Akoanga Puapinga na te Papuriki

Te Au Tika Tikai e te Tinamou​—Aea?

E tauatini ua atu mataiti, to te tangata kimi anga i te au e te tinamou. Inara kare rava i rauka ana i te tangata te au tika tikai. Eaa ra te tumu? Te oronga maira te Pipiria e rua nga tumu maata i ngata ai kia rauka mai te au. Te akakite katoa maira i teia akapapuanga pumaana e: Te taputou maira te Atua i te au tika tikai e te tinamou no te tangata i teianei ao katoa e pini ua ake.

Akapeea e aea i reira teia au e te tinamou e tupu ei? Eaa te ka inangaroia koe kia rave kia mareka i teia au turanga mataora? Ka pauia teia au uianga i roto i te akoanga na te papuriki ko “Te Au Tika Tikai e te Tinamou​—Aea?” Ka orongaia teia tuatua akatumuia ki runga i te Pipiria i roto i teianei ao katoa e pini ua ake, i roto i te au enua e 230. I roto i te maata anga o te au ngai, ka orongaia te reira i ko i te Are Uipaanga Patireia o te Au Kite o Iehova a te Tapati, Aperira 18, mataiti 2010. Ka rekareka te Au Kite i roto i toou ngai i te akakite atu kia koe i te ora e te ngai. Te pati akaakaia atu nei koe kia tae mai.