“Ka Akakore Ainei te Tangata i Teia Enua?”

● Mei te mareva, e akaraanga manea tikai te Enua paraneta mei tetai poe auika e te teatea. Inara me akara matatioia atu, ka kiteaia e te tupu ra te manamanata ki to tatou kainga. No teaa ra? Mama ua te pauanga: Kare te tangata e akono ana i te reira. Pera katoa, te takinokino tikai ra ratou i te enua na te akataero anga, te takore anga i te vaorakau, e te takino katoa ra i te tu akono tau e te turanga pae vaerua na roto i te kino, akamaringi anga toto, e te tu ainga tau kore.

Kua totouia teia turanga taitaia mei tetai rua tauatini mataiti i topa i roto i te au totou umere tei rekotiia i roto i te Pipiria. (2 Timoteo 3:1-5; Apokalupo 11:18) Kua totou katoa te Pipiria e na te Atua?—kare na tetai ua atu tangata?—e akatikatika i te au manamanata. Ka uriuriia teia au tumu tuatua puapinga i roto i te akoanga a te papuriki “Ka Akakore Ainei te Tangata i Teia Enua?” Ka orongaia teia akoanga i te au Uruoaanga Tapere a te Au Kite o Iehova, “Kia Tae Mai te Patireia o te Atua!” akamata i roto ia Me i Marike, takapini i teianei ao.

Te pati pumaanaia atu nei koe kia tae mai ki te uruoaanga vaitata mai kia koe. No te au akakitekiteanga, e aravei atu i te Au Kite o Iehova i toou ngai me kore tata ki te aronga nenei o teia makatini. Tei runga i te Initaneti www.pr418.com te au papaanga o te ngai o te uruoaanga i roto i te enua Patipika.