Tetai Tamaine Meangiti Ngakau Oronga Ua
Tetai Tamaine Meangiti Ngakau Oronga Ua
KARE i roa akenei, kua manako uaorai tetai tamaine e iva mataiti i Paratiri i te akapae i tana moni i akaputu ana ki roto i nga tuanga e rua—18 tara e te 25 tara. Kua tuku aia i te tuanga meangiti ki roto i te pia akaputu i ko i tona Are Uipaanga Patireia ei tauturu atu i te au pira a te putuputuanga. E oti kua oronga aia i te tuanga maata ki te opati manga o te Au Kite o Iehova, e tetai reta poto ua. Kua akakite mai tana reta e: “Inangaro au i te oronga atu i teia moni ki te angaanga i teianei ao. Inangaro au i te tauturu i te au taeake e te au tuaine e manganui takapini i teianei ao kia tutu aere i te tuatua meitaki. Te oronga atu nei au i te reira ma te inangaro maata tikai e te aroa ia Iehova.”
Kua apii te nga metua o te tamaine meangiti iaia i te puapinga no te rave anga i tana ka rauka i roto i te angaanga tutuanga i te Patireia. Kua akamaroiroi katoa atu raua iaia kia ‘akangateitei atu ia Iehova ma tana ra au apinga.’ (Mase. 3:9) Mei taua tamaine meangiti ra, kia rave maroiroi tatou katoatoa i te turuturu anga i te au mea o te Patireia, i to tatou uaorai au ngai e i te ao katoa!