Maara Ainei ia Koe?

Te ariki rekareka ra koe i te tatau anga i te au itiu ou o Te Punanga Tiaki? Akara ra, me ka rauka ia koe i te pau i te au uianga ka aru mai:

• Te aro atura tetai au Kerititiano i te aka manamanata i muri ake i to ratou akaipoipo anga, e eaa ta ratou ka tauta i te rave?

Kua kite mai tetai au Kerititiano e kare e maata ana te aiteite o to ratou tu ki to ratou tokorua. I te kite anga e kare te kopaeanga tokorua tei kore i akatumuia ki runga i te tuatua tapu i te ravenga tau, ka anoano ratou kia angaanga pakari kia vai meitaki te akaipoipoanga.​—4/15, kapi 17.

• Eaa ra te au akaaoanga ta tetai Kerititiano i roto i tetai ngai akono anga i te ruaine ka aro atu?

Penei kare aia i matau i te putuputuanga tei reira te ngai akono anga i te ruaine. Te maata anga i roto i te ngai akono anga i te ruaine e tuke rai to ratou irinakianga e penei ka tauta i te akapiri atu iaia ki roto i te au angaanga a te akonoanga. Kia kite rai te au kopu tangata Kerititiano e te au mema o te putuputuanga i teia au manamanata e kia oronga i te turuturu e te akono atu ia ratou.​—4/15, kapi 25-27.

• Eaa te a takainga te ka tauturu i te tokorua akaipoipo i te akatikatika anga i te au manamanata?

E akanoo i tetai taime i te uriuri i te manamanata. (Kohe. 3:1, 7) E akakite i toou manako na roto i te tu tika e te akangateitei. (Ephe. 4:25) E akarongo e e ariki ngateitei i te au manako o toou tokorua. (Mata. 7:12) E ariki i te akatikatika anga e kia angaanga kapiti i te rave i te reira. (Kohe. 4:9, 10)​—Tiurai-Tepe., kapi 10-12.

• Eaa tatou ka rave ei i te akatikatika viviki i te au manamanata me riri tatou i tetai taeake?

Mei ta te Atua akaraanga, e tuanga puapinga maata to tatou pirianga ki to tatou au taeake no te akamorianga mou. No reira, kua raurau a Iesu i tana au pipi ‘kia rapurapu ratou i te akatika i ta ratou tuatua.’ (Mata. 5:25) Kua tata a Paulo i tetai tataanga mei tei reira rai e: “Kia riri kotou ra, auraka kia araia: auraka e topa te rā i to kotou riri anga: Auraka e tuku i ta te diabolo ngai kia o mai.” (Ephe. 4:26, 27) Me e riri anga tau to tatou, e rave tatou i te akatikatika viviki i te au manamanata kia kore tatou e vai ua i roto i taua tu riri anga e te tuku anga i te Tiaporo i te akavare anga ia tatou.​—Luka 17:3, 4.​—5/15, kapi 6, 7.

• Eaa te au kumiti e tavini ana te au mema o te Pupu Akaaere?

Kumiti Akaaere; Kumiti Tangata; Kumiti Neneianga; Kumiti Tavini Anga; Kumiti Apiianga; Kumiti Tataanga.​—5/15, kapi 29.

• Eaa te “akono i te Atua”?

Te kapitiia maira ki te tu akono te akatapu anga tikai e te tiratiratu. Te akakite maira tetai tikitinari Pipiria e ko te tuatua Ereni tei uriia “akono i te Atua” te akataka maira “i te tu meitaki kia matakite e auraka tetai apinga e akaparuparu i te mataku i te Atua.”​—6/15, kapi 12, 13.

• Te tano ra ainei te tu e akatakaia ra ia Roma 1:24-32 ki te ngati Iuda me ki te au Kenitara?

Te tano ra te akatakaanga ki te nga pupu, inara te taiku tika ra a Paulo ki te ngati Iseraela apoteiti i taito tei kare i aru i te Ture no te au anere mataiti. Kua kite ratou i te ture a te Atua, inara kare ratou i akono rotai ana i te reira i roto i to ratou oraanga.​—6/15, kapi 29.

• Koai te au manu i roto i te akatutuanga a Iesu tei rekotiia i roto ia Mareko 4:4 e akatutu maira?

Te karanga ra a Iesu e te rauka ra i te au manu o te reva i te kimi i tetai ngai tauranga ki raro ake i te maru o teia Patireia. Te akatutu maira te au manu i te aronga ngakau tae tei iki i te paruruanga i roto i te putuputuanga Kerititiano.​—7/15, kapi 18.

• Eaa te akatupu anga i te au tapapaanga tu tau e akamaata ai i to tatou rekareka?

Me ka aruaru tatou i te au akakoroanga tau kore noatu eaa te tu ngata, te akairi maira tatou i te au taitaia anoano koreia ki rungao ia tatou uaorai. Inara, kia kore tatou uaorai e manako kope na te maani kotoeanga i to tatou turanga kotingaia ei akamarie rava atu anga ia tatou i roto i te angaanga orometua.​—7/15, kapi 29.