No ta Tatou Au Mapu

Peea i Ngaro ei te Parataito

Au Ikuikuanga: E rave i teia apiianga i roto i te au ngai muteki ua. Ia koe e tatau ra i te au irava, e akamanako e tei roto koe i te reira tupuanga. Akamanako meitaki i te akatutuanga. Akarongo i te au reo. Akamanako i te au manako ngakau o te aronga tikai i roto i te tua.

AKAMANAKO MEITAKI I TE AKATUTUANGA.​—TATAU IA GENESE 3:​1-​24.

Mei teaa ra toou manako i to Eva tu, i te akamata anga te ovi i te tuatua mai kiaia?

․․․․․

Akamaara e kua rave akakoro a Adamu raua ko Eva i te ara, i toou manako e mei teaa ra to raua manako ngakau, mei tei ripotiia mai i te irava 7-​10?

․․․․․

I toou manako e mei teaa ra te tu, i te tuaru angaia a Adamu raua ko Eva mei te kainga i Edene, mei tei akatakaia mai e te irava 22-​24?

․․․․․

KIMIKIMI MARIE.

Peea te mata o Eva i te arataki anga iaia kia rave i te ara? (Tatau akaou i te irava 6.)

․․․․․

Eaa te tumu i riro ei te ua rakau kia Eva ei mea “taurekareka no te mata”? (Tatau akaou i te irava 4 e te 5.)

․․․․․

Eaa ra tei akakeu ia Adamu kia piri atu kia Eva i tana ara? (Tatau akaou i te irava 6.)

․․․․․

Akapeea ra te ara i te takino anga i te pirianga i rotopu i te tane e te vaine i te au uki ka aereia? (Tatau akaou i te irava 16.)

․․․․․

Peea i taka meitaki ei e kua takinoia te pirianga i rotopu ia Adamu raua ko Eva, no te ara tei tupu? (Tatau akaou i te irava 12.)

․․․․․

I akapeea a Iehova i te tuku viviki mai anga i tetai ravenga ei rapakau i te manamanata, kia tae tona akakoroanga ki te openga? (Tatau akaou i te irava 15.)

․․․․․

AKONO I TAAU I KITE. TATA I TAAU I KITE MAI NO TE . . .

Kino o te tu akatakake.

․․․․․

Peea te mata i te akakeu anga i te au anoano tika kore.

․․․․․

Puapinga kore te akaapa i tetai ke no to tatou tarevake.

․․․․․

EAA TE MEA PUAPINGA KIA KOE NO RUNGA I TEIA PAPAANGA, E NO TEAA RA?

․․․․․