“Taau Apinga Aroa Puapinga Rava”

AKAPERA tetai parai minita o Peretiumu i mua ana i te akatakaanga i te puka ko Te Tangata Maata Rava Atu Tei Ora Ana. * Kua aravei oaoa atu tetai tangata tupu iaia, e kua ariki atu aia i taua puka ra. I muri mai, kua tata aia i tetai reta akameitakianga e: “Kua riro taau araveianga oaoa ei akapumaana tikai iaku, e kua maata atu toku mataoraanga i taau apinga aroa puapinga rava: te puka tei akamouia ki ‘Te Tangata Maata Rava Atu.’”

Kua akara matatio ana te parai minita o mua ana i te puka e kua taopenga e: “Naringa te tangata e maata atu ana i te ariki i te karere o te Evangeria e te taangaanga ra i te au kaveinga a Iesu Karaiti, ka akaraanga tuke takiri rava te ao o teia tuatau. I reira kare tatou e anoano i tetai Konitara Paruruanga; me kore kare e au tamakianga tamatakuanga, e ka akakoreia te kino mei te ao nei.” Noatu oki e kua akakite aia i teia ei manako nona uaorai, kua akaari mai aia i te tu akangateitei no te meitaki a tona tangata tupu i rave.

Kua akakite ua atu te reta e: “Te piri ra koe ki tetai pupu tangata anoano meitaki, kare ratou e manako ua ana no te tuatau ki mua e kare katoa ratou e manako ua ana e ka tupu te kino, inara e au tangata ratou te irinaki ra i te akameitakianga atu i te turanga o te tangata e te au apinga.

Te irinaki ra te Au Kite o Iehova e na te raveanga a te Atua, kare e na te tautaanga a te tangata, e apai mai i tetai ao meitaki atu i te openga. Te tauta ra ratou i te aru i te tangata maata rava atu, ia Iesu Karaiti. Kua aere atu ana te Au Kite o Iehova i te aravei ia koe i teia au ra? Kare e ekoko ka mataora koe i te pukapuka atu kia ratou no runga i te tangata maata rava atu tei ora ana. E ka rekareka ratou i te akaari atu kia koe i te puka tei mataoraia tetai tangata i parai minita ana.

[Tataanga Rikiriki i Raro]