AKAMATA I TETAI PUKAPUKA ANGA
APII 3
Takinga Meitaki
Kaveinga: ‘Te aroa, e takinga-meitaki.’—1 Kori. 13:4.
Ta Iesu i Rave
1. Akara i te VITIO, me kore e tatau ia Ioane 9:1-7. E oti akamanako i te au uianga:
-
a. Eaa ta Iesu i rave na mua—ko te akaora i te tangata matapo me ko te akakite i te nuti meitaki kiaia?—Akara ia Ioane 9:35-38.
-
e. Eaa ra i toou manako i inangaro ei teia tangata i te akarongo kia Iesu?
Eaa te Apiianga Mei ia Iesu?
2. Ka akarongo te tangata ki ta tatou karere me kite aia e te manako ra tatou iaia.
Aru ia Iesu
3. Akaari i te tu tangi. E akamanako eaa tikai tana e na roto ra.
-
a. Ui kia koe: ‘Eaa tana e manamanata ra? Eaa tana e kite maira te ka tauturu iaia?’ Ka akakeu te reira ia koe kia akaari i te tu takinga meitaki ma te aroa.
-
e. Me akarongo meitaki koe ki tetai tangata te akaari ra koe i toou inangaro iaia. Me akakite mai aia i tona manako me kore te taiku i tetai manamanata e na roto ra aia, eiaa e taui i te manako.
4. Tuatua maru e te akangateitei. Me akaari koe i te tangi aroa ki te tangata, e te inangaro tikai i te tauturu iaia, ka kiteaia na roto i taau tuatua. Iki meitaki i taau tuatua e te tangi anga o toou reo, e te kopae i te au tuatua akakino.
5. Oronga i te tauturu. Akara i tetai atianga meitaki no te tauturu iaia. Me akaari tatou i te tu takinga meitaki kiaia, ka inangaro aia i te pukapuka mai kia tatou.
