Na te au ariki o Aiphiti i taito e akaaere ana i te au maina e koia mai ana te au toka memeitaki i roto i te au ngai e akaaere ra ratou. Kia tau ki te papaanga Pipiria i roto ia Exodo, kua pou iora to Aiphiti au apinga puapinga i te ngati Iseraela, te akaruke anga ratou i te enua. No reira penei i rauka mai i te ngati Iseraela te au toka i runga i te umauma o te taunga maata mei Aiphiti.​—10/1, kapi 18.

Maata te taime kua raveia te reira i te ngai tangata, kare i te ngai muna. Ngoie ua te tu i raveia ai te reira, kare i anoanoia te au apinga ke. Raveia te reira ei akakaka i te Atua, kare i te tangata. E maata te au temeio tukeke e raveia ana, e kare te aronga patoi o taua tuatau ra i karanga ana e kare te reira i tupu ana. E au tumuanga tau teia no tatou kia irinaki i te au temeio tei rekotiia i roto i te Pipiria.​—10/1, kapi 7-8.

Kia akara meitaki tatou i to tatou uaorai ngakau. I to te manako tarotokaka atu i tetai taeake, kore ei tatou e akamanako meitaki i te tumu i akaapa ei tatou iaia? Te akaapa ra ainei tatou iaia kia manako mai etai e e meitaki atu tatou? Tetai, ka riro te tu akaapaapa ei akakino roa atu i te turanga.​—8/15, kapi 21.

I roto i te Pipiria, tetai taime ko te kupu “ingoa,” te aiteanga e rongo meitaki. Te karanga ra tetai tataanga e te tuatua ra te ingoa o te Atua i “tei kiteia no runga iaia​—tana i akakite mai no runga iaia uaorai; e te akatutu katoa ra i tona turanga rongonui e tona tu ngateitei.” Te ingoa o Iehova te o maira tona rongo meitaki. E rikarika ana aia i te tu tika kore e e tangi katoa ana aia i te aronga tei rokoia e te mamae no te tu tika kore. Me karanga te tangata e no te Atua rai te apa no te au mea tana e rikarika ra, te taviivii ra ratou i tona rongo meitaki. Te akangateitei kore ra ratou i tona ingoa.​—9/1, kapi 15.

Ka tuatua te tangata e “e au, e kare e kino”! Ka tamaki e ka takore te au patireia ia Babulonia Maata. Ka tamakiia atu te iti tangata o te Atua. Ka tupu te tamaki o Aramakito, aru mai ka uriia a Satani e tana au temoni ki roto i te vaarua takere kore.​—9/15, kapi 4.

I te mea kare tatou i kite i te ra me kore te ora, te akatika ra te reira ia tatou kia akaari e eaa tikai to roto i to tatou ngakau. Te oronga maira te reira i te atianga no tatou kia akarekareka i to te Atua ngakau. Akamaroiroi te reira ia tatou kia aruaru i tetai oraanga akaatinga anga e te tauturu ia tatou kia irinaki pu tikai i te Atua e tana Tuatua. Pera katoa, ka riro te au timataanga ei akaketaketa i to tatou akarongo.​—9/15, kapi 24-25.

Te akatutu maira te reira i te au akaaere akatainuia ki te vaerua i roto i te au putuputuanga, e te katoaanga o te au akaaere.​—10/15, kapi 14.

Te karanga ra taua nga irava ra e ko te tangata tei iaia “te arero o te aronga i apiiia,” kare aia e “kotoe ki muri.” Kua akaari a Iesu i te tu akaaka, e kua akarongo meitaki ki ta tona Metua i apii kiaia. Kua inangaro puareinga ua a Iesu kia apiiia e Iehova, te akara meitaki anga i to te Atua tu akaaka i te akaari anga i te aroa takinga meitaki ki te tangata ara nei.​—11/15, kapi 11.