Maara Ainei ia Koe?

Kua rekareka ainei koe i te tatau anga i te au itiu ou o Te Punanga Tiaki? Akara ana me ka rauka ia koe i te pau i te au uianga ka aru mai:

• Noea mai ta Kaina vaine?

Kare e kore, e uanga te vaine a Kaina no Eva, tei anau mai i te “tamariki tamaroa, e te tamariki tamaine.” (Gene. 5:4)—9/1, kapi 25.

• Ko teea angera ta te Atua i tono na mua ake i te ngati Iseraela i te arataki mai anga ia ratou mei Aiphiti? (Exo. 23:20, 21)

Ka tau kia irinaki e ko te angera ‘tei iaia to Iehova ingoa,’ ko te Tamaiti anau tai aia a te Atua, tei riro mai ko Iesu.​—9/15, kapi 21.

• Me riri koe i toou tokorua, eaa te ka tauturu ia koe kia komunikeiti ma te tau?

E akamanako ana e kare koe e tuatua ana ki toou tokorua, mari ra te tuatua ra koe ki tetai oa meitaki me kore ki toou pu angaanga. Kare ekoko e kare koe e taangaanga i taua tu reo rai me kore i taua au tuatua rai. Akamanako i reira i te au tumu, ka tau ei kia maata atu taau tuatua akangateitei e te manako tau ki toou tokorua, i to te oa e toou pu angaanga.​—10/1, kapi 12.

• Eaa ta Iesu e karanga ra e ko te taviri e rauka ai te mataora?

Ko te rave i tetai apinga e akamareka ra i te Atua. To Iehova anoano koia oki, kia akarongo te tangata i te manakonakoanga o te oraanga mutu kore. Ka kite koe i te mataora i te rave i te mea e akamareka ra i te Atua na te akakite atu anga i te tuatua mou o te Pipiria ki etai ke.​—10/1, kapi 17.

• No runga i te akamorianga mou, eaa tetai au kotoeanga kare te Atua e ariki?

‘E ngata roa. Kare au e inangaro ana. Maata roa taku angaanga. Kare au e mako roa ana. Kinokino toku ngakau te tuatua a tetai ke.’ Kare te reira i te kotoeanga tau no te kore e rave i te au akauenga a te Atua.​—10/15, kapi 12-15.

• Eaa tetai au mataara kia riro te au uipaanga Kerititiano ei akamaroiroi anga noou e tetai ke?

Akapapa vave. Aere putuputu. Tae vave. Aere mai kia papa meitaki. Kopae te au tamanamanata. Paupau. Kia poto taau paupau anga. Rave i taau au apainga. Akameitaki atu i te au taeake. Taokotai atu i mua ake e i muri ake i te au uipaanga.​—10/15, kapi 22.

• Eaa ta tatou ka kite mai mei ta Aarona tuku ua atu anga ki te taomianga a te tangata?

Kare a Mose i reira, te akakoko anga to Iseraela ia Aarona kia maani i tetai atua no ratou. Kua tuku ua atu a Aarona ki ta ratou e kua rave i te reira. Te akaari maira teia e kare te taomianga a te au oa i kotinga uaia ki te au mapu. Ka akakeu katoaia te aronga pakarikari e inangaro ra i te rave i te mea tika. Ka anoanoia tatou kia kopae i te taomianga a te au oa manako kore.​—11/15, kapi 8.