Te Ra Puapinga Maata Rava Atu i Roto i te Tuatua Enua

Ko te ra te reira i mate ei a Iesu Karaiti. Eaa ra te mate o Iesu i puapinga ai? E maata te au tumu.

To Iesu tu akarongo mou e tae ua atu ki tona mate anga, te akapapu maira e ka rauka i tetai ua atu tangata i te akono i te tu tiratiratu ki te Atua.

Kua oronga katoa mai te mate o Karaiti i tetai atianga no tetai au tangata, kia riro mai ei au tutara i runga i te rangi ma ia katoa. Pera katoa, kua akatuera mai te reira i te mataara no te au tangata e manganui kia mataora i te oraanga mutu kore i runga i te enua parataito.

I te aiai i mua ake i tona mate, kua taangaanga a Iesu i te varaoa opue kore e te uaina muramura, ei akatutu i tona atinga aroa ei tangata. E kua akakite aia ki tana au pipi e: “E akapera kotou ei manako anga iaku.” (Luka 22:19) Ka akamaara ainei koe i teia tupuanga puapinga?

Te pati akaaka atu nei te Au Kite o Iehova ia koe kia kapiti mai kia ratou i te akono anga i teia Akamaaraanga i te mate o Iesu. I teia mataiti ko te ra no te akamaara anga e Paraparau, ra 9 o Aperira, i muri ake i te opunga ra. Penei ka tae atu koe ki ko i te Are Uipaanga Patireia vaitata atu ki toou kainga. E ui atu ki te Au Kite o Iehova i toou ngai i te ora tikai e te ngai, ine.