TUANGA 4
Akarongo Raua kia Satani—Eaa Tei Tupu Mai?
Kare a Adamu e Eva i akarongo ana ki te Atua, no reira kua mate raua. Genese 3:6, 23
Kua akarongo a Eva ki te ovi e kua kai i te ua rakau. Muri mai, kua oronga aia i tetai na Adamu, e kua kai aia i te reira.
Tarevake ta raua i rave —e ara te reira. Kua tuaru te Atua ia raua mei to raua kainga Parataito.
Ngata te oraanga no raua e ta raua tamariki. Kua ruaine e kua mate raua. Kare raua i aere ana ki te rangi; kua ope to raua oraanga.
Genese 3:19
Mei te one pueu rai te aronga i mate.Ka mate tatou no te mea no roto mai tatou ia Adamu e Eva. Kare tei mate e kite, e akarongo me kore e rave i tetai angaanga.—Koheleta 9:5, 6, 10.
Kare a Iehova e inangaro kia mate te tangata. Kare e roa atu ka akatuakaou mai aia i tei mate. Me akarongo ratou kiaia, ka ora ratou e tuatau ua atu.