Kia Vai te Tu Manako o Karaiti ki Roto ia Kotou
Kia Vai te Tu Manako o Karaiti ki Roto ia Kotou
“Kia rauka ia kotou uaorai taua tu manako ra mei to Iesu Karaiti rai.”—ROMA 15:5, NW.
1. Eaa ra tatou ka umuumu ei kia aru i to Karaiti tu manako?
“E AERE mai kotou kiaku nei,” i akakite ei a Iesu Karaiti. “Kia apiiia kotou e au; te maru nei au, e ngakau akaaka toku, e rauka oki ia kotou te akaangaroianga i to kotou vaerua.” (Mata. 11:28, 29) Te akakite meitaki maira teia patianga aroa i to Iesu tu manako aroa. Kare rava e tangata meitaki atu e tau kia aruia tana akaraanga. Noatu e koia te Tamaiti a te Atua, e e mana maata tona, kua akaari a Iesu i te tu tangi e te tu maru, ki te aronga tikai tei rokoia e te kino.
2. Eaa te au tuanga o to Iesu tu ta tatou ka akamanako?
2 I roto i teia e te nga atikara ka aru mai, ka akamanako tatou e ka akapeea e rauka ai ia tatou kia akatupu e kia akono tamou i te tu manako aiteite mei to Iesu rai, e te aru anga i “te ngakau o te Mesia,” koia oki te tu manako o Karaiti i roto i to tatou oraanga. (1 Kori. 2:16) Ka makitoro marie tatou i e rima tuanga puapinga: To Iesu tu maru e te akaaka, tona takinga meitaki, tona tu akarongo ki te Atua, tona tu ngakau toa, e tona aroa mutu kore.
Apii kia Kite i te Tu Maru o Karaiti
3. (a) Eaa tetai apiianga no te tu akaaka ta Iesu i apii ki tana au pipi? (e) Akapeea a Iesu i te ariu atu anga i te akaari anga tana au pipi i te tu paruparu?
3 Kua inangaro puareinga ua a Iesu te Tamaiti ara kore a te Atua, i te aere mai ki te enua nei kia tavini i rotopu i te aronga apa ua e te ara. Ko tetai pae o ratou ka tamate iaia a muri mai. Noatu ra, kua tamou marie ua atu rai a Iesu i tona tu rekareka e te tu akono meitaki. (1 Pete. 2:21-23) Ka riro katoa te “akara tamou” anga i te akaraanga o Iesu ei tauturu ia tatou kia tamou marie i to tatou tu rekareka, e te tu akono meitaki me tamanamanataia tatou e te au tarevake, e te tu apa ua o etai ke. (Ebe. 12:2) Kua pati a Iesu i tana au pipi kia aere mai ki raro ake i tana amo e ia, e kia tamou i tana e apii maira. (Mata. 11:29.) Eaa ta ratou ka tamou mai? Tetai mea ka rauka ia ratou i te tamou koia oki e tu maru to Iesu e e tu akakoromaki tona i tana au pipi noatu to ratou au tarevake. I te po i mua ake ka mate ei aia, kua orei a Iesu i to ratou vaevae, i te apii anga ia ratou kia rauka te “ngakau akaaka” te ka kore rava e ngaropoina ia ratou. (E tatau ia Ioane 13:14-17.) I muri mai, i te kore anga e rauka ia Petero, Iakobo, e Ioane kia “ara” ua, kua marama meitaki ua a Iesu i to ratou tu paruparu. “E Simona, te moe na koe?” i ui atu ei aia. “E ara, e pure, kia kore kotou e rokoia e te timataanga: kua tika oki i te vaerua, te parukaua nei ra te kopapa.”—Mare. 14:32-38.
4, 5. Ka akapeea to Iesu akaraanga i te tauturu anga ia tatou kia ariu meitaki atu ki te au tarevake o etai ke?
4 Mei teaa ra to tatou tu me e tu akarere to tetai taeake irinaki, me e tu riri vave ua, e te marie i te ariu atu ki te akoanga a te aronga pakari, me kore ki “te tavini akono meitaki e te pakari”? (Mata. 24:45-47) Noatu te papa ua ra tatou i te ariki i te au tu apa ua tei matauia i roto i te ao o Satani, ka riro rai te aro atu anga i taua au tu apa ua i rotopu i to tatou au taeake ei mea ngata no tatou i te akono atu. Me viviki ua tatou i te riri atu i te au tarevake o etai ke, ka anoanoia tatou kia ui kia tatou uaorai e, ‘Ka akapeea ra e rauka ai iaku i te akaata meitaki atu i “te ngakau o te Mesia”?’ E tauta i te akamanako e kare a Iesu i riri vave ana i tana au pipi, noatu kare ratou i akaata mai ana i te tu manako o Karaiti.
5 Ka akamanako ana i te turanga o te apotetoro ko Petero. I te pati anga a Iesu ia Petero kia eke mai mei roto i te pai e kia aere atu ki ko Iaia na runga i te tai, kua aaere tikai a Petero na runga i te tai no tetai taime. I reira kua akara atu a Petero i te matangi ririnui e kua akamata aia i te opu atu ki roto i te tai. Kua riri ainei a Iesu e Mata. 14:28-31) E ua ake e ka akono atu tatou i tetai taeake tei apikepike te akarongo, ka rauka ainei ia tatou i te tauturu atu iaia kia maroiroi mai tona akarongo? Papu roa e e apiianga tikai te reira te kiteaia ra i roto i to Iesu tu maru kia Petero.
kua karanga atu kiaia e: “E kai taau! Ei apii rai tena ia koe”? Kare! “Kua akatika mairā Iesu i tona rima i reira ra, opu maira iaia, na ko maira kiaia, E koe, te akarongo mea ngiti nei, eaa koe i mataku ei?” (6. Eaa ta Iesu i apii ki tana au apotetoro no runga i te umuumuanga kia papanunui?
6 Kua o katoa ana a Petero ki roto i te au taumaroanga putuputu a te au apotetoro no runga i tei maata atu ia ratou. Kua inangaro a Iakobo raua ko Ioane i te noo, tetai ki te tua katau o Iesu, e tetai ki te tua kaui, i roto i tona Patireia. I te akarongo anga a Petero e te au apotetoro ke mai i te reira, kua riri ratou. Kua kite a Iesu e kare e kore e i mou mai ia ratou teia tu akarere mei roto mai i te aronga i noo kapiti ana ratou. I te kapiki anga ia ratou kia aere mai kiaia, kua na ko atura aia e: “Kua kite oki kotou e, te tutara nei te ui mana o te etene ki runga ia ratou, e te aronga mamaata ra, te mana ra ïa i runga i to ratou. Kare ra e tika kia akapera ki roto ia kotou; ko te anoano i te akamaata i o kotou, kia riro ïa ei tavini no kotou; E ko te inangaro kia maata aia i o kotou na, ei tavini akaaka aia no kotou.” Kua tou atu i reira a Iesu ki tona uaorai akaraanga e: “Kare oki te Tamaiti a te tangata i aere mai kia taviniia tona, ei tavini ra, e kia oronga i tona ora ei oko no te tangata e manganui.”—Mata. 20:20-28.
7. Akapeea tatou tataki tai i te akatupu anga i te tu rotai i roto i te putuputuanga?
7 Na te akamanako anga no runga i te tu akaaka o Iesu, e tauturu ia tatou kia akariro ia tatou e ko “tei mea ngiti rava” i roto i to tatou au taeake. (Luka 9:46-48) Me raveia teia ka tupu te tu rotai. Mei tetai metua rai o tetai aka pamiri, te inangaro ra a Iehova i tana tamariki “kia noo kapiti ma te tu rotai.” (Sala. 133:1, NW) Kua pure a Iesu ki tona Metua no runga i te au Kerititiano mou katoatoa, i te karanga anga e: “Ei roto au ia ratou, e ei roto koe iaku, kia tika to ratou kapiti anga; e kia kite to te ao nei e naau au i tono mai nei, e kua akaperepere mai koe ia ratou, mei ia koe e akaperepere mai iaku nei ra.” (Ioa. 17:23) No reira, ka tauturu to tatou tu rotai i te akataka ia tatou ei au pipi na Karaiti. Kia rekareka i taua tu rotai ra, ka anoanoia tatou kia akamanako i te au tu apa ua o etai ke mei ta Karaiti rai i rave. E akakore ana a Iesu i te ara, e kua apii aia e na te akakore anake ua anga i te ara a tetai ke e rauka ai ia tatou te akakoreanga ara.—E tatau ia Mataio 6:14, 15.
8. Eaa ta tatou ka kite mei te akaraanga o te au taeake tei roa te tavini anga i te Atua?
8 E maata katoa ta tatou ka kite na te aru anga i te akarongo o te aronga kua roa te au mataiti i te aru anga ia Karaiti. Mei ia Iesu rai, e mea matau na teia au tavini o te Atua i te akaari anga e te marama ra ratou i te au tu apa ua o etai ke. Kua kite ratou e na te akaari anga i te tu ngakau aroa mei to Karaiti rai, kare te reira e tauturu ua ia tatou “kia akakoromaki i te tu paruparu o te aronga kare e maroiroi ana” mari katoa ra ka akatupu i te tu rotai. Tetai katoa, ka akamaroiroi te reira i te putuputuanga katoa kia akaata i te tu manako o Karaiti. Te inangaro ra ratou i to ratou au taeake kia akaata e kia rauka te tu aiteite mei ta te apotetoro ko Paulo e inangaro ra no te au Kerititiano i Roma: “Kia tika i te Atua tei oronga mai i te akakoromaki e te akapumaana kia oronga atu kia kotou kia rauka ia kotou uaorai taua tu manako ra mei to Iesu Karaiti rai, e ma te rotai o te ngakau, kia akakaka kotou i te Atua e te Metua o to tatou Atu ko Iesu Karaiti ma te vaa okotai.” (Roma 15:1, 5, 6, NW) Ae, ka apai mai ta tatou akamorianga rotai i te akapaapaanga kia Iehova.
9. Eaa ra te tumu ka anoano ei tatou i te vaerua tapu kia rauka i te aru i te akaraanga o Iesu?
Gala. 5:22, 23) Na te aru anga i reira i te akaraanga o te tu akaaka e te tu maru ta Iesu i oronga mai, ka akarekareka ia tatou i to tatou Metua i te rangi, ko Iehova.
9 Kua kapiti atu a Iesu i te “ngakau akaaka” ki te tu maru, koia oki e tuanga no te ua o te vaerua tapu o te Atua. No reira, kapiti mai i te apiianga no runga i to Iesu akaraanga, ka anoano tatou i te vaerua tapu o Iehova, kia rauka ia tatou i te aru meitaki i taua akaraanga ra. Ka tau tatou kia pure no te vaerua tapu o te Atua e kia tauta i te akatupu i te au ua o te vaerua—“ko te inangaro ïa, te rekareka, te au, te akakoromaki, te takinga-meitaki, te meitaki, te pikikaa kore, Te maru, te akono meitaki.” (Takinga Meitaki a Iesu i Etai Ke
10. Akapeea a Iesu i te akaari anga i te takinga meitaki?
10 E tuanga katoa te takinga meitaki no te ua o te vaerua tapu. E akono putuputu ua ana a Iesu i etai ke ma te takinga meitaki. Kua kite pouroa te aronga tei kimi ia Iesu ma te ngakau tae e ‘kua kapo mai aia ia ratou’ koia oki kua ariki mai aia ia ratou ma te takinga meitaki. (E tatau ia Luka 9:11.) Eaa ta tatou ka mou mai mei te takinga meitaki ta Iesu i akaari? Ko te tangata takinga meitaki e tu oaoa tona, e tu maru, e tu akaaroa, e te mareka ua. Ko to Iesu tu rai te reira. E akaaroa ana aia i te tangata “no te mea kua mate ratou i te roiroi, e kua pueurikiriki keia, mei te mamoe tiaki kore ra.”—Mata. 9:35, 36.
11, 12. (a) E akataka mai i tetai mea tei tupu no tei akaari a Iesu i te tu ngakau aroa ua. (e) Eaa taau ka mou mai mei te akaraanga e uriuriia nei?
11 E akaari katoa ana a Iesu i te tu tangi e te ngakau aroa ua no te tangata. Ka akamanako ana i tetai mea tei tupu. E 12 mataiti te rokoia anga tetai vaine e te maki riu eke ua. Kua kite aia e i raro ake i te Ture a Mose, ka riro tona maki ei akaviivii iaia e tetai ua atu te ka amiri atu iaia. (Levi. 15:25-27) Noatu ra, kua riro te rongo o Iesu e tona tu ki te tangata ei akapapu tikai kiaia e e mana tona e ka inangaro i te akaora iaia. Kua tuatua ua rai aia e: “Kia akatukia ua atu au i tona kakau, ka ora ïa au.” Kua akatoatoa ua aia i te rave i te reira e i reira rai, kua kite aia e kua ora aia.
12 Kua kite a Iesu e kua akatukia mai tetai tangata iaia, e kua akara aere aia kia kite e koai. Kare e kore e te mataku ua ra taua vaine ra e ka akaapaia aia no te mea kua aati aia i te Ture, e kua tipapa iora ki raro i tona nga vaevae ma te ruketekete, e kua akakite atura i te tika kiaia. Kua karo ainei a Iesu i teia vaine maki nei? Kare roa! “E taku tamaine,” i tuatua ai aia ma te akapumaana, “kua ora koe i toou akarongo, ka aere koe ma te au.” (Mare. 5:25-34) Kare e kore kua akapumaanaia aia i te akarongo anga i taua au tuatua takinga meitaki ra!
13. (a) Akapeea to Iesu tu i tuke ei mei to te au Pharisea? (e) Akapeea a Iesu i te akono atu anga i te tamariki?
13 Kare i aite mei te au Pharisea ngakau ketaketa, kare rava a Karaiti i taangaanga ana i tona mana kia akamaata atu i te apainga a etai ke. (Mata. 23:4) Mari ra, kua apii atu aia i etai ke i to Iehova au arataa ma te takinga meitaki e te akakoromaki. E oa akaperepere tikai a Iesu ki tana au pipi, tei akaari ua i te aroa e te takinga meitaki, ei oa mou tikai. (Mase. 17:17; Ioa. 15:11-15) E varenga ua ana te tamariki kia Iesu, e e mareka ua ana aia ia ratou. Kare aia e moumou ana i te akapou i tona taime ki te au tamariki. I tetai atianga, no te manako ua ra tana au pipi i to ratou uaorai puapinga mei te au arataki akonoanga rai, kua arai ratou i te tangata kia kore e apai mai i ta ratou tamariki mea riki kia ikiiki a Iesu. Kare a Iesu i mareka ana i tana au pipi. Kua akakite aia kia ratou e: “Ka tuku mai ana i te tamariki mea riki, kia aere ua mai kiaku nei, auraka e akakoreia atu; mei ia ratou nei oki to te basileia o te Atua.” I reira, i te akariro anga i te tamariki ei apiianga no te au pipi, kua na ko atura aia e: “Koia mou taku e karanga atu kia kotou na, Ko tei kore e āriki i te basileia o te Atua mei te tamariki mea riki ra, kare takiri aia e o ki reira.”—Mare. 10:13-15.
14. Eaa te au puapinga ka rauka i te au tamariki no tei akaariia taua tu inangaro tika tikai?
Mare. 10:16) Pera katoa te tamariki i teia tuatau, ka oki ratou ka akamaara ma te tu akaperepere i te aronga pakari e etai ke atu tei akaari i te inangaro tika tikai kia ratou. Tei puapinga roa atu, mei te rikiriki anga mai, ka kite te au tamariki tei akaariia taua tu inangaro tika tikai ra kia ratou i roto i te putuputuanga, e te vai ra te vaerua o Iehova ki rungao i tona iti tangata.
14 E akamanako ana no tetai atianga ua e mei teaa ra te manako o taua au tamariki ra i tetai au mataiti i muri roa mai i te riro anga mai ei au tane e te au vaine mamaata, ka maara ia ratou e kua ‘rave atura a Iesu Karaiti ia ratou, kua ikiiki iora, kua tuku atura i tona rima ki rungao ia ratou e kua akaora atura ia ratou.’ (Akaari i te Takinga Meitaki i Roto i te Ao Kino
15. Eaa te tumu ka kore ei tatou e poitirere i te tu ngere o te takinga meitaki i teia tuatau?
15 E manganui ua atu te tangata i teia tuatau te manako ra e kare o ratou taime no te akaari anga i te takinga meitaki ki etai ke atu. No reira, i te au ra ravarai, i te apii, i te ngai angaanga, ia ratou e teretere ra, e i roto i te angaanga orometua, ka aro atu rai te iti tangata o Iehova i te tu aerenga manako o teianei ao. Penei ka akataitaia te tu takinga kino ia tatou, inara kare te reira i te mea poitirere kia tatou. Kua akauru a Iehova ia Paulo kia akamatakite ia tatou e ko te oraanga i roto i teia au “tuatau openga,” ka riro ei akapiri atu i te au Kerititiano mou ki te aronga tei ‘akaperepere ia ratou uaorai, e te aroa kore.’—2 Timo. 3:1-3.
16. Akapeea tatou i te akatupu anga i te takinga meitaki mei to Karaiti rai i roto i te putuputuanga?
16 I tetai tua ra, e aka tuke meitaki roa atu ta te turanga i roto i te putuputuanga Kerititiano mou e oronga maira, me akaaiteia atu ki to teianei ao takinga kino. Na te aru anga ia Iesu, ka rauka ia tatou tataki tai i te akameitaki roa atu i taua turanga meitaki ra. Ka akapeea tatou i te rave anga i te reira? Ei akamataanga, e maata ua atu i roto i te putuputuanga te anoano maira i ta tatou tauturu e te akamaroiroianga no te mea e au manamanata to ratou i te pae o te oraanga kopapa me kore e au turanga ngata ke atu to ratou. I roto i teia au “tuatau openga,” te maata maira taua au manamanata ra, inara kare te reira i te mea ou. I te au tuatau o te Pipiria, kua rokoia ana te au Kerititiano e taua au manamanata ra. Mei te reira katoa, te tau ra rai te au angaanga tauturu i teianei mei to te au Kerititiano e noo ra i taua tuatau ra. Ei akaraanga, kua raurau atu a Paulo i te au Kerititiano kia “akapumaana atu i te ngakau taitaia, e tauturu atu i tei apikepike, kia roa te akakoromaki anga i te tangata ravarai.” (1 Tesa. 5:14) Te kapiti maira teia i te taangaanga anga i te takinga meitaki mei to Karaiti rai.
17, 18. Eaa tetai au mataara ka rauka ia tatou i te aru i to Iesu takinga meitaki?
17 E apainga ta te au Kerititiano kia ‘ariki i to ratou au taeake ma te takinga meitaki,’ kia akono ia ratou mei ta Iesu rai, i te akaari anga i te inangaro tika tikai no te aronga penei ta tatou i kite no te au mataiti i aereia mai ana, e te aronga penei kare roa tatou i aravei ana. (3 Ioa. 5-8) Mei ia Iesu rai i akaari i te ngakau aroa ua ki etai ke atu, kia pera katoa tatou, kia riro ua rai ei akamaroiroianga ki etai ke.—Isa. 32:2; Mata. 11:28-30.
Roma 12:10, NW) Ko te aiteanga o te reira koia oki kia aru i te akaraanga o Karaiti, i te akono anga i etai ke atu ma te pumaana e te takinga meitaki, te kite anga i te akaari “i te aroa pikikaa kore.” (2 Kori. 6:6) Kua akataka mai a Paulo i taua tu aroa mei to Karaiti rai na roto i teia tu e: “E akakoromaki anga roa to te aroa, e te takinga-meitaki; kare te aroa e vareae, kare te aroa e akamaata, kare oki e akatietie.” (1 Kori. 13:4) I to te akamoupuku ua anga i to tatou au taeake e te au tuaine, kia akono tatou i te akoanga e: “Kia takinga-meitaki kotou ia kotou uaorai, ma te ngakau maru aroa ua ra, ma te akakore oki i te ara tetai e tetai, mei ta te Atua i akakore mai i ta kotou i te Mesia ra.”—Ephe. 4:32.
18 Ka rauka ia tatou tataki tai i te akaari i te takinga meitaki na te rave anga i tetai angaanga ei akaari ki etai ke e, te manako ra tatou ia ratou e te marama ra i to ratou au manamanata. E kimi i tetai au mataara e te au atianga kia rave i te reira. Tauta pakari i te tauturu atu ia ratou! “Ma te aroa taeake ra e aroa takinga meitaki atu i tetai e tetai,” i raurau atu ei a Paulo, i te kapiti anga atu e: “I te akaari anga i te akangateitei i tetai e tetai e oronga i te akaraanga.” (19. Eaa te au tupuanga meitaki te ka rauka mai mei te akaari anga i te takinga meitaki mei to Karaiti rai?
19 Ka riro ta tatou tauta anga i te akatupu e te akaari i te takinga meitaki mei to Karaiti rai i te au taime pouroa, e i te au turanga katoatoa, i te apai mai i te au akameitakianga puapinga maata tikai. Ka rauka i te vaerua o Iehova kia angaanga meitaki ua i roto i te putuputuanga, i te tauturu anga i te katoatoa kia akatupu i te ua o te vaerua. Kapiti katoa mai, me aru tatou i te akaraanga ta Iesu i akanoo e te tauturu anga i etai atu kia pera katoa, ka apai mai ta tatou akamorianga mataora e te rotai i te rekareka ki te Atua uaorai. No reira, kia tauta ua atu rai tatou i te akaata i to Iesu tu maru e te takinga meitaki i roto i ta tatou akono anga i etai ke atu.
Ka Rauka Ainei ia Koe te Akataka?
• Akapeea a Iesu i te akaari anga i tona tu ‘maru, e te ngakau akaaka’?
• Akapeea a Iesu i te akaari anga i te takinga meitaki?
• Eaa tetai au mataara e akaari ana tatou i te tu maru e te takinga meitaki mei to Karaiti rai i roto i teia ao apa ua?
[Au Uianga Apii]
[Tutu i te kapi 8]
Me paruparu te akarongo o tetai taeake mei to Petero rai, ka oronga atu ainei tatou i te tauturu?
[Tutu i te kapi 10]
Akapeea e rauka ai ia koe i te tauturu i te akariro i te putuputuanga ei akapuanga no te takinga meitaki?