Ka Ope Ainei te au tu Mamae?
Ka karanga ainei koe e . . .
-
ae?
-
kare?
-
penei?
AKAKITE RA TE PIPIRIA E
‘Ka orei te Atua i te roi-mata katoatoa; e e kore rava te mate, e te aue, e te mii; e te mamae.’—Apokalupo 21:3, 4, Te Bibilia Tapu Ra.
AU AKAMEITAKIANGA NOOU
Akapapuanga e kare na te Atua e akatupu ana i to tatou manamanata.—Iakobo 1:13.
Pumaana i te kite e te marama ra te Atua i to tatou manako me mamae tatou.—Zekaria 2:8.
Manakonakoanga e ka ope te au tu mamae.—Salamo 37:9-11.
KA RAUKA AINEI TE IRINAKI TIKAI I TE PIPIRIA?
Ae, e rua tumu:
-
E rikarika ana te Atua i te au tu mamae e te tu tika kore. Akamanako ana i to Iehova tu te takinokinoia anga tona iti tangata i te tuatau taito. Karanga ra te Pipiria e kua taitaia tikai aia i “te aronga i tinai-mate mai ia ratou.”—Te Au Akava 2:18.
Rikarika ra te Atua i te aronga tei takino i tetai ke. Ei akaraanga, karanga ra te Pipiria e e mea viivii kia Iehova “te rima i maringi ei te toto ara kore ra.”—Maseli 6:16, 17.
-
Te manako maira te Atua ia tatou tataki tai. Kare ko te tangata ua tei “kite i tona uaorai mate, e tona uaorai kino,” te kite katoa maira a Iehova!—2 Paraleipomeno 6:29, 30.
Kare e roa atu ana, ka takore a Iehova i te au tu mamae o te katoatoa na roto i tona Patireia. (Mataio 6:9, 10) I teianei, te akapumaana nei aia i te aronga tei kimi tikai iaia.—Angaanga 17:27; 2 Korinetia 1:3, 4.
KIA AKAMANAKO
Eaa ra te Atua i akatika ua ai i te au tu mamae?
Te pau maira te Pipiria i taua uianga ra i roto ia ROMA 5:12 e 2 PETERO 3:9.
Ka Reka Katoa Koe i Teia
ESSENTIAL BIBLE TEACHINGS
Eaa ra te Atua i Akatika ai i te Mamae Kia Tupu?
Oronga mai te Pipiria i te pauanga taka meitaki e te akapumaana.
E ARA!
No te Atua Ainei te Apa i Mamae ei Tatou?
Akavareia te tangata e te au apiianga tarevake no runga i te Atua. Eaa te tuatua mou?
TE PUNANGA TIAKI
Kua Vaitata Roa te Openga o te Taitaia!
Taputou te Atua te akaatea pouroa i te kino. Akapeea aia me rave i teia?
E ARA!
Au Apiianga Tei Akatupu i te Manakonakoanga
Kua taputou mai te Atua i te au tauianga umere no te tuatau ki mua.
NO RUNGA IA MATOU
Eaa te Tumu ka Apii ei i te Pipiria?
Oronga maira te Puka Tapu i te pauanga no te au uianga puapinga o te oraanga ta te tangata e ui nei. Ka inangaro ainei koe i te kite i te pauanga?
APIIANGA PIPIRIA
Tamata i ta Matou Apii Pipiria
Āriki i tetai uriurianga apii Pipiria naau anake kare e tutaki ma te puapii.
