Tuatau Meitaki i Mua ua Atu!
Tuatau Meitaki i Mua ua Atu!
“E roa poto ake, e kare ua te tangata kino ra . . . Kareka te aronga maru ra, ka noo ïa i te enua, e ka rekareka ratou i te maata o te au ra.”—SALAMO 37:10, 11.
KA INANGARO ainei koe kia kite i te totou tei taikuia i runga akenei kia akatupuia? Papu e ka inangaro koe. E au tumu tau kia irinaki e kare e roa atu ana ka tupu mai te reira.
Te uriuri ra te au atikara i mua atu i tetai o te au totou anga Pipiria te akataka maira e te noo nei tatou i te “tuatau openga.” (2 Timoteo 3:1-5) Kua akauru te Atua i te aronga tata Pipiria kia totou i taua au tupuanga ei manakonakoanga no tatou. (Roma 15:4) Te aiteanga o taua totou anga e kare e roa atu ana ka ope te au manamanata e aro atu nei tatou.
Eaa te ka aru mai i te au tuatau openga? Ka tutara te Patireia o te Atua ki rungao i te tangata katoatoa. (Mataio 6:9) Akamanako ana i te akataka anga a te Pipiria no runga i te au turanga o te enua i taua tuatau ra:
● Takoreia te onge. “E manga sitona okotai rima i ki i te enua nei, i runga i te take o te au maunga.”—Salamo 72:16.
● Takoreia te au maki. “Kare oki to reira e karanga e, Kua maki au.”—Isaia 33:24.
● Akaouia te enua. “Te medebara, e te ngai vaiavare ua, e rekareka ïa no ratou ra; e rekareka rai te enua ngangaere, e e pua oki mei te tiare.”—Isaia 35:1.
Ko tetai teia o te au totou Pipiria akamaroiroi anga te ka akatupuia kare e roa atu ana. Eaa ka kore ei e pati ki te Au Kite o Iehova kia akaari mai kia koe i te tumu i papu ei ia ratou e e au tuatau meitaki to mua atu ia ratou?
