Akamaroiroiia te Au Mitinari Kia Riro Mei ia Ieremia Rai
Te 125 Karatuatianga Gileada
Akamaroiroiia te Au Mitinari Kia Riro Mei ia Ieremia Rai
“KO TEIA pupu o Gileada e tupuanga tuatua enua puapinga tikai,” i akakite ei a Geoffrey Jackson o te Pupu Akaaere. Te tuatua ra aia ki te 6,156 tangata tei tae atu ki te karatuatianga o te pupu 125 o te Apii Pipiria Punanga Tiaki o Gileada i roto ia Tepetema ra 13, mataiti 2008. Kapiti mai ki te 56 karatuati mei teia pupu, e 8,000 tuma mitinari, ta te Apii Gileada i tuku atu “ki te openga o te enua ra”!—Anga. 1:8.
Kua ui atu te Taeake ko Jackson, te tiamana o te porokaramu karatuatianga e, “Ka riro ainei te tu tau kia irinakiia ei akakeuanga ririnui no ta kotou angaanga orometua?” I reira kua tare atu aia e a au apinga te ka akatupu i te tu irinakiia: kia rauka te tu tau, akanoo i tetai akaraanga meitaki, akatumu ngaueue kore i taau apii ki runga i te Tuatua a te Atua, e te akamou marie anga ki runga i te akakite anga i te ingoa o Iehova.
Kua uriuri a David Schafer e tavini ra ma te Kumiti Apiianga, i te tumu manako “Ka Kite Ainei Koe i te Au Mea Katoa?” Kua akapapu atu aia ki te aronga apiipii Gileada e ka rauka ia ratou kia ‘kite i te au mea katoa’ tei anoanoia kia tavini ei au mitinari mei te mea e e kimi ua atu rai ratou ia Iehova e me ariki i “te tavini akono meitaki e te pakari” ma te akaaka.—Mase. 28:5; Mata. 24:45.
Aru mai, kua tuatua a John E. Barr, o te Pupu Akaaere, no runga i te tumu manako “Auraka Rava Tetai Mea kia Akataka ke ia Kotou mei te Aroa o te Atua.” Kua akamaroiroi atu te Taeake ko Barr mei te metua te tu, i te au karatuati e to ratou au metua, e kua riro teia ei takore i tetai ua atu manako apiapi o ratou no runga i ta te au mitinari ou ka aro atu i roto i ta ratou tukuanga angaanga. “E ngai ponuiaau e te mareka ua, kia vai ua i roto i to te Atua aroa,” i akamarama atu ei aia. Kare rava e mea e akataka ke i te au mitinari mei te aroa o te Atua mari ua me akataka ke mai ratou ia ratou uaorai mei te Atua.
Kua akamaroiroi atu a Sam Roberson no te Tipatimani o te Apii Teokaratiki i te aronga e akarongo maira kia aao i “te kakau meitaki rava atu.” Na te apii anga i ta Iesu i rave e na te taangaanga anga i te reira kia ratou uaorai, ka rauka i te au karatuati kia ‘tuku i ta te Atu ta Iesu Mesia ki runga ia ratou.’ (Roma 13:14) Aru mai, ko William Samuelson, te akaaere o te Tipatimani o te Apii Teokaratiki, kua akaketaketa atu aia no runga i te mea te ka riro ei akangateitei i tetai tangata. Kare ko to te tangata manako mari ra ko to te Atua te ka riro ei akangateitei i tetai.
Kua uiui atu a Michael Burnett, tetai o te au puapii, ki te aronga apiipii no runga i te au mea ta ratou i kite i roto i te angaanga orometua. Noatu kua tukuia te maataanga o te aronga apiipii ki te au ngai tei rave putuputuia ana te angaanga ia ratou i roto i te Apii Gileada i Patterson, New York, kua kiteaia mai rai ia ratou tetai aronga tei akarongo mai. Kua uiui atu a Gerald Grizzle o te Opati Uruoaanga ki e toko toru au taeake tei tae mai ki te Apii no te Au Mema o te Kumiti Manga. Kua riro ta ratou au tuatua ei tauturu i te akateateamamao i te au karatuati Gileada no te au mea ta ratou ka kite i roto i ta ratou tukuanga angaanga i te enua ke.
Te akoanga “Kia Riro Mei ia Ieremia Rai” na David Splane o te Pupu Akaaere i rave, e karatuati Iere. 1:7, 8) Ka akapera katoa rai te Atua no te au mitinari ou. “Me te pekapeka ra koe ki tetai tangata,” i akakite ei te Taeake ko Splane, “e noo ki raro e tata e tai ngauru au tu taau e reka ana no runga i taua tangata ra. E me kare e rauka ia koe i te tare e tai ngauru, tera te aiteanga kare koe i kite meitaki tikai i taua tangata ra.”
aia no te 42 o te pupu. Noatu to Ieremia manamanata no runga i tana tukuanga angaanga, kua akaketaketa ra a Iehova iaia. (E tangata akaatinga uaorai a Ieremia. Me inangaro aia i te akamutu, e pure ana aia, e tei vaitata ua rai a Iehova iaia. (Iere. 20:11) “Me rokoia koe e te taitaia,” i akakite ei te Taeake ko Splane, “e tuatua atu kia Iehova. Ka poitirere koe e ka akapeea a Iehova i te tauturu mai anga ia koe.”
Te akaopengaanga o te porokaramu karatuatianga, kua akamaara atu te tiamana ki te aronga e akarongo maira e e maata ta te au karatuati mataara tukeke i mou mai no runga i te akatupuanga i to ratou tu tau kia irinakiia. Ia ratou e akakitekite ra i roto i ta ratou tukuanga angaanga, no to ratou tu irinakiia, ka riro ta ratou karere ei mea ririnui roa.—Isa. 43:8-12.
[Pia i te kapi 22]
TE AU TU O TE PUPU
Numero o te au enua tei komonoia: 6
Numero o te au enua tei tukuia: 21
Numero o te aronga apiipii: 56
Mataiti avereti: 32.9
Au mataiti avereti i roto i te tuatua mou: 17.4
Au mataiti avereti i roto i te angaanga orometua tamou: 13
[Tutu i te kapi 23]
Pupu Karatuati 125 o te Apii Pipiria Punanga Tiaki o Gileada
I te papaanga i raro ake, kua tanumeroia te au pa mei mua ki muri, e kua papaia te au ingoa mei te kaui ki te katau i te pa takitai.
(1) Hodgson, A.; Wall, A.; Beerens, K.; Hortelano, M.; Newman, L.; De Caso, A. (2) Jenkins, J.; Jarzemski, T.; Méndez, N.; Corona, V.; Canalita, L. (3) Fryer, H.; Savage, M.; Tidwell, K.; Erickson, N.; Dyck, E.; McBeath, R. (4) Perez, L.; Puse, L.; Skidmore, A.; Young, B.; McBride, N.; Rondón, P.; Goodman, E. (5) Beerens, M.; Ferguson, J.; Pearson, N.; Chapman, L.; Wardle, J.; Canalita, M. (6) Perez, P.; De Caso, D.; Young, T.; Rondón, D.; Goodman, G.; Jenkins, M.; Dyck, G. (7) Corona, M.; Wall, R.; Puse, S.; Méndez, F.; Jarzemski, S.; Savage, T. (8) Newman, C.; Ferguson, D.; Skidmore, D.; Erickson, T.; McBride, J.; Pearson, M.; Chapman, M. (9) Hodgson, K.; Wardle, A.; McBeath, A.; Tidwell, T.; Fryer, J.; Hortelano, J.