Aruaru i te “Akonoanga Tapu i te Mataku Anga Atu i te Atua”
Aruaru i te “Akonoanga Tapu i te Mataku Anga Atu i te Atua”
I TE oronga anga ki te Atua ko Iehova i te tu ngateitei rava atu no te tu akonoanga tapu, te akakite ra te Pipiria e: “E tapu, e tapu, e tapu, to Iehova.” (Isa. 6:3; Apo. 4:8) Te nga tuatua Epera e te Ereni no te “akonoanga tapu” te oronga maira te reira i te manako viivii kore me kore i te tu akonoanga ma, te akatakake angaia mai mei te tu viivii. Ko te tu akonoanga tapu o te Atua te tuatua ra te reira no runga i te turanga apa kore o tona tu akono tau.
Kare ainei te Atua tapu ko Iehova, e tapapa mai i te aronga e akamori ra iaia kia tapu rai, koia oki kia ma i te pae kopapa e pera katoa i te pae akono tau e te pae vaerua? Te akakite papu ua maira te Pipiria e te taka meitaki e, te inangaro maira a Iehova kia tapu tona iti tangata. Ka tatau tatou i roto ia 1 Petero 1:16 e: “Kia tapu kotou; te tapu nei oki au.” Ka rauka tikai ainei i te tangata apa ua kia aru i te tu akonoanga tapu o Iehova? Ae, noatu e kare e rauka ia ratou i te aru i to Iehova tu akonoanga tapu na roto i te tu apa kore. Ka akamanako mai te Atua ia tatou ei aronga tapu, me akamori tatou iaia i roto i te turanga ma i te pae vaerua e me rauka tetai pirianga vaitata kiaia.
Akapeea i reira, e rauka ai ia tatou kia vai ma ua i roto i tetai ao viivii i te tu akono tau? Eaa te au angaanga ka tau kia kopae tatou? Eaa te au tauianga i roto i te tuatua e te tu penei te ka anoanoia kia rave tatou? Ka akara ana ra tatou e eaa ta tatou ka mou mai i roto i teia tu mei ta te Atua i umuumu atu mei te ngati Iuda e oki maira mei Babulonia ki to ratou ipukarea i te mataiti 537 M.T.N.
‘Ei Reira oki te Arataa Tapu’
Kua totou a Iehova e ka akaoki akaouia mai tona iti tangata tei akatuitarereia i Babulonia ki to ratou ipukarea. Tei roto i te totou no te akaoki akaouanga, teia akapapuanga e: “Ei reira oki tetai ara metua, e tetai arataa oki, e karangaia oki te reira, I te arataa tapu.” (Isa. 35:8a) Te akaari maira teia au tuatua e kare anake ua a Iehova e akatuera i te ara no te ngati Iuda kia tae ki te kainga mari ra te akapapu katoa maira i tana paruruanga ia ratou i te arataa.
No tona au tavini i runga nei te enua i teia tuatau, kua akatuera a Iehova “i te arataa tapu” e arataki ke atura mei ia Babulonia Maata, te patireia o te akonoanga pikikaa o teianei ao. I te mataiti 1919 kua akaora mai aia i te au Kerititiano akatainuia mei te tuikaa anga pae vaerua ki te akonoanga pikikaa, e kua rave marie atu rai ratou i te tama i te au apiianga pikikaa mei ta ratou akamorianga. Ei au tangata akamori ia Iehova i teia tuatau, te rekareka ua nei tatou i te turanga pae vaerua ma e te au e rauka nei ia tatou kia akamori ia Iehova e kia rauka tetai pirianga ponuiaau ua kiaia, e to tatou au taeake.
Kua iki te au mema o te “anana iti” o te au Kerititiano Luka 12:32; Apo. 7:9; Ioa. 10:16) Te tuera ua nei “te arataa tapu” ki te katoatoa rava tei inangaro puareinga ua “kia tuku atu [ratou] i to [ratou] au kopapa ei atinga ora, e te tapu, e tau oki i te Atua.”—Roma 12:1.
akatainuia e te “aronga maata rava” o te “mamoe ke atu” e maata ua atura, kia aere na te arataa tapu e te pati maira i etai ke atu kia piri atu kia ratou. (“Kare Rava e Tangata Viivii e na Reira te Aere”
I te mataiti 537 M.T.N., kua anoanoia te au ngati Iuda e oki ra kia aru i tetai umuumuanga puapinga. No runga i te aronga tei tau kia aere na “te arataa tapu,” te akakite maira a Isaia 35:8e e: “Kare rava e tangata viivii e na reira te aere; e riro ra no ratou, no tei aere i te ara ra.” I te mea e ko te akakoroanga o te ngati Iuda i oki ei ki Ierusalema koia oki kia akanoo akaou i te akamorianga ma, kare i reira e ngai no te aronga e akakoroanga noinoi to ratou, kare e akangateiteianga no te au mea tapu, me kore te rave ra i te au mea viivii i te pae vaerua. Kua anoanoia te aronga e oki ra kia tamou marie rai i to Iehova au turanga teitei no te tu akono tau. Te aronga e inangaro ra kia akaperepereia mai e te Atua i teia tuatau ka anoano katoaia ratou kia aru i taua umuumuanga ra. Te umuumuia maira ratou kia aruaru i te tu “akonoanga tapu i te mataku anga atu i te Atua.” (2 Kori. 7:1) Eaa i reira te au angaanga viivii, ka tau tatou kia kopae?
“Te au angaanga a te kopapa, kua kitea meitakiia ïa,” i tata ai te apotetoro ko Paulo, “koia oki te moeaana, te akaturi, te tuatua viivii ra, e te kanga.” (Gala. 5:19) Ko te moeaana no runga te reira i te au angaanga ainga katoatoa te o maira te taangaanga anga i te au mero no te ainga e raveia ana i vao ake i te pirianga akaipoipo. Ko te kanga te o maira te “tu tau kore o te ainga; kare e kotinga; tu akama kore; tu auau.” Te moeaana e te kanga te taka ua ra e e tuke takiri te reira ki to Iehova tu akonoanga tapu. No reira, ko te aronga tei rave ua atu rai i taua au mea ra kare e akatikaia kia riro mai ei tuanga no te putuputuanga Kerititiano me kore ka akaateaia ki vao. Te tika katoa ra te reira no te aronga e rave ua ra i te au tu viivii tikai, koia oki, “te au tu viivii ravarai ma te noinoi.”—Ephe. 4:19, NW.
Ko te tuatua “au tu viivii” e maata te au tu ara e o maira ki te reira. Te kupu Ereni no te reira te tuatua ra i te au tu viivii katoatoa—i roto i te tu, i roto i te tuatuaanga, e i roto i te au pirianga pae vaerua ki te aronga kare i roto i te akarongo. Te kapiti maira te reira i te au angaanga te o maira tetai tu o te au tu viivii penei kare e anoanoia tetai tukuanga tika. * Inara te aruaru ra ainei te aronga e rave ra i taua au tu viivii ra i te arataa o te tu akonoanga tapu?
Penei ka akamata tetai Kerititiano i te akarakara muna ua i te au ravenga ainga viivii. Ka aere marie ua rai, e kia tupu te anoano viivii no te ainga, tona akakoroanga kia vai ma ua i mua ia Iehova kua puapinga kore ua. Penei kare tona tu i aere roa ki te turanga e riro mai ei, ei au tu viivii tikai, inara kare aia e manako ua atu i ‘taua au mea viivii kore, rongo meitaki, meitaki, e te paapaaia.’ (Phili. 4:8) E mea viivii tikai te au ravenga ainga viivii e ka takino papu tikai te reira i to tetai pirianga ki te Atua. Auraka rava te au tu viivii ravarai kia akaikiia i rotopu ia tatou.—Ephe. 5:3.
Ka akamanako ana i tetai akaraanga ke mai. Penei ka akariro tetai Kerititiano ei angaanga 2 Kori. 7:1; Kolo. 3:5.
matau nana i te amirimiri i tona mero ainga—te amirimiri akakoro iaia uaorai kia akatupu i te inangaro ainga—noatu me kapitiia mai te au ravenga o te ainga viivii e me kare. Noatu e kare te tuatua “amirimiri mero ainga” i roto i te Pipiria, kare rava e ekokoanga e ka taviivii te reira angaanga i te manako e te manako ngakau, me kare ainei? Kare ainei e riro te rave tamou ua rai i teia tu viivii ei takino maata i to tetai pirianga kia Iehova e ei akaviivii i tetai i mua i te aroaro o te Atua? Ka akamanako meitaki ana tatou i te ako a te apotetoro ko Paulo kia “tamā ua tatou ia tatou uaorai i te au viivii katoa o te kopapa e te vaerua” e kia “tamate i to [tatou] au melo i te au mea o teianei ao; te akaturi, te tuatua viivii, te anoano viivii ra, te inangaro tika kore, e te noinoi apinga.”—Te ariki ua nei teia ao e akatereia nei e Satani i te tu viivii, e te akamaroiroi katoa ra i te reira. Penei ka riro te patoi atu anga i te timataanga kia piri ki roto i te au tu viivii ei mea ngata tikai. Inara eiaa rava te au Kerititiano mou kia “aere i ta tetai papaki etene aerenga, i te akonoanga neneva o to ratou uaorai ngakau.” (Ephe. 4:17) Na te kopae ua anga tatou i te tu viivii, na roto i te muna e me kare, e akatika ai a Iehova ia tatou kia aere na “te arataa tapu.”
“Kare o Reira e Liona”
E rauka ai te akaperepereanga a te Atua tapu ko Iehova, penei ka anoanoia tetai au tauianga maata i roto i te tu e te tuatuaanga. Te akakite ra a Isaia 35:9 e: “Kare o reira e liona; kare oki e puaka taae e tae mai i reira,” koia oki, “te arataa tapu.” Na roto i te tuatua akatutu, te akaaiteia ra te aronga takinga kino e te rotoriri i roto i ta ratou e rave ra e te tuatuaanga, ki te au manu taae. E mea papu roa e kare o ratou ngai i roto i to te Atua ao ou o te tuatua tika. (Isa. 11:6; 65:25) No reira e mea puapinga maata tikai no te aronga e inangaro ra i te akaperepereanga a te Atua kia akaruke i taua au tu peu tangata ra e kia aruaru i tetai arataa tapu.
Te ako maira te au Tuatua Tapu ia tatou “kia kopae ravaia oki te maru kore, e te rotoriri, e te makitakita, e te taumāro ra, e te tuatua akakino, e te vareae, auraka takiri ïa.” (Ephe. 4:31) I roto ia Kolosa 3:8, ka tatau tatou e: “E kopae atu kotou i taua au mea katoa nei, te riri, te makitakita, te vareae, te akakino, te tuatua viivii ra, i to kotou vaa.” Te tuatua “akakino” tei taangaangaia i roto i teia nga irava e rua, te tuatua ra te reira i te tuatua kikino, taakama, me kore akangateitei kore.
I teia tuatau, kua riro ua te tuatua tamamae, te tuatua viivii ei mea matauia, e i roto katoa i te ngutuare. Te tuatua aeae ra e te akakino ra, me kore te tuatua taakama ra te au tokorua akaipoipo i tetai e tetai e i ta ratou tamariki. Eiaa teia tu tuatua akakino kia vai i roto i te ngutuare Kerititiano.—1 Kori. 5:11.
Aruaru Anga i te “Akonoanga Tapu i te Mataku Anga Atu i te Atua”—E Akameitakianga Tikai!
E tikaanga takake tikai kia tavini i te Atua tapu, ko Iehova! (Iosu. 24:19) Te parataito pae vaerua ta Iehova i apai mai ia tatou ki roto e mea akaperepere maata tikai. Te tamou marie anga i to tatou tu tapu i mua i te aroaro o Iehova e mea papu tikai e ko te arataa meitaki rava atu ia.
Kare e roa atu ana ka riro mai te Parataito o te Atua tei taputouia mai no te enua nei ei mea tika tikai. (Isa. 35:1, 2, 5-7) Te aronga tei inangaro tikai i te reira e tei aruaru marie atu rai i tetai arataa tu-Atua, ka akameitakiia ratou ma tetai ngai i reira. (Isa. 65:17, 21) E no reira, kia akamori marie atu rai tatou i te Atua na roto i te turanga pae vaerua ma e kia tamou marie rai i tetai pirianga vaitata kiaia.
[Tataanga Rikiriki i Raro]
^ para. 12 No tetai uriurianga no runga i te mea e akataka ke ra i te “au tu viivii . . . ma te noinoi” mei te “au tu viivii,” akara i Te Punanga Tiaki, o Tiurai 15, 2006, kapi 29-31.
[Tutu i te kapi 26]
Eaa te umuumuia ra kia rauka i te au ngati Iuda i te aaere na “te arataa tapu”?
[Tutu i te kapi 27]
Ka takino te au ravenga ainga viivii i to tetai pirianga kia Iehova
[Tutu i te kapi 28]
“Kia kopae ravaia . . . te taumāro ra, e te tuatua akakino”