Rauka te Tinamou i Roto i te Iti Tangata o te Atua
Rauka te Tinamou i Roto i te Iti Tangata o te Atua
“Ka akapaapaa au ia koe i roto i te uipa anga maata.”—SALA. 35:18.
1-3. (a) Eaa te ka taki atu i tetai au Kerititiano kia akakino i to ratou pirianga kia Iehova? (e) Ka kite mai te iti tangata o te Atua i te paruruanga kiea?
IA RAUA e orote ra, te ruku aere ra a Joe raua ko tana vaine i roto i te akau, e maata tikai te au ika ma te au kara tukeke e te mamaata. Kua kau mamao raua i te akara aere ia raro i te akau. Te kau anga raua ki tetai ngai oonu, kua tuatua mai te vaine a Joe e, “I toku manako te aere mamao nei taua.” “Eiaa e manamanata,” i pau mai ei a Joe. “Te kite nei au eaa taku e rave nei.” Maara ra ia Joe i te akamanako anga i muri mai e, ‘Teiea te au ika?’ Ma te mataku, kua kite mai aia e eaa te tumu. I te ngai oonu tikai, te aere tika maira tetai mango kiaia. Tei roto aia i te turanga kino. Te vaitata mai anga te mango, kua tanga atu ki tetai ngai ke e kua ngaro atu.
2 Penei ka varenga ua tetai Kerititiano ki te au mea navenave i roto i te akatereanga o te au mea nei a Satani—te tamataoraanga, te angaanga, e te au apinga—e kare aia i kite ana e te tomo atura aia ki roto i tetai turanga kino. “Kua tauturu mai tei tupu ana kiaku kia akamanako au i te au oa ta tatou e kapiti atu ana,” i karanga ai a Joe, e tangata pakari Kerititiano. “E kau ki te ngai ka ora koe e ka mataora koe—i roto i te putuputuanga!” Auraka e kau i te ngai oonu, ka kite mai koe i te akatakake anga i te pae vaerua e ka tupu mai te kino. Me kite koe ia koe i roto i te reira turanga, e oki viviki atu ki te ‘ngai meitaki.’ Te ka tupu mai, ka akakino koe i toou pirianga kia Iehova.
3 I teia tuatau, e ngai kino tikai teianei ao no te au Kerititiano. (2 Timo. 3:1-5) Kua kite a e Satani te poto nei tona tuatau, e te inangaro nei aia i te akapou i te aronga kare e matakite ana. (1 Pete. 5:8; Apo. 12:12, 17) Inara, e paruruanga to tatou. Te oronga maira a Iehova ki tona iti tangata i tetai paruruanga pae vaerua—ko te putuputuanga Kerititiano.
4, 5. Eaa to te au tangata manako no runga i to ratou oraanga i te tuatau ki mua, e no teaa ra?
4 Te oronga maira teianei ao i te turanga tinamou meangiti ua—i te pae kopapa me kore i te pae manako ngakau. E maata te tangata te manako ra e kua takinoia to ratou turanga tinamou pae kopapa e te kino, te ta anga, te kake maataanga te moni no te oraanga, e te au turanga manamanata o te ao rangi. Te aro atu nei te katoatoa i te au manamanata no te tu pakarikari e te oraanga makimaki. E ko tetai aronga e angaanga ta ratou, e are to ratou, rava ua te moni, tau ua te oraanga meitaki, penei ka manako e aea e ngaro ei teia au mea.
5 Kare katoa i rauka mai ana i te au tangata e manganui te turanga tinamou i te pae manako ngakau. Te mea tangi ra, ko te au tangata te irinaki ra e ka rauka mai te au e te puapinga i roto i te akaipoipo e ki te ngutuare tangata, kua kite mai e kare i akatupuia ta ratou i manakonako atu ana. I te akatupu anga i tetai pirianga ki te Atua, e maata te aronga aere pure kua oripu ua te manako, i te ekokoanga no runga i te puapinga no te aratakianga tei rauka mai ia ratou. E tika rai te reira no runga i te tu tau kore e te au apiianga kare e tau ana ki te Pipiria a te au arataki o ta ratou akonoanga. No reira, te manako ra te au tangata e ko ta ratou ikianga anake ua ko te irinaki anga i te apiianga taineti me kore te turanga meitaki e te manako meitaki o te au tangata. Kare i te mea poitirere e te manako papu kore ra te au tangata takapini ia tatou, me kore kare ratou e inangaro ana i te manako atu no runga i to ratou oraanga i te tuatau ki mua.
6, 7. (a) Eaa te tuke i rotopu i te manako o te aronga te tavini ra i te Atua e te aronga kare e tavini ana iaia? (e) Eaa ta tatou ka akamanako?
Isaia 65:13, 14; Malaki 3:18.) No teaa ra? No te mea kua kite mai tatou i te akamarama anga meitaki a te Pipiria no runga i te au turanga e aro atura te au tangata, e kua akapapaia tatou kia akono atu i te au akaaoanga e te au manamanata o te oraanga. Tei tupu mai, kare tatou e apiapi maata ana no runga i te tuatau ki mua. Ei aronga akamori no Iehova te paruruia ra tatou mei te au manako tau kore e kare e tau ana ki te Pipiria, te au angaanga tau kore, e te au tupuanga kino. Ka kite mai te au mema o te putuputuanga Kerititiano i te tu au kare tetai pae i kite.—Isa. 48:17, 18; Phili. 4:6, 7.
6 Tuke tikai te manako o te aronga i roto i te putuputuanga Kerititiano e te aronga kare i roto i te putuputuanga! Noatu e te aro atu nei tatou ei iti tangata no Iehova i te au manamanata aiteite ua ki to tatou au tangata tupu, tuke ra ta tatou ariu atu anga ki te reira. (E tatau ia7 Ka tauturu mai tetai au akaraanga ia tatou kia akamanako i te tu tinamou e mataora ra te aronga e tavini ra ia Iehova e te aronga kare i kite mai i te reira. Ka akakeu teia au akaraanga ia tatou kia akamanako meitaki i ta tatou uaorai e manako ra e e rave ra e kia akamanako e me te taangaanga pu tikai ra tatou i te akoanga a te Atua, tei akanooia ei paruru ia tatou.—Isa. 30:21.
“Kua Vaitata Toku Vaevae i te Paeke”
8. Eaa ta te au tavini o Iehova ka rave ua rai?
8 Mei te akamataanga o te tuatua enua o te tangata, ko te aronga tei iki i te tavini e te akarongo kia Iehova te kopae ra i te pirianga vaitata ki te aronga kare e tavini ana iaia. E tika rai, kua akakite mai a Iehova e ka tupu te ke anga i rotopu i tona aronga akamori e te aronga tei aru ia Satani. (Gene. 3:15) No to ratou tu ngaueue kore no te au kaveinga akauruia a te Atua, tuke rai te tu o te iti tangata o te Atua mei te aronga takapini ia ratou. (Ioa. 17:15, 16; 1 Ioa. 2:15-17) Kare i te mea mama ua i te rave i te reira. E tika rai, i tetai au taime kua ekoko tetai pae o te au tavini o Iehova no tetai oraanga akaatinga uaorai.
9. E akataka mai i te manamanata ta te tangata tata o Salamo 73 e aro atura.
Salamo 73 tei manako ana e me kua rave aia i te au ikianga meitaki, penei e uanga aia na Asapha. Kua ui te tata taramo eaa ra te aronga kino i autu ei, i mataora ai, e i puapingaia ai, inara te tupu ra te manamanata e te au turanga ngata ki te aronga te tauta ra i te tavini i te Atua.—E tatau ia Salamo 73:1-13.
9 Ko tetai tavini o Iehova tei tata ia10. Eaa ra i puapinga ai kia koe te au uianga ta te tata taramo i ui ana?
10 E ui ana koe kia koe uaorai i te au uianga mei ta te tata taramo i tata mai? Me koia ia, eiaa e manako kinokino me kore e manako e te ngaro atura toou akarongo. Te tikaanga, e maata te au tavini o Iehova, kapiti mai tetai aronga ta Iehova i taangaanga ana kia tata i te Pipiria, kua manako akapera rai. (Iobu 21:7-13; Sala. 37:1; Iere. 12:1; Haba. 1:1-4, 13) E tika rai, te aronga ravarai te inangaro ra i te tavini ia Iehova, e mea tau kia marama e kia ariki i te pauanga no teia uianga: Ko te tavini anga e te akarongo anga ainei ki te Atua te mea meitaki rava atu i te rave? Te akaari maira teia i te maroanga ta Satani i akatupu i roto i te kainga i Edene. E puapinga maata te reira ki te uianga no te turanga ngateitei o te Atua i te ao katoa e pini ua ake. (Gene. 3:4, 5) E meitaki kia akamanako tatou pouroa i taua manako ra ta te tata taramo i ui mai. Ka vareae ainei tatou i te aronga kino akatietie no te meitaki ua to ratou oraanga? Ka “paeke” ainei tatou mei te tavini anga ia Iehova e ka aru atu ia ratou? Ko ta Satani tikai ia e inangaro ra kia rave tatou.
11, 12. (a) Akapeea te tata taramo te autu anga i tona au manako ekoko, e eaa ta teia e apii mai nei ia tatou? (e) Eaa tei tauturu ia koe kia aiteite toou manako ki to te tata taramo?
11 Eaa tei tauturu i te tata taramo kia autu i tona manako ekoko? Noatu e kua akatika aia e kua vaitata aia i te paeke mei te tuatua tika, kua taui ra tona manako te tomo anga aia ki roto i “te ngai-tapu a te Atua”—koia oki, tona piri anga ki te au tangata pae vaerua i roto i te tapenakara me kore i te iero o te Atua e tona akamanako anga i to te Atua akakoroanga. Kua kite mai te tata taramo e kare aia e inangaro i te piri atu ki te aronga kino. Te kite atura aia e ko ta ratou au angaanga e te au ikianga o te oraanga te tuku ra ia ratou ki runga i “te ngai pateka.” Te aronga tau kore ravarai te akaruke ra ia Iehova, kua kite te tata taramo e ka taopenga mai to ratou oraanga ki “te mataku maata,” ko te aronga te tavini ra ia Iehova ka turuturuia mai e ia. (E tatau ia Salamo 73:16-19, 27, 28.) Kare ekokoanga e kua kite mai koe i te tikaanga o taua tuatua ra. Te reka ra te maataanga i te akono ia ratou uaorai e kare e manako atu i te au ture a te Atua, inara ka tupu kia ratou te au tupuanga kino no taua oraanga tau kore ra.—Gala. 6:7-9.
12 Eaa atu ta tatou i kite mai mei te tupuanga o te tata taramo? Kua kite mai aia i te tu tinamou e te tu pakari i rotopu i te iti tangata o te Atua. Kua akamanako meitaki aia ma te tau tikai i tona aere anga ki te ngai e akamoriia ra a Iehova. Pera katoa i teia tuatau, ka kite mai tatou i te aronga ako meitaki e ka mataora katoa i te au kai pae vaerua puapinga i ko i te au uipaanga a te putuputuanga. E tumu meitaki tetai i akakite ei a Iehova ki tona au tavini e kia aere ki te au uipaanga Kerititiano. Ka akamaroiroiia e ka akakeuia mai ratou i reira, kia rave i te au mea meitaki.—Isa. 32:1, 2; Ebe. 10:24, 25.
Iki Meitaki i Toou Au Oa
13-15. (a) Eaa ta Dina i kite mai, te akatutu maira i teaa? (e) Eaa ra te kapiti anga ki te au taeake Kerititiano i riro ei ei paruruanga?
13 Ko te tamaine a Iakoba ko Dina tetai akaraanga tei o atu ki roto i te manamanata kino pakari no te kapiti atu anga ki te au oa o teianei ao. Kua akakite mai te papaanga o Genese no runga iaia e e angaanga matau nana i te kapiti atu ki te au vaine mapu o Kanaana i te ngai e noo ra tona ngutuare tangata. Kare e aiteite ana te au turanga teitei akono tau o te au tangata o Kanaana ki to Iehova au tangata akamori. I tetai tua ra, ta te aronga keri apinga taito i kite mai te akakite maira e ko te au mea ta te ngati Kanaana i rave te akaki ra i to ratou enua ki te akamorianga itoro, te angaanga tau kore, e te akamorianga ainga viivii, e te kino. Exo. 23:23; Levi. 18:2-25; Deu. 18:9-12) E akamaara ana i tei tupu kia Dina no te kapiti atu anga ki taua iti tangata ra.
(14 Tetai tangata ko Sekema, tei taikuia e ko “tei akangateiteiia i te ngutuare katoa o tona metua ra,” kua kite atu ia Dina e “kua opu iora, moe atura iaia, e kua taakaaka iora.” (Gene. 34:1, 2, 19) E mea tumatetenga tikai! I toou manako e kua akamanako ana a Dina e ka tupu taua mea ra kiaia? Penei te kimi ra aia i te akaoaoa atu ki te au mapu o te reira ngai, tana e manako ra e te meitaki ua ra. Inara, kua akavare tikaiia a Dina.
15 Eaa ta teia papaanga e apii mai nei kia tatou? Kare tatou e kapiti atu ki te aronga kare i roto i te tuatua mou e te irinaki anga e kare e kino e tupu mai kia tatou. Te akakite maira te au Tuatua Tapu e “e kino te tuatua meitaki i te kapiti anga kikino ra.” (1 Kori. 15:33) I tetai tua ra, ka riro ei paruruanga noou me kapiti atu koe ki te au tangata te aru ra i toou irinakianga, toou au turanga akono tau, e toou inangaro ia Iehova. Ka akamaroiroi taua kapiti anga meitaki ra ia koe kia rave i te mea meitaki.—Mase. 13:20.
“Kua Oreiia ra Kotou”
16. Eaa ta te apotetoro ko Paulo i tuatua mai no runga i tetai pae i roto i te putuputuanga o Korinetia?
16 Kua tauturu ana te putuputuanga Kerititiano i te au tangata e manganui kia tama ia ratou uaorai mei te au angaanga viivii. Te tataanga te apotetoro ko Paulo i tana reta mua ki te putuputuanga i Korinetia, kua akakite aia i te au tauianga ta te au Kerititiano i reira ka rave i te aru anga i to te Atua au turanga. Kua riro ana tetai pae ei moeaana, ei akamori itoro, ei akaturi, ei aronga totoma, ei keia, ei kona kava, e te vai atura. “Kua oreiia ra kotou,” i akakite ei a Paulo kia ratou.—E tatau ia 1 Korinetia 6:9-11.
17. Akapeea te aru anga i te au turanga o te Pipiria i te tauianga i te oraanga o te au tangata e manganui?
17 Ko te au tangata te ngere ra i te akarongo, kare o ratou kaveinga tau no te aratakianga. Kua akanoo ratou i to ratou uaorai aerenga me kore kua rave ua atu i te au angaanga tau kore, mei ta tetai au tangata taito i Korinetia i rave ana i mua ake ka riro mai ei ratou ei au tangata irinaki. (Ephe. 4:14) Inara, ka rauka i te kite tika tikai i te Tuatua a te Atua e tana au akakoroanga i te taui i te oraanga o te aronga tei aru i te au Tuatua Tapu kia meitaki atu. (Kolo. 3:5-10; Ebe. 4:12) Ka akakite mai te maataanga o te au mema o te putuputuanga Kerititiano o teia tuatau e i mua ake ka apii ei e ka aru ei ratou i te au turanga tuatua tika a Iehova, kua rave ana ratou i te au mea tau kore. Inara, kare ratou i mareka ana e i mataora ana. Kua kite mai ratou i te au i to ratou kapiti anga ki te iti tangata o te Atua e te aru rotaianga ki te au kaveinga Pipiria.
18. Eaa ta tetai mapu i kite mai, te akapapu mai anga i teaa?
18 Tei tuke ra, ko tetai pae tei iki i te akaruke i te ‘ngai meitaki’ o te putuputuanga Kerititiano i te tuatau i topa, kua tataraara tikai i teianei no te reira ikianga. Te akamarama maira tetai tuaine, ka kapiki tatou iaia e ko Tanya, tei “piri atu ana ki roto i te tuatua mou,” inara tona tae anga ki te 16 mataiti, kua akaruke aia i te putuputuanga no te “aruaru anga i te au inangaro o teianei ao.” I roto i te au tupuanga tana i kite mai kua nui mai aia e kare e inangaro i tana pepe e kua titiri atu i te reira. Kua tuatua aia i teianei e: “Te toru mataiti i akaruke ei au i te putuputuanga kua taitaia pakari toku ngakau e kare e rauka i te kopae atu i te reira. Ko tetai apinga kare rava e ngaropoina iaku koia oki kua tamate au i taku pepe kare i anauia ake. . . . Te inangaro nei au i te akakite atu ki te au mapu ravarai te inangaro ra i te ‘tongi’ i teianei ao, noatu e no tetai manga tuatau ua: ‘Auraka
rava!’ Penei ka reka te tongi anga i te akamataanga, inara ka taopenga mai ki te kino pakari. Kare a teianei ao apinga e oronga mai inara ko te mamae tikai. Kua kite au. Kua tongi au i te reira. E noo ua ki roto i ta Iehova akaaerenga! Ko te oraanga anake ua te reira te ka oronga mai i te mataora tikai.”19, 20. Eaa te paruruanga ta te putuputuanga Kerititiano e oronga maira, e akapeea ra?
19 E akamanako ana i te ka tupu kia koe me kua akaruke koe i te ngai paruruanga o te putuputuanga Kerititiano. E manganui te maara ra i to ratou oraanga puapinga kore i mua ake ka ariki ei ratou i te tuatua mou, vinivini ratou i te akamanako anga i te reira. (Ioa. 6:68, 69) Ka rauka ia koe te tinamou e te paruruanga mei te taitaia e te mamae e tupu ra i roto i te ao o Satani, na te noo vaitata anga ki toou au taeake e te au tuaine Kerititiano. Ka akamaara ua mai rai te kapiti anga kia ratou e te aere ua anga ki te au uipaanga a te putuputuanga, i te pakari no ta Iehova au turanga tuatua tika e ka akamaroiroi mai ia koe kia akono i te reira. ‘Ka akapaapaa koe ia Iehova i roto i te uipa anga maata ra,’ mei ta te tata taramo rai i rave.—Sala. 35:18.
20 E tika rai, no tetai atu au tumu, e na roto ana te au Kerititiano ravarai i te au turanga ngata tikai ia ratou e akono tamou ra i to ratou tu tiratiratu ei Kerititiano. Penei te anoano ra ratou kia akaari atu tetai tangata i te mataara tika. Eaa taau ka rave i te tauturu anga i te au taeake irinaki—e te katoaanga o te putuputuanga—i taua taime ra? Ka akara meitaki te atikara ka aru mai e akapeea koe i te ‘akapumaana anga e te akatupu anga i te meitaki’ ki toou au taeake.—1 Tesa. 5:11.
Akapeea Koe me Pau?
• Eaa ta tatou ka kite mai no te au tupuanga o te tangata tei tata ia Salamo 73?
• Eaa ta te tupuanga o Dina e apii maira kia tatou?
• Akapeea koe e kite ei i te tinamou i roto i te putuputuanga Kerititiano?
[Au Uianga Apii]
[Au Tutu i te kapi 7]
E kau ki te ngai ka ora ua; noo ua i roto i te putuputuanga!