“Kia Tae Toou Basileia”—Aea Ra?
“Kia kite kotou i taua au mea katoa nei, kua vaitata ïa, tei te pae ngutupa, kia kite oki kotou.”—MATA. 24:33.
1, 2. (a) Eaa te tumu kare tatou e maara ana i tetai au mea tei raveia? (e) Eaa ta tatou i kite no runga i te Patireia o te Atua?
PENEI e kite ana koe e kare tetai au tangata e maara ana i tetai mea tei raveia. Penei kare ratou e maara ana i ta te taote i akakite no runga i to ratou maki. Me kore, kare tetai tangata i kite e teiea te ngai i akaruke ei aia i te taviri me kore i tona titia, noatu tei mua ua iaia. Eaa ra teia i akapera ai? Karanga tetai aronga kimikimi e e ngaro ana to tatou manako me e maata ta tatou angaanga ka rave i te taime okotai. Te tikaanga, e tai rai apinga ka rauka i to tatou roro i te akamanako i te taime okotai.
2 I teia tuatau katoa, kare te tangata e kite ana eaa te tupu ra i roto i teianei ao. Penei ka akatika ratou e kua taui takiri te tu o teianei ao mei te mataiti 1914 mai, inara kare ratou e marama ana i te aiteanga o teia au tauianga. Ei aronga apii Pipiria, kua kite tatou e kua tae mai te Patireia o te Atua i te mataiti 1914, te akariroia anga a Iesu ei Ariki i runga i te rangi. Tera ra, kare i akatupuia ake te pure, “Kia tae toou basileia. Kia akonoia toou anoano i te enua nei, mei tei te ao katoa na.” (Mata. 6:10) Ka akatupuia te katoaanga o teia pure me takoreia teia ao kino. I tera tuatau, ka akatupuia to te Atua anoano i te enua nei mei to te rangi katoa ana.
3. Ia tatou e apii ra i te Pipiria, eaa ta te reira ka tauturu ia tatou kia kite?
3 No te mea e apii putuputu ana tatou i te Tuatua a te Atua, te kite ra tatou i te au totou e akatupuia ra i teia tuatau. E tuke teia ki te manako o te maataanga o te tangata! No te maata o ta ratou angaanga e rave ra, kare ratou e kite ana i te akapapuanga taka meitaki e kua tutara a Karaiti mei te mataiti 1914 e kare e roa atu ka takore aia i teia ao kino. Ui i teia uianga kia koe e: ‘Te irinaki ra ainei au e kua vaitata te openga o teianei ao e te akapapu maira te au turanga i te enua nei i teia?’ Noatu koi papetito ua akenei koe ei Kite, eaa taau e akamou ra ki roto i toou manako? Noatu eaa taau pauanga, ka uriuri tatou e toru tumu puapinga i kite ei tatou e kare e roa atu ka akonoia to te Atua anoano no te enua nei.
TAE MAI TE ARONGA AKAORO OROENUA
4, 5. (a) Eaa ta Iesu i rave mei te mataiti 1914? (Akara i te tutu i te kapi mua o teia atikara.) (e) Eaa ta te aronga e toru e akaoro ra i to ratou oroenua na muri mai ia Iesu e akatutu ra, e akapeea teia totou te akatupuia anga?
4 I te mataiti 1914, kua akakoronaia a Iesu Karaiti koia oki, kua riro mai aia e ko te Ariki no te Patireia o te Atua. Te akataka maira te totou i roto ia Apokalupo pene 6 e te akaoro ra a Iesu i te oroenua teatea. Tona riro mai anga ei Ariki, kua akamata aia i tana tutaraanga ki rungao i te ao kino o Satani. (E tatau ia Apokalupo 6:1, 2.) Te akakite ra te totou e me akamata te Patireia o te Atua i te tutara, ka kino atu te turanga i te enua nei. Ka maata atu te tamaki, te rava kore o te kai, te maki mate, e tetai au mea e akatupu ra i te mate i to mua ana. Te akatutu ra teia au tumatetenga i tetai aronga e toru e akaoro ra i to ratou oroenua na muri mai ia Iesu Karaiti.—Apo. 6:3-8.
5 Mei ta te totou i akakite, na te tamaki i “apai ke i te au i te ao nei.” Kua tupu teia noatu kua taputou te au pa enua i te akatupu i te au. Ko te Tamaki I o te Ao te akamataanga o te au tamaki te ka apai ke i te au mei te enua nei. Noatu te turanga meitaki i te pae moni e te pae taieni mei te mataiti 1914, te akatupu nei te rava kore o te kai i te manamanata e te au tamaki i te ao katoa nei. I te au mataiti, e mirioni ua atu tangata te mate nei no te maki mate e te au tumatetenga natura. Kua kino roa teia au turanga, kua tupu putuputu, e te mate nei te tangata i tei kore roa i tupu ana i roto i te tuatua enua. Kua kite ainei koe eaa te aiteanga o teia?
Akatutu te aronga e akaoro ra i to ratou oroenua e te kino atura te turanga i te ao nei (Akara i te parakarapa 4, 5)
6. Koai ma tei tapapa mari i te akatupuanga o te totou Pipiria, e eaa ta teia i akakeu ia ratou kia rave?
6 Te akamataanga te Tamaki I o te Ao e te maki vuru Paniora, kua apai ke te reira i te manako o te maataanga o te tangata. Inara kua tapapa mari te au Kerititiano akatainuia “kia ope tikai to te etene tuatau” i te mataiti 1914. (Luka 21:24) Kare te aronga akatainuia i kite tikai e ka akapeea me akatupuia te totou Pipiria, tera ra kua kite ratou e na roto i te Patireia o te Atua, ka tupu tetai angaanga puapinga i te mataiti 1914. Te marama anga ratou i te akatupuanga o te totou, kua akakitekite ratou ma te mataku kore e kua akamata te tutaraanga a te Atua. E manganui tei takinga kinoia te aere anga ratou i te akakite i te karere o te Patireia. Inara, kua riro katoa teia ei akatupu i te totou Pipiria. Tetai au mataiti i muri mai, kua takinga kino, kua tamate, e kua tuku te au enemi o te Patireia i tetai au ture kia kore te au taeake e rave i te angaanga tutu aere.—Sala. 94:20; Apo. 12:15.
7. Eaa ra te maataanga o te tangata i kore i kite e eaa te tupu nei i roto i teia ao?
2 Kori. 5:7) E maata ainei ta ratou angaanga i kore ei ratou i kite i ta te Atua e rave nei? (Mata. 24:37-39) Te akapoiri ra ainei te au irinakianga e te au akakoroanga o te ao o Satani ia ratou? (2 Kori. 4:4) Ka anoanoia tatou kia rauka te akarongo e te kite kia marama tatou i te au mea e tupu nei e ta te Patireia o te Atua e rave ra. Mataora tikai tatou e te kite nei tatou eaa tikai te tupu ra!
7 Noatu e maata te au akairo e akapapu maira e te tutara nei te Patireia o te Atua i runga i te rangi, eaa ra te maataanga o te tangata i kore i ariki i te reira? Eaa te tumu kare ratou i kite e te akatupu ra te au turanga i te ao nei i te totou Pipiria mei ta te iti tangata o te Atua e akakite ua ana i te au mataiti? Te akamou ua ra ainei ratou ki runga i ta ratou e inangaro ra i te kite? (TE TUPU RA TE TU KINO KI TE MAATA
8-10. (a) Akapeea a 2 Timoteo 3:1-5 te akatupuia anga? (e) Eaa tatou i karanga ai e te tupu ra te tu kino ki te maata?
8 Te rua o te tumu i kite ei tatou e kare e roa atu ka tutara te Patireia o te Atua i te enua nei: Kua kino roa teia ao i to mua ana e te kino ua atura. Vaitata rai ki te tai anere mataiti, kua kite tatou i te akatupu anga o te totou i roto ia 2 Timoteo 3:1-5. Mei tei akatakaia i roto i teia au irava, te totoa nei teia au tu ki te au tuanga ravarai o teianei ao. Te kite ra ainei koe i te reira? Ka uriuri ana tatou i tetai au akaraanga.—E tatau ia 2 Timoteo 3:1, 13.
9 Akaaite i te au mea tei tupu i te au mataiti 1940 e te 1950 ki te au mea e tupu nei i teia tuatau i roto i te au ngai angaanga, te tamataoraanga, te tipoti, e te tu akamanea o te tangata. E mea matau i te kite i te tu viivii tikai o te ravenga ainga e te ta ua i te au ngai katoatoa. E akaari pu ua mai ana tetai au tangata i to ratou tu no te inangaro ta, te ainga tau kore, e te tu kino tikai. I te au mataiti 1950, e karangaia ana e kare tetai au porokaramu tivi e tau ana, i teianei te karangaia ra e ka meitaki ua no te ngutuare tangata kia akara. E maata te aronga tei kite i te akakeuanga ririnui o Iuda 14, 15.
te pirianga i rotopu i te tane ki te tane e te vaine ki te vaine no te tamataoraanga, te akamaneaanga, e ta ratou au peu e rave ana i te ngai tangata. Ko tatou ra, te mataora nei e kua kite tatou i to te Atua manako no runga i teia!—E tatau ia10 Akaaite katoa i te tu meameaau o te au mapu o mua ana ki te au mapu o teia tuatau. Ei akaraanga, i te au mataiti 1950, me kai avaava te tamariki, me inu kava, e te tu me ura ratou, ka manamanata te au metua. I teia tuatau ra, e matau ana tatou i te akarongo i te au nuti poitirere, teia tetai au ripoti: Kua pupui tetai tamaiti e 15 ona mataiti i tona pupu apii, e rua tei mate e 13 tei kino. Kua tamate tetai pupu mapu tei kona i te kava i tetai tamaine e iva ona mataiti, e kua ta ratou i tona metua tane e tetai kopu tangata nona. Karanga tetai akakiteanga nuti e, tetai apa o te au kino tei raveia i roto i te tai ngauru mataiti i tetai enua i Asia, na te au mapu i akatupu. E mea papu roa e te kino ua atura te au turanga e tupu nei i teia tuatau.
11. Eaa te tumu kare te maataanga o te tangata e kite ana e te tupu ra te kino ki te maata?
11 Kua akakite mai te apotetoro ko Petero e: “Kia tae ki te au rā openga ra, e kitea mai ei e aronga taitoito, i te akono anga i ta ratou uaorai anoano, E te tuatua anga mai e, Teiea ua te aerenga mai nona i karangaia ra? te vai ua nei rai oki te au mea katoa nei mei te moe anga mairai o te ai metua ra, mei te maani anga mairai o te enua.” (2 Pete. 3:3, 4) Eaa ra tetai aronga i akapera ai? Me matau tatou i te kite i tetai mea e tupu ra, kare tatou e manako atu i te reira. Me taui viviki te tu o tetai oa piri vaitata, ka poitirere tatou. Inara, me taui marie te tu o tetai au tangata, kare tatou e poitirere. Noatu rai, e kino tikai teia au tauianga.
12, 13. (a) Eaa te tumu i rauka ai ia tatou i te akakoromaki i te au mea e tupu ra i te ao nei? (e) Eaa te ka tauturu ia tatou kia akakoromaki i teia au ra openga “kino maata”?
12 Kua akamatakite mai te apotetoro ko Paulo ia tatou e, “ka tupu te kino maata i taua tuatau openga ra.” (2 Timo. 3:1) Inara, noatu te kino o te au mea e tupu nei, ka rauka ia tatou i te akakoromaki ma te tauturu a Iehova, tona vaerua tapu, e te putuputuanga Kerititiano. Ka oronga mai te Atua i “te mana maata” kia tatou.—2 Kori. 4:7-10.
13 Kua akamata a Paulo i te totou no runga i te au ra openga e, “kia kite mai koe.” Te akapapu maira teia au tuatua e ka tupu teia totou. Kua kite tatou e ka tupu te kino ki te maata i te ao nei e tae ua atu ki te openga me takore a Iehova i te kino. I roto i te tuatua enua, kua kite tatou e kua pueu te taiate tangata, me kore te pa enua katoa no tei kore ratou i aru i te au kaveinga no te tika e te tarevake. Kare roa te au kaveinga no te tika e te tarevake i kino roa ana mei teia rai te tu. Penei ka kopae te manganui o te tangata i teia, inara te akapapu ra te au turanga tei tupu mei te mataiti 1914 e kare e roa atu ka takore te Patireia o te Atua i te au tu kino pouroa.
KARE E OPE TEIANEI UKI
14-16. Eaa te toru o te tumu i irinaki ei tatou e kare e roa atu ka “tae” mai te Patireia o te Atua?
14 Te akaari maira te tuatua enua o te iti tangata o te Atua i te toru o te tumu ka irinaki tatou e kua vaitata te openga. Ei akaraanga, i mua ake i tutara ai te Patireia o te Atua i te rangi, te tavini tiratiratu ra tetai pupu akatainuia i te Atua. I te mataiti 1914, te kore anga i akatupuia ta ratou i tapapa, eaa ta ratou i
rave? Kua tavini tiratiratu rai te maataanga ia Iehova e kua akakoromaki i te au timataanga e te takinokino anga. I te au mataiti tei aereia, kua vai tiratiratu te maataanga o te aronga akatainuia te ora ra i te mataiti 1914 e tei marama i te puapinga o taua mataiti ra.15 I roto i tana totou no runga i te au ra openga o te akatereanga a Satani, kua akakite a Iesu e: “Kare e ope teianei uki, e ope ei teianei au tuatua ravarai i te tupu.” (E tatau ia Mataio 24:33-35.) Te marama ra tatou e ko “teianei uki” ta Iesu e tuatua ra, te kapiti maira e rua pupu Kerititiano akatainuia. Te pupu mua, te ora ra ratou i te mataiti 1914, e kua marama ratou e kua akamata a Karaiti i te tutara i tera mataiti ei Ariki. Te aronga i roto i teia pupu kua akatainuia ki te vaerua tapu i te mataiti 1914 me kore i mua ake.—Roma 8:14-17.
16 Te rua o te pupu tei kapitiia mai ki “teianei uki,” kua akatainuia ratou ki te vaerua tapu i te tuatau e ora ra tetai au taeake o te pupu mua i te enua nei. No reira, kare te aronga akatainuia pouroa i teia tuatau i kapiti mai ki roto i “teianei uki” ta Iesu e tuatua ra. I teia tuatau, te ruaine atura te aronga o te pupu rua. Tera ra, kua irinaki papu tatou i te au tuatua a Iesu i roto ia Mataio 24:34 e kare tetai pae o ‘teianei uki e ope’ i mua ake ka akamata ai te mate maata. Te akapapu maira teia kia tatou e kare e roa atu ka takore te Patireia o te Atua i te aronga kino e ka apai mai te reira i tetai ao ou tuatua tika.—2 Pete. 3:13.
KARE E ROA ATU KA AUTU A KARAITI
17. Eaa ta te au akairo ta tatou i uriuri mai ana ka tauturu ia tatou kia marama?
17 Te kite ra ainei koe akapeea te au totou Pipiria te akatupuia anga i teia tuatau? Mei ta Iesu i akamatakite mai, kare tatou i kite tikai i te ra me kore i te ora ka tae mai ei te openga. (Mata. 24:36; 25:13) Tera ra, kua kite tatou aea te tuatau o te au ra openga koia oki, “te ora,” ta Paulo i taiku mai. (E tatau ia Roma 13:11.) Te noo nei tatou i roto i taua tuatau ra i teianei. Me ka akamanako meitaki tatou i te au totou Pipiria, e ta Iehova e Iesu Karaiti e rave ra, ka taka ua te au akairo kia tatou e kua vaitata te openga o teia ao kino.
18. Eaa te ka tupu ki te aronga tei patoi ia Iesu Karaiti ei Ariki no ratou?
18 Te aronga tei patoi i te mana o Iesu Karaiti, Tei Akaoro i te oroenua teatea, kare e roa atu ka kite ratou i to ratou tarevake. Kare e rauka ia ratou i te kopae i te akavaanga te ka tukuia mai ki runga ia ratou. Me tae mai tera tuatau, e maata te ka kapiki ma te mataku e: “Koai oki te tangata e mou?” (Apo. 6:15-17) Ka kite tatou i te pauanga ki taua uianga ra i roto i te pene 7 o Apokalupo. Ka “mou” te toenga o te aronga akatainuia e te “aronga maata rava,” no te mea kua mareka rava te Atua ia ratou. I reira ka ora mai te “aronga maata rava” o te mamoe ke atu ki roto i te ao ou o te Atua i muri ake i te mate maata.—Apo. 7:9, 13-15.
19. I te mea kua irinaki papu koe e kua vaitata te openga, eaa taau ka tapapa atu?
19 Me ka akamanako meitaki ua rai tatou i te au totou Pipiria e akatupuia ra i teia tuatau, kare tatou e akavareia e te ao o Satani. Kare e ngaro ia tatou te aiteanga tikai o te au turanga e tupu ra i roto i teianei ao. Kare e roa atu, ka autu a Karaiti e ka takore aia i teia ao kino i te tuatau o te tamakianga tuatua tika o Aramakito. (Apo. 19:11, 19-21) Akamanako ana i to tatou rekareka i muri ake i tera tuatau!—Apo. 20:1-3, 6; 21:3, 4.