Kua akamata mai te makatini taau e tatau nei i te neneiia i roto ia Tiurai 1879. Kua taui te au mea mei te reira taime mai—pera katoa teia makatini. (Akara i te au tutu i te tua katau.) Akamata mai mei teia itiu, ka kite mai koe i tetai atu au tauianga ki te papaanga o Te Punanga Tiaki. Eaa te au tauianga ou?

I roto i te au enua e manganui, e maata te au tangata e reka ana i te kimikimi aere i te au akakitekiteanga i runga i te Initaneti. E mama ua ia ratou i te kimi e te tatau i te au akakiteanga te ka rauka anake ua i runga i te Initaneti. Ka rauka ia ratou i te tatau i te au puka, te au makatini, e te au nuti pepa i runga i te Initaneti.

No te mea e maata te au tangata e reka ana i te tatau i runga i te Initaneti, kua akaou matou i ta matou Web site jw.org, kia akara anga manea ake e kia mama ua no te au tangata i te taangaanga i te reira. Ka rauka i te aronga e aere ra ki runga i te Web site i te tatau i te au puka i roto i te 430 tuma reo. Akamataanga i teia marama, ka rauka katoa i te aronga e aere ra ki runga i ta matou Web site i te tatau i te au atikara tei nenei putuputuia ana i roto i ta matou makatini, inara ka rauka anake ua te reira i runga i ta matou Web site. *

I te mea e ka maata atu ta matou au atikara ka tuku ki runga i te Initaneti, akamata mai mei teia itiu, ka akaitiia mai Te Punanga Tiaki mei te 32 kapi ki te 16 kapi. Kua neneiia Te Punanga Tiaki ki roto i tetai 204 reo. No te potopoto o te atikara, penei ka maata atu te reo ka uriia i roto i teia makatini.

Te irinaki nei matou e ka tauturu teia au tauianga ia tatou kia akakitekite maata atu i te karere Pipiria ki te au tangata te ka rauka i te akaora ia ratou. Ka tauta ua rai matou i te oronga atu i te au akakiteanga meitaki e te reka tikai​—i roto i te au makatini e i runga i te Initaneti—​kia puapingaia te maataanga o ta tatou aronga tatau te akangateitei ra i te Pipiria e te inangaro i te kite eaa tikai ta te Pipiria e apii maira.

Aronga Nenei