Totou 5. Takinoia te Enua

‘Ka takore te Atua i te aronga e takino ra i te ao.’​—APOKALUPO 11:18.

● E angaanga ana a Mr. Pirri ei tangata akatae uaina nu tamara i Kpor, Naiteria. Kua takinoia tana pitiniti okooko e te inu tei maringi maata i Niger Delta. “Kua tamate te reira i te au ika, kua takino i to matou pakiri, e te au kauvai,” i tuatua ai aia. “Kare aku kimikimi anga akaou no te oraanga.”

EAA TA TE AU TUPUANGA E AKAARI MAIRA? Kia tau ki ta tetai aronga kite, e 6.5 mirioni tane inu e tae ana ki roto i te au moana o teianei ao i te mataiti okotai. Mei tetai 50 patene o te au plastic te ka papanu aere no tetai au anere mataiti i mua ake ka pe ei. Kapiti mai ki te akataeroanga i te enua, te takore vivikiia nei e te au tangata te au apinga natura. Te akaari maira tetai au apii e ka anoano te enua e tai mataiti e te rima marama kia akameitakiia mai mei ta te au tangata i takore i te mataiti okotai. “Me maata atu te tangata e me tupu ua atu te takore anga o te au apinga natura, ka anoano tatou e rua nga Enua aiteite i te mataiti 2035,” i ripoti mai ei te nuti pepa Sydney Morning Herald o Autireria.

EAA TE TUPUANGA MATAUIA? E kite pakari to te tangata i te kimi ravenga no te manamanata. Ka rauka ia tatou te taui i teia au manamanata i te akaora mai i te enua.

TAU AINEI TEIA TUPUANGA? Maata te au tangata e te au pupu tataki tai e angaanga pakari ra i te akakite mai i te au manamanata o te turanga o te enua. Inara, te akataero maataia nei rai te enua.

EAA TOOU MANAKO? Ka anoano ainei te Atua i te akao mai iaia e kia akaora mai i te paraneta mei te takinoia anga—mei tana i taputou mai?

Kapiti mai ki te au totou e rima tei akamanakoia ana, kua totou katoa mai te Pipiria i te au tupuanga papu no te tuatau openga. Akamanako ana e tai akaraanga i roto i te ono o te totou.

[Tataanga i te kapi 8]

“Manako au e mei te mea rai e kua tu au i tetai tuanga parataito tei taui ki tetai ngai vairanga teita poitini.”—ERIN TAMBER, A RESIDENT OF THE GULF COAST, UNITED STATES, CONCERNING THE EFFECTS OF THE 2010 OIL SPILL IN THE GULF OF MEXICO.

[Pia i te kapi 8]

Na te Atua Ainei i Akatupu?

I te mea e kua totou mai te Pipiria i te au turanga kino e kite nei tatou i teia tuatau, ka tau ainei e na te Atua i akatupu i te reira? Nana ainei e tamamae maira ia tatou? Ka kite koe i te au pauanga ki teia au uianga i te pene 11 o te puka Eaa Tikai ta te Pipiria e Apii Maira? neneiia e te Au Kite o Iehova.

[Akameitakianga no te Tutu i te kapi 8]

U.S. Coast Guard photo