Pauia te au Uianga Pipiria
Eaa te manakonakoanga no te tangata no te tuatau ki mua?
Kare e ekoko, ka tere atu te tangata ki mua i roto i te angaanga taieni. Tera ra, ka rauka ainei i te tangata i te akatupu i te turanga au i rotopu i tetai e tetai? Kare. I teia tuatau, kua ki teia ao i te tu karapii e te noinoi. Tera ra, e akakoroanga meitaki atu to te Atua no te iti tangata.—E tatau ia 2 Petero 3:13.
Te akataka maira te Tuatua a te Atua i tetai iti tangata i te tuatau ki mua te ka inangaro i tetai e tetai. Ka noo tinamou ua te tangata, e kare tetai e takinokino atu ia ratou.—E tatau ia Mika 4:3, 4.
Akapeea te tu karapii me akakoreia?
I te akamataanga, kua anga mai te Atua i te tangata kare ona tu karapii. Inara kua iki te tangata mua i te akarongo kore ki te Atua e kua ngere aia i te turanga apa kore. Kua iri mai tona tu karapii ki runga ia tatou. Noatu ra, na roto ia Iesu ka akaoki te Atua i te tangata ki te oraanga apa kore.—E tatau ia Roma 7:21, 24, 25
Kia tau ki to te Atua anoano, kua akaatinga a Iesu i tona oraanga ei apai ke i te tu kino ta te tangata mua i akatupu. (Roma 5:19) Na roto i teia tu, kua akatuera a Iesu i te mataara no te tangata kia matara mai mei te tu noinoi no te rave atu i te kino.—E tatau ia Salamo 37:9-11.