Ka Ora Akaou Tikai Ainei Tei Mate?
Ka karanga ainei koe e . . .
-
ae?
-
kare?
-
penei?
AKAKITE RA TE PIPIRIA E
“E tuakaouanga to tei mate.”—Angaanga 24:15, Te Bibilia Tapu Ra.
AU AKAMEITAKIANGA NOOU
Akapumaanaanga me mate te aronga akaperepereia e koe.—2 Korinetia 1:3, 4.
Kare e mataku akaou i te mate.—Ebera 2:15.
Manakonakoanga mou kia kite akaou i toou au akaperepere i mate.—Ioane 5:28, 29.
KA RAUKA AINEI TE IRINAKI TIKAI I TE PIPIRIA?
Ae, e toru tumu:
-
Ko te Atua te Tumu o te ora. Karanga te Pipiria e ko Iehova “te tumu o te ora.” (Salamo 36:9; Angaanga 17:24, 25) Papu e ka rauka i te Atua tei oronga mai te ora no te au mea ora ravarai te akaoki akaou mai te oraanga o tetai tei mate.
-
Kua akatuakaou ana te Atua i te tangata i te tuatau i topa. E varu aronga ta te Pipiria i akakite e kua akatuakaouia mai i te enua nei—te mapu, te pakari, te tane, e te vaine. Tetai pae kare i roa te mate anga, okotai, e a ra tona vai anga i roto i te ngai tanumanga!—Ioane 11:39-44.
-
Inangaro te Atua te rave akaou i te reira. E enemi te mate no Iehova. (1 Korinetia 15:26) Te inangaro nei aia i te akavi i taua enemi ra, te takore i te mate na roto i te akatuakaouanga. Inangaro katoa aia i te akaoki mai i te aronga tana e manako ra e kia kite akaou ia ratou i te enua nei.—Iobu 14:14, 15.
KIA AKAMANAKO
Eaa ra tatou e ruaine ei e e mate ei?
Te pau maira te Pipiria i taua uianga ra i roto ia GENESE 3:17-19 e ROMA 5:12.
Ka Reka Katoa Koe i Teia
ESSENTIAL BIBLE TEACHINGS
Eaa ra te Turanga o Tei Mate?
Taputou mai te Pipiria i tetai tuatau e ka akatuakaouia mai te tangata mei te mate, mei ia Lazaro rai.
PAUANGA PIPIRIA
Eaa te Tuakaouanga?
Penei ka poitirere koe e koai ma ka akaoraia mai a te tuatau ki mua.
NO RUNGA IA MATOU
Eaa te Tumu ka Apii ei i te Pipiria?
Oronga maira te Puka Tapu i te pauanga no te au uianga puapinga o te oraanga ta te tangata e ui nei. Ka inangaro ainei koe i te kite i te pauanga?
APIIANGA PIPIRIA
Tamata i ta Matou Apii Pipiria
Āriki i tetai uriurianga apii Pipiria naau anake kare e tutaki ma te puapii.
