No ta Tatou Au Mapu

E Tangata Akarongo i te Au Taputou a te Atua

Au Ikuikuanga: E rave i teia apiianga i roto i te au ngai muteki ua. Ia koe e tatau ra i te au irava, e akamanako e tei roto koe i te reira tupuanga. Akamanako meitaki i te akatutuanga. Akarongo i te au reo. Akamanako i te au manako ngakau o te aronga tikai i roto i te tua.

AKAMANAKO MEITAKI I TE AKATUTUANGA.—TATAU IA GENESE 12:1-4; 18:1-15; 21:1-5; 22:15-18.

E akamarama mai i to Aberahama manako te akarongo anga i te taputou a te Atua e ka riro mai aia ei tupuna no te “uanga” te ka riro ei puapinga no te ao katoa.

․․․․․

I toou manako eaa te tu o te au manuiri tokotoru tei akatakaia mai i roto ia Genese 18:2?

․․․․․

I toou manako eaa te angaanga tei akatakaia mai i roto ia Genese 18:6-8? (E akamanako ua ana e kua vaitata a Aberahama i te 100 mataiti i taua taime ra.)

․․․․․

KIMIKIMI MARIE.

Eaa te roa i rotopu i te taime i taputou ei a Iehova i tetai tamaiti na Aberahama e te taime i anauia ai a Isaaka? (Tatau akaou ia Genese 12:4 e te 21:5.)

․․․․․

Eaa te au akapapuanga ta Iehova i oronga kia Aberahama i te tuatau e tiaki ra kia akatupuia te au taputou? (Tatau ia Genese 12:7; 13:14-17; 15:1-5, 12-21; 17:1, 2, 7, 8, 15, 16.)

․․․․․

Eaa ta Iehova i rave no Aberahama i te akaari anga a Aberahama e kare aia e papu roa ana e ka tu aia i te tamaiti? (Tatau akaou ia Genese 15:3-5, 12-21.)

․․․․․

Akapeea a Iehova i te akakite marie mai anga i te au mea no runga i te “uanga”?

․․․․․

AKONO I TAAU I KITE. TATA I TAAU I KITE MAI NO TE . . .

Akarongo tei anoanoia i roto i te au taputou a te Atua.

․․․․․

Akapeea a Iehova i te akaari marie ua mai anga i tona anoano.

․․․․․

EAA TE MEA PUAPINGA KIA KOE NO RUNGA I TEIA PAPAANGA, E NO TEAA RA?

․․․․․