ATORO AKAOUANGA
APII 8
Tiaki Marie
Kaveinga: “E akakoromaki anga roa to te aroa.”—1 Kori. 13:4.
Ta Iesu i Rave
1. Akara i te VITIO, me kore e tatau ia Ioane 7:3-5 e 1 Korinetia 15:3, 4, 7. E oti akamanako i te au uianga:
Eaa te Apiianga Mei ia Iesu?
2. Ka anoanoia kia tiaki marie no te mea ka roa rai tetai aronga i te āriki i te nuti meitaki.
Aru ia Iesu
3. Tamata i tetai ravenga ke. Me kare te tangata e āriki vave i te apii Pipiria, eiaa e māro atu iaia. Me ka tau, e taangaanga i te au vitio me kore te au atikara kia mārama aia eaa te raveia ana i ko i tetai apii Pipiria e akapeea aia e puapinga ai.
4. Eiaa e akaaite atu i tetai ki tetai. E tuke tuke te tu o te tangata. Me emiemi tetai o te pamiri me kore tetai taau e atoro ana kia apii i te Pipiria, me kore kia āriki i tetai apiianga Pipiria, e akamanako, eaa ra te tumu. Te akaperepere ra ainei aia i tetai apiianga o tana akonoanga? Te māroia ra ainei aia e te kopu tangata e tona tangata tupu? Oronga i te taime kia akamanako aia eaa taau i tuatua e te puapinga o te Pipiria.
5. E pure no tetai tei akaari i te inangaro. E pati i ta Iehova tauturu kia vai papu e kia akaari koe i te tu akangateitei. E pure no te tauturu kia kite koe aea e akamutu ei i te atoro iaia.—1 Kori. 9:26.
