E pure putuputu ana ainei koe? Maata te tangata e pure ana ratou, pera katoa te aronga kare e irinaki ana i te Atua. Eaa ra te tangata i pure ei? Kua akakite mai tetai kimikimianga i Varani e e maata te aronga Varani tei pure me kore tei akamanako oonu i tetai au taime “kia meitaki atu to ratou turanga.” Maata te aronga i Europa, kare ratou e pure ana i te akamori i te Atua. Mari ra, te kimi ra ratou i “te pumaana te ka rauka mai no te pure.” I tetai tua, e pure ua ana tetai aronga tei irinaki i te Atua me rokoia ratou e te manamanata, e ka tapapa ratou kia pau vivikiia ta ratou pure.—Isaia 26:16.

Akapeea koe? I toou manako ka rauka ua ainei te pure i te tauturu ia koe kia akamanako meitaki? Me irinaki koe i roto i te Atua, te kite ra ainei koe e ka tauturu mai te pure ia koe? Me kore i te akara anga, kare taau au pure e pauia mai? Ka tauturu te Pipiria ia koe kia kite e e ravenga puapinga te pure kia akavaitata atu ki te Atua.