No te Au Mapu

Kua Akaoraia Tetai Tangata Repera!

Au Ikuikuanga: E rave i teia apiianga i roto i te au ngai muteki ua. Ia koe e tatau ra i te au irava, e akamanako e tei roto koe i te reira tupuanga. Akamanako meitaki i te akatutuanga. Akarongo i te au reo. Akamanako i te au manako ngakau o te aronga tikai i roto i te tua. E akaora mai i te papaanga.

Aronga i roto i te tua: Naamana, Elisaia, e tetai tamaine ngati Iseraela kare i akakiteia mai te ingoa.

Akakiteanga poto: Kua akaoraia te rangatira vaeau ko Naamana i tona maki kino i muri ake i te akakite anga tetai tamaine ngati Iseraela kiaia kia aravei atu ia Elisaia.

1 AKAMANAKO MEITAKI I TE AKATUTUANGA.​—TATAU IA 2 ARIKI 5:1-19.

Eaa ra te manako ngakau ta te manga tamaine ngati Iseraela i akakoromaki ana i te raveia mai anga aia mei tona pamiri akono Atua?

․․․․․

Eaa te manamanata e kite ra koe i roto ia Naamana​—e tangata toa tei tu i te maki mate?

․․․․․

Eaa te au tu manako ngakau e kite ra koe i roto i te uriurianga i rotopu ia Naamana e tona au tavini, i roto i te irava 11 ki te 13?

․․․․․

Eaa te tuke e kite ra koe i roto i te tu o Naamana, i te akamataanga o te irava 15?

․․․․․

2 KIMIKIMI MARIE.

Eaa ra te au tumu penei tei akamaata atu i te tu akatietie o Naamana? (Tatau akaou i te irava 1.)

․․․․․

Taangaanga i te au atikara ka rauka ia koe i te kimikimi no runga i te maki repera i te tuatau o te Pipiria. * (Ei akaraanga, mei teaa ra te kino o taua maki ra? E maki piri ainei? Peea ra te rapakau anga i te reira?)

․․․․․

 Te akaoraia anga a Naamana, eaa i toou manako ta te reira i akatupu ki te manga tamaine ngati Iseraela?

․․․․․

Na roto i teea tu te pauanga a Elisaia, i te timata anga ia Naamana? (Akara i te irava 10.)

․․․․․

3 AKONO I TAAU I KITE. TATA I TAAU I KITE MAI NO TE . . .

Kino o te ngakau akatietie.

․․․․․

Mataku kore i te tuatua no runga i toou irinakianga.

․․․․․

To Iehova mana kia akaora i te maki.

․․․․․

4 EAA TE MEA PUAPINGA KIA KOE NO RUNGA I TEIA PAPAANGA, E NO TEAA RA?

․․․․․

MAATA ATU TE APIIANGA PIPIRIA E TATAU I RUNGA I TE KOMUPIUTA www.watchtower.org

[Tataanga Rikiriki i Raro]