Me akarongo koe ki te nuti o teianei ao, penei ka kite mai koe i tetai au akonoanga e rave ra i te kino. Kare te Atua mou e ariki ana i te au akonoanga pouroa. (Mataio 7:15) Ko te tika, kua akavareia te maataanga o te tangata.—E tatau ia 1 Ioane 5:19.

Noatu ra, te kite maira te Atua i te aronga ngakau tae tei inangaro i te mea meitaki e te tika. (Ioane 4:23) Te pati maira te Atua i taua aronga ra kia apii i te tuatua mou i roto i tana Tuatua, te Pipiria.—E tatau ia 1 Timoteo 2:3-5.

Te taokotai nei te Atua ko Iehova i te au tangata no roto mai i te au akonoanga tukeke na te apii anga ia ratou i te tuatua mou e kia aroa i tetai e tetai. (Mika 4:2, 3) No reira, ka kite koe i te aronga tei turuturu i te akonoanga mou na roto i to ratou tu ki tetai e tetai.—E tatau ia Ioane 13:35.

Te akamou ra te aronga akamori mou i to ratou irinakianga e to ratou tu ki runga i te Puka Tapu. (2 Timoteo 3:16) Te akangateitei katoa ra ratou i te ingoa o te Atua. (Salamo 83:18) E te akakitekite ra ratou e ko te Patireia anake ua o te Atua te ka oronga mai i te manakonakoanga no te tangata. (Daniela 2:44) Te aru nei ratou ia Iesu na te tuku anga i to ratou “mārama, kia kakā,” koia oki na te akono meitaki anga i to ratou tangata tupu. (Mataio 5:16) No reira, ka kiteaia te au Kerititiano mou no ta ratou atoro anga i te tangata mei tera are ki tera are i te akakitekite i te tuatua meitaki o te Patireia o te Atua.—E tatau ia Mataio 24:14; Angaanga 5:42; 20:20.