Oronga Rekareka mei te Ngakau

NO RUNGA i te oronga anga, kua tata te apotetoro ko Paulo e: “E oronga te tangata ravarai i tana i akakoro i roto i tona ngakau,” e kua tuatua katoa aia e: “Eiaa ma te noinoi, e mei te mea e no te umuumu: ko te tangata oronga ma te rekareka ta te Atua e inangaro.” (2 Kori. 9:7) Kare a Iehova e maro ana i tetai tangata kia turuturu i te akamorianga ma. Te akatika ra ra aia i tona au tavini kia akaari mai i ta ratou turuturu anga na te oronga puareinga anga e te rekareka. I roto i te tuatua enua, kua ariu maoraora tikai mai tona iti tangata. E akamanako ana e toru akaraanga.

I muri ake i to Iehova arataki anga i te ngati Iseraela mei ia Aiphiti mai, kua akaue aia e kia akatu ratou i te tapenakara. Kua anoanoia te au apinga, kua patiia atu te au tangata o Iseraela kia tauturu mai. Tei tupu, kua apai mai “te tangata katoa i tae tona ngakau” te auro, te ario, te apinga akamanea, e tetai atu au apinga. No te maata o te apinga ta te au tangata i oronga, kua akakiteia atu e kia akamutu i te apai akaou mai i te au apinga.​—Exo. 35:​5, 21; 36:​6, 7.

Te akatuia anga te iero i te au anere mataiti i muri mai, kua rauka akaou i te iti  tangata o te Atua tetai atianga i te akaari i ta ratou turuturu anga no te akamorianga ma. E maata te apinga oko maata ta te Ariki ko Davida i oronga no te angaanga, e kua pati atu i tetai ke kia oronga katoa mai. Kua rave ratou i te reira ma te maoraora. I na, te akaputu anga i te auro e te ario kua tere atu ki te 157 pirioni tara, tei aite ki te moni o teia tuatau! Kua rekareka te au tangata no ta ratou au atinga oronga ua kia Iehova.​—1 Para. 29:​3-9; 2 Para. 5:1.

Kua akaari katoa mai te au pipi mua a Iesu Karaiti i tetai tu oronga rekareka anga. I te ra o Penetekote 33 T.N., mei tetai 3,000 tei papetitoia, te maataanga ia ratou kare e noo ana i Ierusalema. E tauturu ei i te aronga e meangiti ua ta ratou apinga no te noo mai ki roto i te oire e kia marama atu no runga i to ratou akarongo ou, kua akaputuputu mai te katoatoa i ta ratou apinga no tetai tuatau poto ua. Kua oko te au taeake i ta ratou apinga e kua apai mai i te moni ki te au apotetoro i te tauturu i te aronga te anoano ra. Kua rekareka tikai a Iehova i te akara anga mai i taua tu akarongo ra e te aroa!​—Anga. 2:​41-47.

I teia tuatau, te turuturu nei te au Kerititiano i te akamorianga ma na te oronga anga ma te aroa e te rekareka i to ratou taime, te maroiroi, e te moni. Te akaari maira te pia i raro akenei i tetai au ravenga ka rauka ia koe i te rave i teia.

[Pia i te kapi 18, 19]

AU RAVENGA TA ETAI E IKI RA NO TE ORONGA

AKAPUTUANGA NO TE ANGAANGA I TEIANEI AO

E manganui te akapae ra, me kore te akapapa ra, i tetai moni no te tuku ki roto i te au pia akaputu anga tei akairoia: “Akaputuanga no te Angaanga i Teianei Ao​—Mataio 24:14.”

Te au marama katoatoa, e tuku ana te au putuputuanga i teia au moni ki te opati manga o te Au Kite o Iehova te akono ra i to te reira au enua tataki tai. Kia tuku tika katoaia te au moni tauturu tei oronga uaia ki te Treasurer’s Office, Watchtower Bible and Tract Society of New Zealand, PO Box 75142, Manurewa, Manukau 2243, me kore ki te opati manga o te Au Kite o Iehova te akono ra i toou enua. Ka tau te au apinga akamanea me kore tetai ua atu apinga puapinga kia oronga katoaia. Kia aru mai tetai reta poto ua i te akakite anga mai e e au apinga aroa tikai taua au apinga ra no teia au akaputu anga.

AKANOOANGA I TE TURANGA NO TE TAUTURU

Penei ka orongaia te moni na roto i tetai akanooanga takake, e me ka pati mai te tangata oronga ra i te reira, ka akaokiia atu te moni oronga ua kiaia. No tetai akakite anga maata atu, e tata ki te Treasurer’s Office i te atereti i akakiteia i runga akenei ine.

PARANIANGA ORONGA UA

I te pae i te au moni oronga aroa ua e te au moni oronga tauturu ua, te vai ra tetai atu au ravenga orongaanga no te akapuapinga i te angaanga Patireia i teianei ao. Te kapiti maira teia i te:

Initurini: Penei kia tukuia te ingoa o te Watchtower Society e ko tei puapingaia mei tetai koreromotu initurini no te oraanga me kore tetai akapapaanga akaangaroi anga/moni pakari.

Apinga Akaputuia e te Au Poni: Penei ka orongaia te au apinga akaputuia e te au poni ki te Watchtower Society ei apinga aroa.

Are e te Enua: Penei ka orongaia te au enua e te au are ka rauka i te oko ki te Watchtower Society ei apinga aroa me kore, na te akono anga i tetai koreromotu no te au apinga o te oraanga ki tei oronga mai i te reira, te ka rauka iaia i te noo ki roto i te tuatau e ora ra aia. Kia araveiia atu te opati manga i toou enua i mua ake ka akamanaia ai tetai ua atu enua e te are.

Au Koreromotu e te Au Taokotaianga: Penei ka oronga tikaia te apinga me kore te moni ki te Watchtower Society na roto i tetai koreromotu tikaia e te ture, me kore kia tukuia te ingoa o te Watchtower Society te ka puapingaia no tetai koreromotu no te taokotaianga.