהוה (YHWH)​—e te ka kiteaia vaitata rai e 7,000 taime.

No reira, te akakite ua maira teia au tataanga a Mussorgsky e ko te ingoa Pipiria o te Atua​—ko Iehova—​kua kitea takereia ana i roto i te taiate Rutia i mua rava atu i te akamataanga o te 20 anga o te anere mataiti. Ka tau rai teia, no te mea na Iehova tikai i akakite kia Mose e: “Ko toku ïa ingoa e tuatau ua atu, e ko toku ïa akakite ki tera uki ki tera uki.”​—Exodo 3:15.

[Tutu i te kapi 32]

Ko te St. Petersburg Conservatory i te mataiti 1913, te ngai e vai ra te au tataanga akatangi imene a Mussorgsky

[Au Akameitakianga no te Tutu i te kapi 32]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg